கொள்கை

அல்லாஹ்வின் தூதர் ஸல்லல்லாஹு அலைஹி வஸல்லம் கூறியதாக இப்னு உமர் ரளியல்லாஹு அன்ஹு அறிவித்துள்ளதாவது : இஸ்லாம் ஐந்து அம்சங்கள்மீது நிறுவப்பட்டுள்ளது . 1. அல்லாஹ்வைத் தவிர வேறு இறைவனில்லை என்றும் , முஹம்மத் ஸல்லல்லாஹு அலைஹி வஸல்லம் அல்லாஹ்வின் தூதர் என்றும் உறுதியாக நம்புவது . 2. தொழுகையை நிலைநிறுத்துவது . 3. ( கடமையானோர் ) ஸகாத் வழங்குவது . 4. ( இயன்றோர் இறையில்லம் கஅபாவில் ) ஹஜ் செய்வது . 5. ரமளானில் நோன்பு நோற்பது .

முஆத் பின் ஜபல் ரளியல்லாஹு அன்ஹு கூறியதாவது : நான் நபி ஸல்லல்லாஹு அலைஹி வஸல்லம் அவர்களுடன் ( தபூக் போர் ) பயணத்தில் இருந்தேன் . ஒரு நாள் காலைப்பொழுதில் நாங்கள் பயணம் மேற்கொண்டிருந்தபோது நான் நபி ஸல்லல்லாஹு அலைஹி வஸல்லம் அவர்களுக்கு அருகில் இருந்தேன் . அப்போது நான் ( நபியவர்களிடம் ) " அல்லாஹ்வின் தூதரே ! என்னைச் சொர்க்கத்தில் நுழையச் செய்து , நரகத்திலிருந்து அப்புறப்படுத்தும் நற்செயல் ஒன்றை என்னிடம் தெரிவியுங்கள் !" என்று கேட்டேன் . அதற்கு நபி ஸல்லல்லாஹு அலைஹி வஸல்லம் , " நீ ஒரு பெரிய விஷயத்தைப் பற்றி என்னிடம் கேட்டிருக்கிறாய் . அது அல்லாஹ் எளிதாக்கி வைத்தவருக்கு நிச்சயமாக எளிதானது ஆகும் . ( அது யாதெனில் ,) நீ அல்லாஹ்வையே வழிபட வேண்டும் ; அவனுக்கு எதையும் இணையாக ஆக்கக் கூடாது ; தொழுகையைக் கடைப்பிடிக்க வேண்டும் ; ( ரமளானில் ) நோன்பு நோற்க வேண்டும் ; ( இயன்றால் ) இறையில்லம் கஅபாவில் ஹஜ் செய்யவேண்டும் " என்று கூறிவிட்டு , " நன்மைகளின் வாசல்களைப் பற்றி உனக்கு அறிவிக்கட்டுமா ?" என்று கூறிவிட்டு , நோன்பு ( பாவங்களிலிருந்து காக்கின்ற ) கேடயமாகும் . தண்ணீர் நெருப்பை அணைப்பது போன்று தர்மம் செய்தல் குற்றங்களை அணைத்துவிடும் . ஒரு மனிதர் நடுநிசி நேரத்தில் ( இரவுத் தொழுகை ) தொழுவதும் ( இவ்வாறு குற்றங்களை அணைத்துவிடக்கூடியதுதான் )" என்று கூறினார்கள் . பிறகு " அச்சத்துடனும் எதிர்பார்ப்புடனும் தம் இறைவனைப் பிரார்த்தனை செய்ய அவர்களின் விலாப்புறங்கள் படுக்கையிலிருந்து விலகும் " ( எனும் 32:16-17) ஆகிய வசனங்களை முழுமையாக ஓதிக் காட்டினார்கள் . பிறகு " உனக்கு நான் அனைத்துச் செயல்களுக்கும் அடித்தளமாகவும் தூணாகவும் திமிலாகவும் ( உயர்ந்த பகுதியாகவும் ) திகழக்கூடியவற்றைப் பற்றிக் கூறட்டுமா ?" என்று கேட்டார்கள் . நான் " ஆம் ( கூறுங்கள் ), அல்லாஹ்வின் தூதரே !" என்று சொன்னேன் . அப்போது நபி ஸல்லல்லாஹு அலைஹி வஸல்லம் , " அனைத்துச் செயல்களுக்கும் தலையாயது இஸ்லாம் ஆகும் . இஸ்லாத்தின் தூண் ( போன்றது ) தொழுகையாகும் . இஸ்லாத்தின் திமிலாகத் திகழ்வது அறப்போராகும் " என்று கூறினார்கள் . பிறகு " ஒட்டுமொத்தமாக இவை அனைத்தையும் உறுதிப்படுத்தக்கூடிய அடிப்படையை உனக்கு நான் அறிவிக்க வேண்டாமா ?" என்று கேட்டார்கள் . நான் " ஆம் ( அறிவியுங்கள் ), அல்லாஹ்வின் தூதரே !" என்று கூறினேன் . உடனே நபி ஸல்லல்லாஹு அலைஹி வஸல்லம் தமது நாவைப் பிடித்துக்கொண்டு , " இதை ( அவசியமற்ற பேச்சுகளிலிருந்து ) தடுத்து ( பாதுகாத்து ) க்கொள் !" என்று கூறினார்கள் . அப்போது நான் , " அல்லாஹ்வின் நபியே ! நாங்கள் பேசுகின்ற பேச்சுகளால் தண்டிக்கப்படுவோமா ?" என்று கேட்டேன் . அதற்கு நபி ஸல்லல்லாஹு அலைஹி வஸல்லம் , " முஆதே ! உன்னை உன் தாய் இழக்கட்டும் ! மக்களை அவர்களது நாவுகள் அறுவடை செய்கின்றவற்றைத் தவிர வேறெதுவும் அவர்களது முகங்கள் மீது அல்லது மூக்குகள் மீது ( முகங்குப்புற ) விழச் செய்கின்றனவா ?" என்று மறுவினாத் தொடுத்தார்கள் .

அபூஉமாமா ரளியல்லாஹு அன்ஹு கூறியதாவது : அல்லாஹ்வின் தூதர் ஸல்லல்லாஹு அலைஹி வஸல்லம் அவர்களிடம் ஒரு மனிதர் , “ ஈமான் என்றால் என்ன அல்லாஹ்வின் தூதரே ?” என்று கேட்டார் . “ நீ செய்கின்ற நன்மை உன்னை மகிழ்வித்து , நீ செய்கின்ற தீமை உன்னைத் துன்புறுத்தினால் நீ முஃமின் ( இறைநம்பிக்கையாளன் ) ஆவாய் ” என்று பதிலளித்தார்கள் . “ பாவம் என்றால் என்ன அல்லாஹ்வின் தூதரே ?” என்று கேட்டார் . “( எதையேனும் ஒன்றைச் செய்கின்றபோது ) உன் உள்ளத்தில் ஏதேனும் நெருடல் ஏற்பட்டால் ( அதுதான் பாவம் எனவே ) அதை விட்டுவிடு ” என்றார்கள் .

அல்லாஹ்வின் தூதர் ஸல்லல்லாஹு அலைஹி வஸல்லம் கூறியதாக உமர் பின் அல்கத்தாப் ரளியல்லாஹு அன்ஹு அறிவித்துள்ளதாவது : எண்ணத்தைப் பொருத்தே செயல்கள் அமைகின்றன . ஒவ்வொரு மனிதருக்கும் அவர் எண்ணியதுதான் கிடைக்கிறது . எனவே , எவரது ஹிஜ்ரத் ( நாடு துறத்தல் ) அல்லாஹ்வையும் அவனுடைய தூதரையும் நோக்கமாகக் கொண்டு அமைகிறதோ , அவரது ஹிஜ்ரத் ( தின் பலனும் அவ்வாறே ) அல்லாஹ்விடமும் அவனுடைய தூதரிடமும் அமையும் . எவரது ஹிஜ்ரத் அவர் அடைய விரும்பும் உலக ( ஆதாய ) த்தை , அல்லது அவர் மணக்க விரும்பும் பெண்ணை நோக்கமாகக் கொண்டுள்ளதோ , அவரது ஹிஜ்ரத் ( தின் பலனும் ) அதுவாகத்தான் இருக்கும் .

