பாடம்: 43. குர்ஆனைக் கற்பிக்கக் கூலி பெறுதல்

உபாதா பின் அஸ்ஸாமித் ரளியல்லாஹு அன்ஹு அறிவித்துள்ளதாவது : திண்ணைத் தோழர்களுக்கு எழுத்துப் பயிற்சியையும் குர்ஆனையும் கற்றுக்கொடுத்தேன் . ஆகவே அவர்களுள் ஒருவர் எனக்கொரு வில்லை அன்பளிப்பாகக் கொடுத்தார் . இது ( பணம் சார்ந்த ) பொருள் இல்லை . மேலும் நான் இதை அல்லாஹ்வின் பாதையில் எய்யப் பயன்படுத்துவேன் ; ( இருந்தாலும் ) நான் அல்லாஹ்வின் தூதரிடம் சென்று , ( இதற்கான விளக்கத்தைக் ) கேட்பேன் என்று நான் கூறிக்கொண்டேன் . எனவே நான் அவர்களிடம் வந்து , “ அல்லாஹ்வின் தூதரே ! எழுத்துப் பயிற்சியையும் குர்ஆனையும் கற்றுக்கொடுத்தவர்களுள் ஒருவர் , எனக்கொரு வில்லை அன்பளிப்பாகக் கொடுத்தார் . இது ( பணம் சார்ந்த ) பொருள் இல்லை . நான் இதை அல்லாஹ்வின் பாதையில் எய்ய ( ப் பயன்படுத்த ) லாமா ?” என்று கேட்டேன் . அதற்கவர்கள் , “ அதன் மூலம் ( உமக்கு ) நெருப்பு மாலை போடப்படுவது உமக்கு மகிழ்ச்சியளித்தால் , அதை நீர் ஏற்றுக்கொள்வீர் ” என்று கூறினார்கள் .

உபை பின் கஅப் ரளியல்லாஹு அன்ஹு அறிவித்துள்ளதாவது : நான் ஒருவருக்குக் குர்ஆனைக் கற்றுக்கொடுத்தேன் . ஆகவே அவர் எனக்கொரு வில்லை அன்பளிப்பாகக் கொடுத்தார் . நான் அதை அல்லாஹ்வின் தூதர் ஸல்லல்லாஹு அலைஹி வஸல்லம் அவர்களிடம் கூறினேன் . அதற்கவர்கள் , “ அதை நீர் எடுத்துக்கொண்டால் நரகத்திலிருந்து ஒரு வில்லை எடுத்துக்கொண்டுவிட்டீர் ” என்று கூறினார்கள் . ஆகவே நான் அதைத் திருப்பிக்கொடுத்துவிட்டேன் .