சுலைமான் பின் யஸார் ரஹிமஹுல்லாஹ் கூறியதாவது : ( ஒரு முறை ) அபூஹுரைரா ரளியல்லாஹு அன்ஹு அவர்களிடம் மக்கள் ( கூடி , அவை ) கலைந்தபோது , சிரியாவாசியான நாத்தில் பின் கைஸ் என்பவர் , “ பெரியவரே ! அல்லாஹ்வின் தூதர் ஸல்லல்லாஹு அலைஹி வஸல்லம் அவர்களிடமிருந்து நீங்கள் செவியுற்ற ஹதீஸ் எதையேனும் எங்களுக்குத் தெரிவியுங்கள் `` என்று கேட்டார் . அதற்கு அபூஹுரைரா ரளியல்லாஹு அன்ஹு , " ஆம் ( தெரிவிக்கிறேன் ). அல்லாஹ்வின் தூதர் ஸல்லல்லாஹு அலைஹி வஸல்லம் ( பின்வருமாறு ) கூறியதை நான் கேட்டுள்ளேன் என்றார்கள் : மறுமை நாளில் மக்களில் முதல் முதலில் தீர்ப்பு வழங்கப்படுபவர் யாரெனில் , இறைவழியில் உயிர்த் தியாகம் செய்தவரே ஆவார் . அவர் இறைவனிடம் கொண்டுவரப்படும்போது , அவருக்குத் தான் வழங்கியிருந்த அருட்கொடைகளை இறைவன் எடுத்துரைப்பான் . அவற்றை அவர் அறிந்துகொள்வார் . பிறகு , “ அந்த அருட்கொடைகளில் நீ எவ்விதம் செயல்பட்டாய் ?`` என்று இறைவன் கேட்பான் . அவர் , “( இறைவா !) உனக்காக நான் அறப்போரில் ஈடுபட்டு என் உயிரையே தியாகம் செய்தேன் `` என்று பதிலளிப்பார் . இறைவன் , “( இல்லை ) நீ பொய் சொல்கிறாய் . ( நீ எனக்காக உயிர்த்தியாகம் செய்யவில்லை .) மாறாக , " மாவீரன் ` என்று ( மக்கள் மத்தியில் ) பேசப்படுவதற்காகவே நீ போரிட்டாய் . அவ்வாறு சொல்லப்பட்டுவிட்டது . ( உனது நோக்கம் நிறைவேறிவிட்டது )`` என்று கூறுவான் . பிறகு இறைவனின் கட்டளைப்படி முகம் குப்புற இழுத்துச் செல்லப்பட்டு , அவர் நரகத்தில் எறியப்படுவார் . பிறகு கல்வியைத் தாமும் கற்று அதைப் பிறருக்குக் கற்பித்தவரும் குர்ஆனைக் கற்றுணர்ந்தவருமான ( மார்க்க அறிஞர் ) ஒருவர் ( இறைவனிடம் ) கொண்டுவரப்படுவார் . அவருக்குத் தான் வழங்கியிருந்த அருட்கொடைகளை இறைவன் எடுத்துரைப்பான் . அவற்றை அவர் அறிந்து கொள்வார் . பிறகு “ அந்த அருட்கொடைகளில் நீ எவ்விதம் செயல்பட்டாய் ?`` என்று இறைவன் கேட்பான் . அவர் , “( இறைவா !) கல்வியை நானும் கற்று , பிறருக்கும் அதை நான் கற்பித்தேன் . உனக்காகவே குர்ஆனை ஓதினேன் `` என்று பதிலளிப்பார் . அதற்கு இறைவன் , “( இல்லை ) நீ பொய் சொல்கிறாய் . ( எனக்காக நீ கல்வியைக் கற்கவுமில்லை ; கற்பிக்கவுமில்லை .) " அறிஞர் ` என்று சொல்லப்பட வேண்டும் என்பதற்காகவே நீ கல்வி கற்றாய் ; " குர்ஆன் அறிஞர் ` என ( மக்கள் மத்தியில் ) பேசப்படுவதற்காகவே நீ குர்ஆனை ஓதினாய் . அவ்வாறு சொல்லப்பட்டுவிட்டது ( உனது நோக்கம் நிறைவேறிவிட்டது )`` என்று கூறுவான் . பிறகு இறைவனின் கட்டளைப்படி முகம் குப்புற இழுத்துச் செல்லப்பட்டு , அவர் நரகத்தில் எறியப்படுவார் . பிறகு இறைவன் தாராளமான வாழ்க்கை வசதிகளும் அனைத்து விதமான செல்வங்களும் வழங்கியிருந்த பெரிய செல்வர் ஒருவர் இறைவனிடம் கொண்டுவரப்படுவார் . அவருக்குத் தான் வழங்கியிருந்த அருட்கொடைகளை இறைவன் எடுத்துரைப்பான் . அவற்றை அவர் அறிந்துகொள்வார் . பிறகு , “ அந்த அருட்கொடைகளில் நீ எவ்விதம் செயல்பட்டாய் ?`` என்று இறைவன் கேட்பான் . அதற்கு அவர் , “ நீ எந்தெந்த வழிகளில் எல்லாம் பொருள் செலவழிக்கப்படுவதை விரும்புகிறாயோ , அந்த வழிகளில் எதையும் விட்டுவிடாமல் அனைத்திலும் நான் உனக்காக எனது பொருளைச் செலவிட்டேன் `` என்று பதிலளிப்பார் . அதற்கு இறைவன் , “( இல்லை ) நீ பொய் சொல்கிறாய் " இவர் ஒரு புரவலர் ` என ( மக்கள் மத்தியில் ) பேசப்படுவதற்காகவே நீ இவ்வாறு ( செலவு ) செய்தாய் . ( உன் எண்ணப்படி ) அவ்வாறு சொல்லப்பட்டுவிட்டது . ( உனது எண்ணம் நிறைவேறிவிட்டது )`` என்று கூறிவிடுவான் . பிறகு இறைவனின் கட்டளைப்படி முகம் குப்புற இழுத்துச் செல்லப்பட்டு , அவர் நரகத்தில் எறியப்படுவார் .

அல்லாஹ்வின் தூதர் ஸல்லல்லாஹு அலைஹி வஸல்லம் கூறியதாக அபூகப்ஜா அல்அன்மாரீ ரளியல்லாஹு அன்ஹு அறிவித்துள்ளதாவது : நான் அறுதியிட்டு மூன்று விஜயங்களை உங்களுக்குச் சொல்கிறேன் . மேலும் ( மற்றொரு ) செய்தியையும் உங்களுக்கு நான் தெரிவிப்பேன் . அதை நீங்கள் நினைவிலிருத்திக் கொள்ளுங்கள் . ( அந்த மூன்று விஜயங்கள் வருமாறு ) 1. தானம் செய்வதால் ஓர் அடியாரின் செல்வம் குறைந்துவிடுவதில்லை . 2. ஓர் அடியார் அநீதிக்குள்ளாகும்போது அதைப் பொறுமையுடன் சகித்துக்கொள்வாரானால் அவருக்கு அல்லாஹ் கண்ணியத்தை அதிகமாக்காமல் இருப்பதில்லை . 3. ஓர் அடியான் யாசகத்தின் வாசலைத் திறந்தால் அவனுக்கு அல்லாஹ் வறுமையின் வாசலைத் திறக்காமல் இருப்பதில்லை . ( இவ்வாறுதான் அல்லாஹ்வின் தூதர் ஸல்லல்லாஹு அலைஹி வஸல்லம் கூறினார்கள் . அல்லது இதைப் போன்று வேறொரு வார்த்தையைக் கூறினார்கள் .) மேலும் மற்றொரு செய்தியையும் உங்களுக்கு நான் தெரிவிப்பேன் . அதை நீங்கள் நினைவிலிருத்திக் கொள்ளுங்கள் என்று நான் கூறினேன் அல்லவா ? அந்தச் செய்தி வருமாறு : இந்தச் சமுதாயத்தின் உதாரணம் நான்கு நபர்களின் உதாரணத்தைப் போன்று உள்ளது . 1. ஒருவருக்கு அல்லாஹ் செல்வத்தையும் கல்வியையும் ( ஒருசேரக் ) கொடுத்தான் . அவர் தம் கல்விக்கேற்பத் தம் செல்வத்தைச் செலவு செய்கிறார் . அதை அதற்குரிய முறையில் செலவிடுகிறார் . 2. ஒருவருக்கு அல்லாஹ் கல்வியைக் கொடுத்தான் . அவருக்குச் செல்வத்தைக் கொடுக்கவில்லை . அப்போது அவர் , இவருக்கு இருப்பதைப் போன்று எனக்கு இருந்திருந்தால் , அதை இவர் செலவு செய்வதைப் போன்றே நான் செய்திருப்பேன் என்று கூறுகிறார் . ( எனவே ) இருவரும் சமமான கூலியைப் பெறுபவர்கள் ஆவர் 3. ஒருவருக்கு அல்லாஹ் செல்வத்தைக் கொடுத்தான் . கல்வியைக் கொடுக்கவில்லை . அவர் தம் செல்வத்தைக் கண்டபடி செலவு செய்கிறார் . தேவையில்லாதவற்றில் அதைச் செலவிடுகிறார் . 4. ஒருவருக்கு அல்லாஹ் கல்வியையும் செல்வத்தையும் கொடுக்கவில்லை . அப்போது அவர் , இவரிடம் இருப்பதைப் போன்று எனக்கு வழங்கப்பட்டிருந்தால் இவர் செய்வதைப் போன்று நானும் செய்திருப்பேன் என்று கூறுகிறார் . ( எனவே ) இவ்விருவரும் பாவத்தில் சமமானவர்கள் ஆவர் .

அபூஉமாமா அல்பாஹிலீ ரளியல்லாஹு அன்ஹு கூறியதாவது : ஒரு மனிதர் நபி ஸல்லல்லாஹு அலைஹி வஸல்லம் அவர்களிடம் வந்து , நன்மையையும் புகழையும் எதிர்பார்த்துப் போராடிய மனிதருக்கு என்ன ( நன்மை அல்லாஹ்விடம் ) உண்டு ? என்று வினவினார் . அதற்கு அல்லாஹ்வின் தூதர் ஸல்லல்லாஹு அலைஹி வஸல்லம் , “ அவருக்கு ( அல்லாஹ்விடம் ) ஒன்றும் இல்லை ” எனக் கூறினார்கள் . அவர் அதை மூன்று முறை திரும்பத் திரும்பக் கேட்டார் . அதற்கு அல்லாஹ்வின் தூதர் ஸல்லல்லாஹு அலைஹி வஸல்லம் , “ அவருக்கு ( அல்லாஹ்விடம் ) ஒன்றும் இல்லை ” எனக் கூறிவிட்டு , பிறகு “ திண்ணமாக அல்லாஹ் , அவனுடைய திருப்தியை நாடி அவனுக்காகவே செய்யப்பட்ட ( நல்ல ) செயல்பாட்டைத்தான் ஏற்றுக்கொள்வான் ” என்று கூறினார்கள் .

அல்லாஹ்வின் தூதர் ஸல்லல்லாஹு அலைஹி வஸல்லம் கூறியதாக அபூஹுரைரா ரளியல்லாஹு அன்ஹு அறிவித்துள்ளதாவது : மக்கள் அவர்கள் தம் எண்ணப்படியே ( மறுமையில் ) எழுப்பப்படுவார்கள் .

அல்லாஹ்வின் தூதர் ஸல்லல்லாஹு அலைஹி வஸல்லம் கூறியதாக ளஹ்ஹாக் பின் கைஸ் அல்ஃபிஹ்ரீ ரளியல்லாஹு அன்ஹு அறிவித்துள்ளதாவது : மகத்துவமும் மாண்பும் உடைய அல்லாஹ் சொல்கிறான் : நானே சிறந்த கூட்டாளி ( தோழன் ). யார் என்னுடன் ஒரு கூட்டாளியைச் சேர்த்தானோ , அவன் என்னுடைய கூட்டாளிக்கு உரியவனாவான் . ( எனக்கு உரியவன் அன்று ). “ மக்களே ! மகத்துவமும் மாண்பும் உடைய அல்லாஹ்வுக்காக உங்களுடைய செயல்களை ஆக்கிக்கொள்ளுங்கள் . ஏனென்றால் திண்ணமாக அல்லாஹ் , அவனுக்காகவே செய்யப்பட்டதைத் தவிர ( மற்றவற்றை ) ஏற்றுக்கொள்ள மாட்டான் . ‘ இது அல்லாஹ்வுக்காகவும் உறவுக்காகவும் ’ என்று சொல்லாதீர்கள் . ஏனென்றால் அது உறவுக்காக ( ச் செய்யப்பட்டதாக ) த்தான் ஆகும் . அதிலிருந்து அல்லாஹ்வுக்காக எதுவும் இல்லை . ‘ இது அல்லாஹ்வுக்காகவும் உங்களின் முகங்களுக்காகவும் ’ என்றும் சொல்லாதீர்கள் . ஏனென்றால் அது உங்களின் முகங்களுக்காக ( ச் செய்யப்பட்டதாக ) த்தான் ஆகும் . அதிலிருந்து அல்லாஹ்வுக்காக எதுவும் இல்லை .

அப்துர் ரஹ்மான் பின் ஜுமாஸா அல்மஹ்ரீ ரஹிமஹுல்லாஹ் கூறியதாவது : இறப்பின் நெருக்கத்தில் இருந்த அம்ர் பின் அல்ஆஸ் ரளியல்லாஹு அன்ஹு அவர்களிடம் நாங்கள் சென்றோம் . அவர்கள் நீண்ட நேரம் அழுதார்கள் . பிறகு அவர்கள் சுவரை நோக்கித் தமது முகத்தைத் திருப்பிக்கொண்டார்கள் . அப்போது அவர்களுடைய புதல்வர் , “ அருமைத் தந்தையே ! தங்களுக்கு அல்லாஹ்வின் தூதர் ஸல்லல்லாஹு அலைஹி வஸல்லம் இன்னின்ன நற்செய்திகளைக் கூறவில்லையா ?`` என்று கேட்டார் . உடனே அம்ர் பின் அல்ஆஸ் ரளியல்லாஹு அன்ஹு தமது முகத்தை ( தம் புதல்வரை நோக்கி ) த் திருப்பி ( பின்வருமாறு ) கூறினார்கள் : " அல்லாஹ்வைத் தவிர வேறு இறைவன் இல்லை என்றும் முஹம்மத் ஸல்லல்லாஹு அலைஹி வஸல்லம் அல்லாஹ்வின் தூதர் ஆவார்கள் ` என்றும் உறுதி கூறியதே நமது சேமிப்புகளில் சிறந்தது ஆகும் . நான் ( என் வாழ்நாளில் ) மூன்று கட்டங்களைக் கடந்து வந்திருக்கிறேன் . ( முதலாவது கட்டத்தில் ) அல்லாஹ்வின் தூதர் ஸல்லல்லாஹு அலைஹி வஸல்லம் அவர்கள்மீது கடுமையான வெறுப்புக் கொண்டவர் என்னைவிட வேறெவரும் இருக்கவில்லை என்றே நான் கருதினேன் . என்னால் இயன்றால் அவர்களைக் கொன்றுவிட வேண்டும் என்பதே எனக்கு மிகவும் விருப்பமான விஷயமாக இருந்தது . அந்தக் காலகட்டத்தில் மட்டும் நான் இறந்துவிட்டிருந்தால் நான் நரகவாசிகளில் ஒருவனாக ஆகியிருப்பேன் . ( இரண்டாவது கட்டத்தில் ) அல்லாஹ் என் உள்ளத்தில் இஸ்லாத்தை ஊட்டினான் . அப்போது நான் நபி ஸல்லல்லாஹு அலைஹி வஸல்லம் அவர்களிடம் சென்று “ உங்கள் வலக் கரத்தை நீட்டுங்கள் . நான் உங்களிடம் உறுதிப் பிரமாணம் ( பைஅத் ) அளிக்கிறேன் `` என்று கூறினேன் . நபி ஸல்லல்லாஹு அலைஹி வஸல்லம் தமது வலக்கரத்தை நீட்டினார்கள் . உடனே நான் எனது கையை இழுத்துக்கொண்டேன் . நபி ஸல்லல்லாஹு அலைஹி வஸல்லம் , “ அம்ரே ! உமக்கு என்ன ஆயிற்று ?`` என்று கேட்டார்கள் . நான் , “ சில நிபந்தனைகளை விதிக்க விரும்புகிறேன் `` என்று கூறினேன் . நபி ஸல்லல்லாஹு அலைஹி வஸல்லம் , “ என்ன நிபந்தனை விதிக்கப்போகிறீர் ?`` என்று கேட்டார்கள் . “ என் ( முந்தைய ) பாவங்கள் மன்னிக்கப்பட வேண்டும் `` என்று கூறினேன் . அப்போது நபி ஸல்லல்லாஹு அலைஹி வஸல்லம் , “ முந்தைய பாவங்களை இஸ்லாம் அழித்துவிடும் ; ஹிஜ்ரத்தும் (- மார்க்கத்திற்காக நாடுதுறத்தல் ) முந்தைய பாவங்களை அழித்துவிடும் ; ஹஜ்ஜும் முந்தைய பாவங்களை அழித்துவிடும் என்று உமக்குத் தெரியாதா ?`` என்று கேட்டார்கள் . ( பிறகு நான் இஸ்லாத்தைத் தழுவினேன் .) அப்போது அல்லாஹ்வின் தூதர் ஸல்லல்லாஹு அலைஹி வஸல்லம் அவர்களைவிட மிகவும் பிரியமானவர் வேறெவரும் எனக்கு இருக்கவில்லை ; எனது பார்வைக்கு அவர்களைவிட மிகவும் கண்ணியமானவர் வேறெவரும் இருக்கவில்லை . அப்போது அவர்கள்மீது நான் வைத்திருந்த மரியாதையால் என் கண்கள் நிரம்ப அவர்களைப் பார்க்கக்கூட என்னால் முடியவில்லை . அவர்களை வர்ணித்துக் கூறும்படி நான் கேட்டுக்கொள்ளப்பட்டால் அதற்கும் என்னால் இயலாது . ஏனெனில் , நான் அவர்கள்மீது வைத்திருந்த மரியாதையின் காரணத்தால் என் கண்கள் நிரம்ப அவர்களை நான் பார்த்திருக்கவில்லை . அந்த நிலையில் நான் இறந்திருந்தால் சொர்க்கவாசிகளுள் ஒருவனாக ஆகியிருப்பேன் என்றே எதிர் பார்க்கிறேன் . பிறகு ( மூன்றாவது கட்டத்தில் ) பல்வேறு பொறுப்புகளை நாம் வகித்தோம் . அவற்றில் எனது நிலையென்ன என்பது எனக்குத் தெரியாது . எனவே , நான் இறந்துவிட்டால் ஒப்பாரி வைப்பவரோ நெருப்போ என் சடலத்தோடு இருக்கலாகாது . என்னை ( க் குழிக்குள் வைத்து ) நீங்கள் அடக்கம் செய்யும்போது என்மீது மண்ணைத் தள்ளுங்கள் . பிறகு ஓர் ஒட்டகத்தை அறுத்து அதன் இறைச்சியைப் பங்கிடும் நேரம் அளவுக்கு நீங்கள் அடக்கத்தலத்தைச் சுற்றி நில்லுங்கள் . உங்களால் நான் ஆசுவாசமடைவேன் ; என் இறைவனின் தூதர்க ( ளான வானவர்க ) ளிடம் நான் என்ன பதிலளிப்பது என்பதையும் கண்டுகொள்வேன் .

அனஸ் ரளியல்லாஹு அன்ஹு கூறியதாவது : ஒரு மனிதர் நபி ஸல்லல்லாஹு அலைஹி வஸல்லம் அவர்களிடம் வந்து , அல்லாஹ்வின் தூதரே ! நான் சிறிய , பெரிய எந்தப் பாவத்தையும் செய்யாமல் விடவில்லை . ( என்னுடைய பாவங்கள் மன்னிக்கப்படுமா ) என்று கேட்டார் . “ அல்லாஹ்வைத் தவிர வேறு இறைவன் இல்லை என்றும் முஹம்மத் ஸல்லல்லாஹு அலைஹி வஸல்லம் அல்லாஹ்வின் தூதர் ஆவார்கள் என்றும் நீ சாட்சி சொல்லவில்லையா ?” என்று கேட்டார்கள் . இவ்வாறு மூன்று முறை கேட்டார்கள் . அதற்கு அவர் , ஆம் ( நான் சாட்சி சொல்லியுள்ளேன் ) என்று கூறினார் . ( அப்படியானால் ) அது அவ்வாறே ( பாவங்களை அழித்துவிட்டு ) வரும் .

அல்லாஹ்வின் தூதர் ஸல்லல்லாஹு அலைஹி வஸல்லம் கூறியதாக அபூஹுரைரா ரளியல்லாஹு அன்ஹு அறிவித்துள்ளதாவது : முஹம்மதின் உயிர் யாருடைய கையிலுள்ளதோ அவன்மீது சத்தியமாக ! இந்த ( இறுதி ) ச் சமுதாயத்திலுள்ள யூதரோ கிறிஸ்தவரோ யாரேனும் ஒருவர் என் ( மார்க்கத்தி ) னைப் பற்றிக் கேள்விப்பட்ட பிறகும்கூட நான் கொண்டுவந்த ( மார்க்கத் ) தை நம்பிக்கை கொள்ளாமல் இறந்து விட்டால் , அவர் நரகவாசிகளுள் ஒருவராகவே இருப்பார் .

இப்னு அப்பாஸ் ரளியல்லாஹு அன்ஹு கூறியதாவது : மார்க்கங்களில் எது அல்லாஹ்வுக்கு மிகவும் விருப்பமானது என்று அல்லாஹ்வின் தூதர் ஸல்லல்லாஹு அலைஹி வஸல்லம் அவர்களிடம் கேட்கப்பட்டது . அதற்கவர்கள் , “ அசத்தியத்தை விட்டுச் சத்தியத்தில் நிலைத்து நிற்கின்ற இலகுவான ( இஸ்லாமிய ) மார்க்கமே ” எனக் கூறினார்கள் .

அபூதர் ரளியல்லாஹு அன்ஹு கூறினார்கள் : என் இரட்சகனிடமிருந்து ஒரு ( வான ) வர் என்னிடம் வந்து ஒரு சுபச் செய்தியை அறிவித்தார் . அதாவது " என்னுடைய சமுதாயத்தில் யார் அல்லாஹ்வுக்கு எதையும் இணையாக்காமல் இறந்துவிடுகின்றாரோ அவர் சொர்க்கத்தில் நுழைவார் " என்று அல்லாஹ்வின் தூதர் ஸல்லல்லாஹு அலைஹி வஸல்லம் கூறினார்கள் . உடனே நான் , “ அவர் விபச்சாரத்திலோ திருட்டிலோ ஈடுபட்டிருந்தாலுமா ?`` எனக் கேட்டேன் . அவர் விபச்சாரத்திலோ திருட்டிலோ - ஈடுபட்டிருந்தாலும்தான் `` என்று பதிலளித்தார்கள் .

அனஸ் பின் மாலிக் ரளியல்லாஹு அன்ஹு கூறியதாவது : ( ஒரு பயணத்தில் வாகனமொன்றில் ) நபி ஸல்லல்லாஹு அலைஹி வஸல்லம் அவர்களுக்குப் பின்னால் முஆத் ரளியல்லாஹு அன்ஹு அமர்ந்திருந்தபோது , நபி ஸல்லல்லாஹு அலைஹி வஸல்லம் “ முஆத் பின் ஜபலே !`` என்று அழைத்தார்கள் . “ அல்லாஹ்வின் தூதரே ! இதோ கீழ்ப்படியக் காத்திருக்கிறேன் ( கூறுங்கள் )`` என்று முஆத் ரளியல்லாஹு அன்ஹு பதிலளித்தார்கள் . “ முஆதே !` என மீண்டும் நபி ஸல்லல்லாஹு அலைஹி வஸல்லம் அழைத்தார்கள் . “ அல்லாஹ்வின் தூதரே ! இதோ கீழ்ப்படியக் காத்திருக்கிறேன் ( கூறுங்கள் )`` என மீண்டும் முஆத் ரளியல்லாஹு அன்ஹு பதிலளித்தார்கள் . இவ்வாறு மூன்று முறை ( அழைப்பும் பதிலும் ) நடந்தது . பிறகு நபி ஸல்லல்லாஹு அலைஹி வஸல்லம் “ அல்லாஹ்வைத் தவிர வேறு இறைவனில்லை என்றும் , முஹம்மத் ஸல்லல்லாஹு அலைஹி வஸல்லம் அல்லாஹ்வின் தூதராவார்கள் என்றும் உளப்பூர்வமாக உறுதிகூறும் எவருக்கும் அல்லாஹ் நரகத்தைத் தடைசெய்துவிட்டான் `` என்று கூறினார்கள் . உடனே முஆத் ரளியல்லாஹு அன்ஹு “ அல்லாஹ்வின் தூதரே ! இந்தச் செய்தியை நான் மக்களுக்கு அறிவித்துவிடட்டுமா ? ( இதைக் கேட்டு ) அவர்கள் புளகாங்கிதம் அடைவார்களே !`` என்று கேட்டார்கள் . அதற்கு நபி ஸல்லல்லாஹு அலைஹி வஸல்லம் “( இல்லை ; வேண்டாம் ) இவ்வாறு நீர் அறிவித்தால் ( அதைக் கேட்டுவிட்டு ) அவர்கள் ( இது மட்டும் போதுமே என்று நல்லறங்களில் ஈடுபடாமல் ) அசட்டையாக இருந்து விடுவார்கள் `` என்று கூறினார்கள் . ( கல்வியை மறைத்த ) குற்றத்திலிருந்து தப்புவதற்காகத் தமது மரணத் தருவாயில் இந்த ஹதீஸை முஆத் ரளியல்லாஹு அன்ஹு ( மக்களுக்கு ) அறிவித்தார்கள் .

முஆத் பின் ஜபல் ரளியல்லாஹு அன்ஹு கூறியதாவது : நான் நபி ஸல்லல்லாஹு அலைஹி வஸல்லம் அவர்களுக்குப் பின்னால் ( வாகனத்தில் ) இருந்துகொண்டிருந்தேன் . எனக்கும் அவர்களுக்குமிடையே ( ஒட்டகச் ) சேணத்துடன் இணைந்த சாய்வுக் கட்டைதான் இருந்தது . ( அவ்வளவு நெருக்கத்தில் வந்து கொண்டிருந்தேன் .) அப்போது நபி ஸல்லல்லாஹு அலைஹி வஸல்லம் , “ முஆதே !`` என்று அழைத்தார்கள் . நான் , “ அல்லாஹ்வின் தூதரே ! இதோ கீழ்ப்படியக் காத்திருக்கிறேன் . ( கூறுங்கள் )`` என்றேன் . பிறகு சிறிது தூரம் சென்றபின் , “ முஆதே `` என்று ( மீண்டும் ) அழைத்தார்கள் . நான் , “ அல்லாஹ்வின் தூதரே ! இதோ கீழ்ப்படியக் காத்திருக்கிறேன் . ( கூறுங்கள் )`` என்றேன் . சிறிது தூரம் சென்றபின் ( மீண்டும் ) “ முஆதே !` என்றார்கள் . ( அப்போதும் ) நான் “ அல்லாஹ்வின் தூதரே ! இதோ கீழ்ப்படியக் காத்திருக்கிறேன் . ( கூறுங்கள் )`` என்றேன் . நபி ஸல்லல்லாஹு அலைஹி வஸல்லம் , “ மக்கள்மீது அல்லாஹ்வுக்குள்ள உரிமை என்ன என்பதை நீர் அறிவீரா ?`` என்று கேட்டார்கள் . நான் , “ அல்லாஹ்வும் அவனுடைய தூதருமே நன்கறிந்தவர்கள் `` என்று பதிலளித்தேன் . நபி ஸல்லல்லாஹு அலைஹி வஸல்லம் , “ மக்கள் மீது அல்லாஹ்வுக்குள்ள உரிமை என்னவென்றால் , அவர்கள் அவனையே வணங்கிட வேண்டும் . அவனுக்கு எதனையும் ( எவரையும் ) இணைகற்பிக்கக் கூடாது என்பதாகும் `` என்றார்கள் . இன்னும் சிறிது தூரம் சென்றபின் “ முஆத் பின் ஜபலே `` என்று அழைத்தார்கள் . நான் , “ அல்லாஹ்வின் தூதரே ! இதோ கீழ்ப்படியக் காத்திருக்கிறேன் . ( சொல்லுங்கள் )`` என்று பதில் கூறினேன் . அவர்கள் , “ அவ்வாறு ( அல்லாஹ்வையே வணங்கி அவனுக்கு இணை வைக்காமல் ) செயல்பட்டுவரும் மக்களுக்கு அல்லாஹ்வின் மீதுள்ள உரிமை என்ன என்பதை நீர் அறிவீரா ?`` என்று கேட்டார்கள் . நான் , “ அல்லாஹ்வும் அவனுடைய தூதருமே நன்கறிந்தவர்கள் `` என்றேன் . நபி ஸல்லல்லாஹு அலைஹி வஸல்லம் , “( இத்தகைய ) மக்களை அவன் ( மறுமையில் ) வேதனைப்படுத்தாமல் இருப்பதுதான் மக்களுக்கு அல்லாஹ்வின் மீதுள்ள உரிமையாகும் `` என்று சொன்னார்கள் .

ஜாபிர் பின் அப்தில்லாஹ் ரளியல்லாஹு அன்ஹு கூறியதாவது : ஒரு மனிதர் நபி ஸல்லல்லாஹு அலைஹி வஸல்லம் அவர்களிடம் வந்து , "( சொர்க்கத்தையும் நரகத்தையும் ) கட்டாயமாகத் தேடித் தருகின்ற இரண்டு விஷயங்கள் என்னென்ன ?`` என்று கேட்டார் . அதற்கு நபி ஸல்லல்லாஹு அலைஹி வஸல்லம் , “ யார் அல்லாஹ்வுக்கு எதையும் இணைவைக்காமல் இறந்துவிடுகிறாரோ அவர் ( நிச்சயமாகச் ) சொர்க்கம் செல்வார் ; யார் அல்லாஹ்வுக்கு இணைவைத்தவராக இறந்துவிடுகிறாரோ அவர் ( நிச்சயமாக ) நரகம் செல்வார் `` என்று பதிலளித்தார்கள் .

அப்துல்லாஹ் பின் அம்ர் ரளியல்லாஹு அன்ஹு கூறியதாவது : யார் அல்லாஹ்வுக்கு எதையும் இணையாக்காமல் அவனைச் சந்திக்கின்றாரோ அவரோடு உள்ள பாவங்கள் அவருக்கு எந்த இடையூறும் ஏற்படுத்தாது . யார் அவனுக்கு இணைவைத்த நிலையில் இறந்துவிடுகின்றாரோ அவரோடு உள்ள நன்மைகள் அவருக்கு எந்தப் பயனையும் தராது ”. என்று அல்லாஹ்வின் தூதர் ஸல்லல்லாஹு அலைஹி வஸல்லம் கூறினார்கள் .

முஆத் பின் ஜபல் ரளியல்லாஹு அன்ஹு கூறியதாவது : யார் அல்லாஹ்வுக்கு எதையும் இணையாக்காமல் அவனைச் சந்திக்கின்றாரோ , ஐவேளைத் தொழுகையை நிறைவேற்றி , ரமளானில் நோன்பு நோற்கின்றாரோ அவருக்கு ( அவருடைய பாவங்கள் ) மன்னிக்கப்படுகின்றன ” என்று அல்லாஹ்வின் தூதர் ஸல்லல்லாஹு அலைஹி வஸல்லம் கூறியதை நான் செவியுற்றேன் . “ அல்லாஹ்வின் தூதரே ! இந்தச் செய்தியை நான் மக்களுக்கு அறிவித்துவிடட்டுமா ?” என்று கேட்டேன் . அதற்கு நபி ஸல்லல்லாஹு அலைஹி வஸல்லம் “( இல்லை ; வேண்டாம் ) அவர்களை விட்டுவிடுவீராக . ( இது தெரியாமல் இருந்தால்தான் ) அவர்கள் நல்லறங்கள் செய்வார்கள் `` என்று கூறினார்கள் .

ஆயிஷா ரளியல்லாஹு அன்ஹா கூறியதாவது : நான் , “ அல்லாஹ்வின் தூதரே ! இப்னு ஜுத்ஆன் அறியாமைக் காலத்தில் உறவுகளைப் பேணி நடப்பவராகவும் ஏழைகளுக்கு உணவளிப்பவராகவும் இருந்தாரே ! இவை அவருக்கு ( மறுமை நாளில் ) பயனளிக்குமா ?`` என்று கேட்டேன் . அதற்கு அவர்கள் , “ அவருக்குப் பயனளிக்கா ; அவர் ஒரு நாள்கூட " இறைவா ! விசாரணை நாளில் என் பாவத்தை மன்னித்தருள்வாயாக !` எனக் கேட்டதேயில்லை `` என்று பதிலளித்தார்கள் .

அபூஇத்ரீஸ் ரஹிமஹுல்லாஹ் கூறியதாவது : முஆவியா ரளியல்லாஹு அன்ஹு உரையாற்றியபோது கூறியதை நான் செவியுற்றேன் . அவர்கள் அல்லாஹ்வின் தூதர் ஸல்லல்லாஹு அலைஹி வஸல்லம் அவர்களிடமிருந்து மிகக் குறைவாகவே ஹதீஸை அறிவித்துள்ளார்கள் . அவர்கள் உரையாற்றியபோது நான் செவியுற்றதாவது : ஓர் இறைநம்பிக்கையாளரை வேண்டுமென்றே கொலை செய்தவனையும் , காஃபிராகவே மரணித்துவிடுபவனையும் தவிர எல்லாப் பாவங்களையும் அல்லாஹ் மன்னித்துவிடலாம் என்று அல்லாஹ்வின் தூதர் ஸல்லல்லாஹு அலைஹி வஸல்லம் கூறினார்கள் .

அப்துல்லாஹ் பின் உமர் ரளியல்லாஹு அன்ஹு கூறியதாவது : “ அல்லாஹ்வைத் தவிர வேறு இறைவனில்லை ; முஹம்மத் ஸல்லல்லாஹு அலைஹி வஸல்லம் அல்லாஹ்வின் தூதர் என உறுதிமொழிந்து , ( கடமையான ) தொழுகையை நிலைநிறுத்தி , ஸகாத் ( எனும் ஏழைகளின் உரிமையை ) வழங்காத வரை ( இணைவைக்கும் ) மக்களுடன் போரிடும்படி நான் கட்டளையிடப்பட்டேன் . இவற்றை அவர்கள் செய்துவிடுவார்களானால் தம் உயிரையும் உடைமைகளையும் என்னிடமிருந்து அவர்கள் பாதுகாத்துக்கொள்ள முடியும் . ( மரண தண்டனைக்குரிய ) இஸ்லாத்தின் இதர உரிமைகளில் ( அவர்கள் வரம்பு மீறினாலே ) தவிர ! மேலும் ( இரகசியமாகக் குற்றமிழைத்தால் ) அவர்களின் விசாரணை அல்லாஹ்வின் பொறுப்பிலுள்ளது ” என்று அல்லாஹ்வின் தூதர் ஸல்லல்லாஹு அலைஹி வஸல்லம் கூறினார்கள் .

அல்லாஹ்வின் தூதர் ஸல்லல்லாஹு அலைஹி வஸல்லம் கூறியதாக அபூஹுரைரா ரளியல்லாஹு அன்ஹு கூறியதாவது : மூன்று அடையாளங்கள் தோன்றிவிட்டால் முன்பே இறைநம்பிக்கை கொண்டிராத , அல்லது இறைநம்பிக்கை கொண்டிருந்தாலும் நன்மையேதும் செய்திராத எந்த மனிதருக்கும் அந்த நேரத்தில் கொள்ளும் இறைநம்பிக்கை பயனளிக்காது . ( அவை :) 1. மேற்கிலிருந்து சூரியன் உதயமாகுதல் . 2. தஜ்ஷால் ( தோன்றுதல் ). 3. பூமியிலிருந்து வெளிப்படும் ( அதிசயக் ) கால்நடை .

அல்லாஹ்வின் தூதர் ஸல்லல்லாஹு அலைஹி வஸல்லம் கூறியதாக அபூஹுரைரா ரளியல்லாஹு அன்ஹு கூறியதாவது : அல்லாஹ் அன்பை நூறாகப் பங்கிட்டான் . அதில் தொண்ணூற்று ஒன்பது பங்கைத் தன்னிடம் வைத்துக்கொண்டான் . ( மீதமுள்ள ) ஒன்றையே பூமியில் இறக்கினான் . இந்த ஒரு பங்கினால்தான் படைப்பினங்கள் ஒன்றுக்கொன்று பாசம் காட்டுகின்றன . எந்த அளவிற்கென்றால் , மிதித்துவிடுவோமோ என்ற அச்சத்தினால் குதிரை தனது குட்டியை விட்டுக் கால்குளம்பைத் தூக்கிக்கொள்கிறது .

அல்லாஹ்வின் தூதர் ஸல்லல்லாஹு அலைஹி வஸல்லம் கூறியதாக அபூஹுரைரா ரளியல்லாஹு அன்ஹு கூறியதாவது : அல்லாஹ் படைப்புகளைப் படைத்தபோது தனது (" லவ்ஹுல் மஹ்ஃபூழ் ` என்னும் ) பதிவேட்டில் - அது அர்ஸுக்கு மேலே அவனிடம் உள்ளது - " என் கருணை என் கோபத்தை மிகைத்துவிட்டது `` என்று எழுதினான் .

அபூஹுரைரா ரளியல்லாஹு அன்ஹு கூறியதாவது : ( ஒரு முறை ) அல்லாஹ்வின் தூதர் ஸல்லல்லாஹு அலைஹி வஸல்லம் தொழுகையில் நின்றார்கள் . அவர்களுடன் நாங்களும் நின்றோம் . அப்போது தொழுகையில் ஈடுபட்டிருந்த ஒரு கிராமவாசி , “ இறைவா ! எனக்கும் முஹம்மத் அவர்களுக்கும் ( மட்டும் ) அருள் புரிவாயாக ! எங்களுடன் வேறு யாருக்கும் அருள் புரியாதே !`` என்று பிரார்த்தனை செய்தார் . ( தொழுது முடித்து ) நபி ஸல்லல்லாஹு அலைஹி வஸல்லம் ஸலாம் கொடுத்தபோது அந்தக் கிராமவாசியிடம் , “ விசாலமானதை , அதாவது இறைவனின் அருளை நீ குறுக்கிவிட்டாயே !` என்று சொன்னார்கள் .

அனஸ் ரளியல்லாஹு அன்ஹு கூறியதாவது : ( ஒரு தடவை ) நபி ஸல்லல்லாஹு அலைஹி வஸல்லம் தம் தோழர்களுள் ஒரு குழுவினரோடு நடந்து சென்றார்கள் . வழியில் ஒரு சிறுவன் இருந்தான் . மக்கள் நடந்து வருவதைக் கண்ட அச்சிறுவனின் தாய் , அவர்கள் தன் பிள்ளையை மிதித்துவிடுவார்களோ என்று அஞ்சினாள் . “ என் மகன் , என் மகன் ” என்று கூறியவாறே முன்னோக்கி ஓடிவந்தாள் . விரைந்து வந்து அச்சிறுவனைத் தூக்கிக்கொண்டாள் . அதைப் பார்த்த ( தோழர்களான ) மக்கள் , “ அல்லாஹ்வின் தூதரே ! இவள் தன் மகனை நரகத்தில் போட்டுவிடமாட்டாள் அல்லவா ?” என்றார்கள் . அப்போது நபி ஸல்லல்லாஹு அலைஹி வஸல்லம் அவர்களுக்குமுன் தம் தலையைத் தாழ்த்தியவாறு , “ மகத்துவமும் மாண்பும் மிக்க அல்லாஹ்வும் தன்னுடைய நேசரை நரகத்தில் போட்டுவிடமாட்டான் ” என்று கூறினார்கள் .

அல்லாஹ்வின் தூதர் ஸல்லல்லாஹு அலைஹி வஸல்லம் கூறியதாக அபூஹுரைரா ரளியல்லாஹு அன்ஹு கூறியதாவது : மகத்துவமும் மாண்பும் மிக்க அல்லாஹ்வுக்கு நூறு ( மடங்கு ) அன்பு உண்டு . நிச்சயமாக அவன் ( அவற்றுள் ) ஒன்றை நிலவாழ் மக்கள் மத்தியில் பங்கிட்டுக்கொடுத்துவிட்டான் . எனவே அது அவர்களின் மரணம் வரை விசாலமாகி ( ப் பெருகி ) விட்டது . அவன் தன் நேசர்களுக்காகத் தொண்ணூற்றொன்பது ( மடங்கு ) அன்பை வைத்துக்கொண்டான் . மேலும் : மகத்துவமும் மாண்பும் மிக்க அல்லாஹ் நிலவாழ் மக்கள் மத்தியில் பங்கிட்டுக்கொடுத்த அந்த ( ஒரு மடங்கு ) அன்பை ( த் தன்னுடைய ) தொண்ணூற்றொன்பது ( மடங்கு ) அன்போடு சேர்த்துக் கைப்பற்றிக்கொள்வான் . ஆக மறுமையில் அவன் தன் நேசர்களுக்காக நூறு ( மடங்கு ) அன்பை முழுமையாக வைத்துக்கொள்வான் .

அபூதல்ஹா அல்அன்ஸாரீ ரளியல்லாஹு அன்ஹு கூறியதாவது : “ லாயிலாஹ இல்லல்லாஹ் என்று யார் சொல்கிறாரோ அவர் சொர்க்கத்தில் நுழைவார் . அவருக்குச் சொர்க்கம் ( கிடைப்பது ) கட்டாயமாகிவிடும் . சுப்ஹானல்லாஹி வபிஹம்திஹி ( அல்லாஹ்வைப் போற்றிப் புகழ்ந்து துதி செய்கிறேன் ) என நூறு தடவை யார் சொல்கிறாரோ அவருக்கு அல்லாஹ் ஆயிரத்து இருபத்து நான்கு நன்மைகளை எழுதுகிறான் ” என்று அல்லாஹ்வின் தூதர் ஸல்லல்லாஹு அலைஹி வஸல்லம் கூறினார்கள் . அப்போது மக்கள் , “ அல்லாஹ்வின் தூதரே ! அப்படியானால் எங்களுள் ஒருவர்கூட அழிந்துவிட மாட்டார் அல்லவா ?” என்று கேட்டார்கள் . அதற்கவர்கள் , “ ஆம் ! உங்களுள் ஒருவர் ( தம் ) நன்மைகளைக் கொண்டுவருவார் . அவை ஒரு மலைமீது வைக்கப்பட்டாலும் அது ( அவற்றின் பாரம் தாங்க முடியாமல் ) கனத்துவிடும் . பின்னர் ( அல்லாஹ் இவ்வுலகில் அவருக்கு வழங்கிய ) அருட்கொடைகள் வரும் . அது அவற்றை அகற்றிவிடும் . ( அல்லாஹ்வின் அருட்கொடைகளுக்கு நன்மைகள் பகரமாகிவிடும் ) பின்னர் ரப்பாகிய இறைவன் தன்னுடைய அன்பால் ( அவர்கள் அனைவரையும் ) அரவணைத்துக்கொள்வான் .

அபூதர் ரளியல்லாஹு அன்ஹு கூறியதாவது : நபி ஸல்லல்லாஹு அலைஹி வஸல்லம் , வளமும் உயர்வும் மிக்க அல்லாஹ் பின்வருமாறு கூறியதாக அறிவித்தார்கள் : என் அடியார்களே ! அநீதியிழைப்பதை எனக்கு நானே தடை செய்துகொண்டேன் . அதை உங்கள் மத்தியிலும் தடை செய்யப்பட்டதாக ஆக்கிவிட்டேன் . ஆகவே , நீங்கள் ஒருவருக்கொருவர் அநீதியிழைக்காதீர்கள் . என் அடியார்களே ! உங்களில் யாரை நான் நல்வழியில் செலுத்தினேனோ அவர்களைத் தவிர மற்ற அனைவரும் வழி தவறியவர்களே . ஆகவே , என்னிடமே நல்வழியில் செலுத்துமாறு கேளுங்கள் . உங்களை நான் நல்வழியில் செலுத்துவேன் . என் அடியார்களே ! உங்களில் யாருக்கு நான் உணவளித்துள்ளேனோ அவர்களைத் தவிர மற்ற அனைவரும் பசித்திருப்பவர்களே . ஆகவே , என்னிடமே வாழ்வாதாரத்தைக் கேளுங்கள் . நான் உங்களுக்கு வாழ்வாதாரம் அளிக்கிறேன் . என் அடியார்களே ! உங்களில் யாருக்கு நான் ஆடையணிவித்துள்ளேனோ அவர்களைத் தவிர மற்ற அனைவரும் நிர்வாணமானவர்களே . ஆகவே , என்னிடமே ஆடை கேளுங்கள் . நான் உங்களுக்கு ஆடையணிவிக்கிறேன் . என் அடியார்களே ! நீங்கள் இரவிலும் பகலிலும் பாவம் செய்கிறீர்கள் . நான் அனைத்துப் பாவங்களையும் மறைத்துக் கொண்டிருக்கிறேன் . ஆகவே , என்னிடமே பாவமன்னிப்புக் கோருங்கள் . நான் உங்கள் பாவங்களை மன்னிக்கிறேன் . என் அடியார்களே ! உங்களால் எனக்கு எவ்விதத் தீங்கும் அளிக்க முடியாது ; மேலும் , உங்களால் எனக்கு எவ்விதப் பயனும் அளிக்க முடியாது . என் அடியார்களே ! உங்களில் முற்காலத்தார் , பிற்காலத்தார் , மனிதர்கள் , ஜின்கள் ஆகிய அனைவரும் உங்களில் மிகவும் இறையச்சமுடைய ஒரு மனிதரைப் போன்று மாறிவிட்டாலும் அது எனது ஆட்சியில் எதையும் அதிகமாக்கி விடுவதில்லை . என் அடியார்களே ! உங்களில் முற்காலத்தார் , பிற்காலத்தார் , மனிதர்கள் , ஜின்கள் ஆகிய அனைவரும் மிகவும் தீய மனிதர் ஒருவரைப் போன்று மாறிவிட்டாலும் அது எனது ஆட்சியில் எதையும் குறைத்துவிடப்போவதில்லை . என் அடியார்களே ! உங்களில் முற்காலத்தார் , பிற்காலத்தார் , மனிதர்கள் , ஜின்கள் ஆகிய அனைவரும் சேர்ந்து ஒரே திறந்த வெளியில் நின்று என்னிடத்தில் ( தத்தம் தேவைகளைக் ) கோரினாலும் ஒவ்வொரு மனிதருக்கும் அவர் கேட்பதை நான் கொடுப்பேன் . அது என்னிடத்தில் இருப்பவற்றில் எதையும் குறைத்துவிடுவதில்லை ; கடலில் நுழை ( த்து எடு ) க்கப்பட்ட ஊசி ( தண்ணீரைக் ) குறைப்பதைப் போன்றே தவிர ( குறைக்காது )! என் அடியார்களே ! நீங்கள் செய்துவரும் நல்லறங்களை நான் உங்களுக்காக எண்ணிக் கணக்கிடுகிறேன் . பிறகு அதன் நற்பலனை நான் முழுமையாக வழங்குவேன் . நல்லதைக் கண்டவர் அல்லாஹ்வைப் போற்றிப் புகழட்டும் ; அல்லதைக் கண்டவர் தம்மையே நொந்துகொள்ளட்டும் !

அபூமூஸா ரளியல்லாஹு அன்ஹு கூறியதாவது : அல்லாஹ்வின் தூதர் ஸல்லல்லாஹு அலைஹி வஸல்லம் எங்கள் மத்தியில் நின்று ஐந்து விஜயங்களைச் சொன்னார்கள் . ( அவை :) 1) மகத்துவமும் மாண்பும் மிக்க அல்லாஹ் உறங்க மாட்டான் ; உறங்குவது அவனுக்குத் தகாது . 2) அவன் தராசைத் தாழ்த்துகிறான் ; உயர்த்துகிறான் . 3) ( மனிதன் ) இரவில் புரிந்த செயல் , பகலில் புரிந்த செயலுக்கு முன்பே அவனிடம் மேலே கொண்டு செல்லப்படுகிறது . 4) ( மனிதன் ) பகலில் புரிந்த செயல் , இரவில் புரிந்த செயலுக்கு முன்பே அவனிடம் மேலே கொண்டு செல்லப்படுகிறது . 5) ஒளியே ( அவனைப் பார்க்கவிடாமல் தடுக்கும் ) அவனது திரையாகும் . - மற்றோர் அறிவிப்பில் " நெருப்பே அவனது திரையாகும் ` என்று காணப்படுகிறது .- அத்திரையை அவன் விலக்கிவிட்டால் அவனது பார்வை எட்டும் தூரம் வரையுள்ள அவனுடைய படைப்பினங்களை அவனது ஒளிச்சுடர் சுட்டெரித்துவிடும் .

நபி ஸல்லல்லாஹு அலைஹி வஸல்லம் கூறியதாக அபூமூஸா அல்அஷ்அரீ ரளியல்லாஹு அன்ஹு அறிவித்துள்ளதாவது : மனவேதனைக்குள்ளாக்கும் செய்தி கேட்டும் ( உடனே தண்டித்துவிடாமல் ) மிகவும் பொறுமை காப்பவன் அல்லாஹ்வைவிட வேறு யாருமில்லை . மனிதர்கள் ( சிலர் ) அவனுக்குக் குழந்தை இருப்பதாகக் கூறுகின்றார்கள் . அதன் பிறகும் அவர்களுக்கு உடல் நலத்தையும் உணவு வளத்தையும் அவன் வழங்கிக்கொண்டிருக்கின்றான் .

அல்லாஹ்வின் தூதர் ஸல்லல்லாஹு அலைஹி வஸல்லம் கூறியதாக அந்நவ்வாஸ் பின் ஸம்ஆன் அல்கிலாபீ ரளியல்லாஹு அன்ஹு அறிவித்துள்ளதாவது : ( மனிதரின் ) எந்த உள்ளமும் ரஹ்மான் ( ஆகிய அல்லாஹ்வின் ) உடைய விரல்களுள் இரண்டு விரல்களுக்கிடையே இல்லாமலில்லை . அவன் நாடினால் அதை நிலையாக நிற்கச் செய்கிறான் . அவன் நாடினால் அதை அசைத்து விடுகிறான் . அல்லாஹ்வின் தூதர் ஸல்லல்லாஹு அலைஹி வஸல்லம் , “ உள்ளங்களை நிலையாக வைப்பவனே , எங்களுடைய உள்ளங்களை உன் மார்க்கத்தில் நிலையாக வைப்பாயாக ! தராசு ரஹ்மான் ( ஆகிய அல்லாஹ்வின் ) உடைய கையில் இருக்கிறது . அவன் மறுமை நாள் வரை சிலரை உயர்த்துகிறான் ; சிலரைத் தாழ்த்துகிறான் .

அல்லாஹ்வின் தூதர் ஸல்லல்லாஹு அலைஹி வஸல்லம் கூறியதாக அப்துல்லாஹ் பின் மஸ்ஊத் ரளியல்லாஹு அன்ஹு அறிவிப்பதாவது : அல்லாஹ்வைவிட அதிக ரோஷமுள்ளவர் யாருமில்லை . அதனால்தான் மானக்கேடான செயல்கள் அனைத்திற்கும் அவன் தடை விதித்துள்ளான் . அல்லாஹ்வைவிட மிகவும் புகழை விரும்புகின்றவர் வேறெவருமிலர் .

நபி ஸல்லல்லாஹு அலைஹி வஸல்லம் கூறியதாக அபூஹுரைரா ரளியல்லாஹு அன்ஹு அறிவிப்பதாவது : நிச்சயமாக அல்லாஹ் ரோஷம் கொள்கிறான் . அல்லாஹ்வின் ரோஷம் என்பது , அவன் தடைவிதித்துள்ள ஒன்றை ( தடையை மீறி ) இறைநம்பிக்கையாளர் செய்வதுதான் .

ஸைத் பின் காலித் அல்ஜுஹனீ ரளியல்லாஹு அன்ஹு கூறியதாவது : அல்லாஹ்வின் தூதர் ஸல்லல்லாஹு அலைஹி வஸல்லம் " ஹுதைபியா ` எனுமிடத்தில் எங்களுக்கு ஸுப்ஹு தொழுகை தொழுவித்தார்கள் . அன்றிரவு மழை பெய்திருந்தது . தொழுது முடித்ததும் மக்களை நோக்கி நேராகத் திரும்பி , “ உங்கள் இறைவன் என்ன கூறினான் என்பதை நீங்கள் அறிவீர்களா ?`` என்று கேட்டார்கள் . அதற்கு மக்கள் , “ அல்லாஹ்வும் அவனுடைய தூதருமே நன்கு அறிந்தவர்கள் `` என்று கூறினர் . அப்போது “ என்னை நம்பக் கூடியவர்களும் ( என்னை ) மறுக்கக்கூடியவர்களுமாக என் அடியார்கள் ( இரு பிரிவினராக ) உள்ளனர் . ‘ அல்லாஹ்வின் தயவாலும் அவன் கருணையாலும்தான் நமக்கு மழை பொழிந்தது ` எனக் கூறியவர்களோ என்னை நம்பி , நட்சத்திரத்தை மறுத்தவர்களாவர் . இன்ன இன்ன நட்சத்திரத்தால்தான் ( எங்களுக்கு மழை பொழிந்தது ) எனக் கூறியவர்களோ என்னை மறுத்து , நட்சத்திரத்தை நம்பியவர்களாவர் ` என இறைவன் கூறினான் `` என்று நபி ஸல்லல்லாஹு அலைஹி வஸல்லம் கூறினார்கள் .

நபி ஸல்லல்லாஹு அலைஹி வஸல்லம் கூறியதாக அனஸ் ரளியல்லாஹு அன்ஹு அறிவிப்பதாவது : எவரிடம் மூன்று தன்மைகள் அமைந்து விட்டனவோ அவர் இறைநம்பிக்கையின் ( ஈமானின் ) சுவையை உணர்ந்தவராவார் . ( அவை :) 1. அல்லாஹ்வும் அவனுடைய தூதரும் ஒருவருக்கு மற்றெதையும்விட அதிக நேசத்திற்குரியோராவது . 2. ஒருவர் மற்றொருவரை அல்லாஹ்வுக்காகவே நேசிப்பது . 3. நெருப்பில் வீசப்படுவதை வெறுப்பது போன்று இறைமறுப்புக்கு மாறுவதை வெறுப்பது .

அல்லாஹ்வின் தூதர் ஸல்லல்லாஹு அலைஹி வஸல்லம் கூறியதாக அப்பாஸ் பின் அப்தில் முத்தலிப் ரளியல்லாஹு அன்ஹு அறிவிப்பதாவது : யார் அல்லாஹ்வை இறைவனாகவும் இஸ்லாத்தை மார்க்கமாகவும் முஹம்மத் ஸல்லல்லாஹு அலைஹி வஸல்லம் அவர்களை இறைத்தூதராகவும் மன நிறைவோடு ஏற்றுக்கொண்டாரோ அவர் இறைநம்பிக்கையின் சுவையை அடைந்துவிட்டார் .

நபி ஸல்லல்லாஹு அலைஹி வஸல்லம் கூறியதாக அபூஹுரைரா ரளியல்லாஹு அன்ஹு அறிவிப்பதாவது : இறைநம்பிக்கை ( ஈமான் ) அறுபதுக்கும் அதிகமான கிளைகளைக் கொண்டதாகும் . நாணமும் இறைநம்பிக்கையின் ஒரு கிளையே .

நபி ஸல்லல்லாஹு அலைஹி வஸல்லம் கூறியதாக அனஸ் ரளியல்லாஹு அன்ஹு அறிவிப்பதாவது : உங்களுள் ஒருவருக்குத் தம்முடைய தந்தை , தம்முடைய பிள்ளை , ஏனைய மக்கள் அனைவரையும்விட நான் நேசத்திற்குரியவராக ஆகாத வரை அவர் ( உண்மையான ) இறைநம்பிக்கை ( ஈமான் ) கொண்டவர் ஆகமாட்டார் .

அப்துல்லாஹ் பின் ஹிஜாம் ரளியல்லாஹு அன்ஹு கூறியதாவது : நாங்கள் நபி ஸல்லல்லாஹு அலைஹி வஸல்லம் அவர்களுடன் இருந்துகொண்டிருந்தோம் . அப்போது நபி ஸல்லல்லாஹு அலைஹி வஸல்லம் உமர் பின் அல்கத்தாப் ரளியல்லாஹு அன்ஹு அவர்களின் கையைப் பிடித்துக்கொண்டிருந்தார்கள் . அப்போது உமர் ரளியல்லாஹு அன்ஹு நபி ஸல்லல்லாஹு அலைஹி வஸல்லம் அவர்களிடம் , “ அல்லாஹ்வின் தூதரே ! என்னைத் தவிரவுள்ள எல்லாவற்றையும்விட நீங்களே எனக்கு மிகவும் பிரியமானவர்கள் `` என்று சொன்னார்கள் . அதற்கு நபி ஸல்லல்லாஹு அலைஹி வஸல்லம் , “ இல்லை ! என் உயிர் எவன் கையிலுள்ளதோ அவன்மீது சத்தியமாக ! உம்மைவிடவும் நானே உமக்கு மிகப் பிரியமானவனாக ஆகும் வரை ( நீர் உண்மையான இறைநம்பிக்கையாளர் ஆக முடியாது )`` என்று கூறினார்கள் . உடனே நபி ஸல்லல்லாஹு அலைஹி வஸல்லம் அவர்களை நோக்கி உமர் ரளியல்லாஹு அன்ஹு , “ இப்போது அல்லாஹ்வின் மீதாணையாக ! என்னைவிடத் தாங்களே எனக்கு மிகவும் பிரியமானவர்கள் `` என்றார்கள் . அதற்கு நபி ஸல்லல்லாஹு அலைஹி வஸல்லம் “ இப்போதுதான் உமரே ! ( சரியாகச் சொன்னீர்கள் )`` என்று கூறினார்கள் .

அல்லாஹ்வின் தூதர் ஸல்லல்லாஹு அலைஹி வஸல்லம் கூறியதாக அபூஹுரைரா ரளியல்லாஹு அன்ஹு அறிவிப்பதாவது : என் சமுதாயத்தாரில் என்னை ஆழமாக நேசிப்போருள் சிலர் எனக்குப்பின் தோன்றுவார்கள் . அவர்களுள் ஒருவர் என்னைப் பார்க்க வேண்டுமே என்பதற்காகத் தம் குடும்பத்தாரையும் செல்வத்தையும்கூடத் தியாகம் செய்ய விரும்புவார் .

அபூதர் ரளியல்லாஹு அன்ஹு அறிவிப்பதாவது : நபி ஸல்லல்லாஹு அலைஹி வஸல்லம் அவர்களிடம் வந்து , “ அஹ்லுல் பைத்தாகிய தங்களை நான் நேசிக்கிறேன் ” என்று கூறினேன் . அப்போது நபி ஸல்லல்லாஹு அலைஹி வஸல்லம் , “ அல்லாஹ்வின் மீது சத்தியமாகவா ?” என்று கேட்டார்கள் . “ அல்லாஹ்வின்மீது சத்தியமாக ” என்று கூறினேன் . “ அப்படியெனில் ஏழ்மையை எதிர்கொள்ளத் தயாராக இரு . ஏனென்றால் வெள்ளம் மேலிருந்து கீழ்நோக்கி விரைவாகப் பாய்ந்தோடுவதைப்போல் எங்களை நேசிப்போருக்கு வறுமை மிக வேகமாக வந்துசேரும் ” என்றார்கள் .

நபி ஸல்லல்லாஹு அலைஹி வஸல்லம் கூறியதாக நுஅமான் பின் பஷீர் ரளியல்லாஹு அன்ஹு அறிவிப்பதாவது : அல்லாஹ்வின் ( சட்ட ) வரம்புகளுக்குக் கட்டுப்பட்டு நடப்பவனுக்கும் அவற்றை மீறி நடப்பவனுக்கும் உவமை ஒரு சமுதாயத்தைப் போன்றதாகும் . அவர்கள் கப்பலில் ( தங்களுக்கு இடம் பிடிப்பதற்காகச் ) சீட்டுக் குலுக்கிப் போட்டார்கள் . ( அதன்படி ) அவர்களுள் சிலருக்குக் கப்பலின் மேல் தளத்திலும் சிலருக்குக் கீழ்த்தளத்திலும் இடம் கிடைத்தது . கீழ்த்தளத்தில் இருந்தவர்களுக்குத் தண்ணீர் தேவைப்பட்டபோது ( அதைக் கொண்டு வர ) அவர்கள் மேல் தளத்தில் இருப்பவர்களைக் கடந்து செல்ல வேண்டியிருந்தது . ( அதனால் மேலே இருந்தவர்களுக்குச் சிரமம் ஏற்பட்டது ). அப்போது , கீழ்த் தளத்தில் இருந்தவர்கள் ( தமக்குள் ) “ நாம் ( தண்ணீருக்காக ) நமது பங்கில் ( கீழ்த் தளத்தில் ) ஓட்டையிட்டுக் கொள்வோம் ; நமக்கு மேலே இருப்பவர்களைத் தொந்தரவு செய்யாமலிருப்போம் ” என்று பேசிக் கொண்டார்கள் . அவர்கள் விரும்பியபடி செய்துகொள்ள அவர்களை மேல் தளத்தில் உள்ளவர்கள் விட்டுவிட்டால் ( கப்பலில் இருப்பவர்கள் ) அனைவரும் அழிந்து போவார்கள் . ( ஓட்டையிட விடாமல் ) அவர்களுடைய கரத்தைப் பிடித்துக் கொள்வார்களாயின் அவர்களும் தப்பிப் பிழைத்துக் கொள்வார்கள் ; ( அவர்களுடன் மற்ற ) அனைவரும் தப்பிப் பிழைத்துக் கொள்வார்கள் .

தாரிக் பின் ஷிஹாப் ரஹிமஹுல்லாஹ் கூறியதாவது : முதன் முதலில் பெருநாள் தினத்தில் தொழுகைக்கு முன் சொற்பொழிவு ( குத்பா ) நிகழ்த்தியவர் மர்வான் பின் ஹகம் ஆவார் . ( அவ்வாறு அவர் சொற்பொழிவு நிகழ்த்திக்கொண்டிருந்தார் .) அப்போது அவரை நோக்கி ஒருவர் எழுந்து நின்று , “ சொற்பொழிவுக்கு முன்பே ( பெருநாள் தொழுகை ) தொழ வேண்டும் `` என்று கூறினார் . அதற்கு மர்வான் “ முன்பு நடைபெற்றது கைவிடப்பட்டுவிட்டது ( இப்போது அது நடைமுறையில் இல்லை )`` என்று கூறினார் . ( அப்போது அங்கிருந்த ) அபூசயீத் அல்குத்ரீ ரளியல்லாஹு அன்ஹு , " இதோ இந்த மனிதர் தமது கடமையை நிறைவேற்றிவிட்டார் . அல்லாஹ்வின் தூதர் ஸல்லல்லாஹு அலைஹி வஸல்லம் ( பின்வருமாறு ) கூற நான் கேட்டுள்ளேன் : உங்களுள் ஒருவர் ஒரு தீமையை ( மார்க்கத்திற்கு முரணான ஒரு செயலை ) க் கண்டால் அவர் அதைத் தமது கரத்தால் தடுக்கட்டும் . முடியாவிட்டால் தமது நாவால் ( சொல்லித் தடுக்கட்டும் ). அதுவும் முடியாவிட்டால் தமது உள்ளத்தால் ( அதை வெறுத்து ஒதுக்கட்டும் ). இந்த ( இறுதி ) நிலையானது இறைநம்பிக்கையின் பலவீனமா ( ன நிலையா ) கும் .

அல்லாஹ்வின் தூதர் ஸல்லல்லாஹு அலைஹி வஸல்லம் கூறியதாக அப்துல்லாஹ் பின் மஸ்ஊத் ரளியல்லாஹு அன்ஹு அறிவித்துள்ளதாவது : எனக்கு முந்தைய சமுதாயத்தார் மத்தியில் அல்லாஹ் அனுப்பிய ஒவ்வோர் இறைத் தூதருக்கும் அவருடைய சமுதாயத்திலேயே சிறப்பு உதவியாளர்களும் நண்பர்களும் இல்லாமல் இருந்ததில்லை . அவர்கள் அந்த இறைத்தூதரின் வழிமுறையைக் கடைப்பிடிப்பார்கள் ; அவரது உத்தரவைப் பின்பற்றி நடப்பார்கள் . அந்தத் தோழர்களுக்குப் பிறகு சிலர் வருவார்கள் . அவர்கள் தாம் செய்யாதவற்றைச் சொல்வார்கள் . தமக்குக் கட்டளையிடப்படாதவற்றைச் செய்வார்கள் . ஆகவே , யார் இ( த்தகைய ) வர்களுடன் தமது கரத்தால் போராடுவாரோ அவர் இறைநம்பிக்கையாளர் ஆவார் . யார் இவர்களுடன் தமது நாவால் போராடுவாரோ அவரும் இறைநம்பிக்கையாளர் ஆவார் . யார் இவர்களுடன் தமது உள்ளத்தால் போராடுவாரோ அவரும் இறைநம்பிக்கையாளர்தாம் . இவற்றுக்கப்பால் இறைநம்பிக்கை என்பது கடுகளவுகூடக் கிடையாது .

அல்லாஹ்வின் தூதர் ஸல்லல்லாஹு அலைஹி வஸல்லம் கூறியதாக அப்துல்லாஹ் பின் உமர் ரளியல்லாஹு அன்ஹு அறிவித்துள்ளதாவது : மக்களே ! நீங்கள் அல்லாஹ்விடம் பிரார்த்தனை செய்தும் உங்களுக்குப் பதிலளிக்கப்படாமல் ஆவதற்கு முன்னரே , நீங்கள் பாவமன்னிப்புத் தேடியும் உங்களை அவன் மன்னிக்காதிருக்கும் முன்னரே நீங்கள் நன்மையை ஏவுங்கள் ; தீமையைத் தடுங்கள் . திண்ணமாக நன்மையை ஏவுவதும் தீமையைத் தடுப்பதும் வாழ்வாதாரத்தை நீக்கிவிடாது ; தவணையை நெருக்கமாக்காது . ( துரித மரணத்தைத் தடுக்கும் .) யூத மதத் தலைவர்களும் கிறிஸ்தவ மதத் துறவிகளும் நன்மையை ஏவுவதையும் தீமையைத் தடுப்பதையும் விட்டுவிட்டபோது அல்லாஹ் அவர்களை அவர்களின் நபிமார்கள் மூலம் சபித்தான் . பிறகு அவர்கள் அனைவர் மீதும் சோதனை பொதுவானதாக ஆக்கப்பட்டது .

அல்லாஹ்வின் தூதர் ஸல்லல்லாஹு அலைஹி வஸல்லம் அவர்களிடமிருந்து செவியுற்றதாக உஸாமா பின் ஸைத் ரளியல்லாஹு அன்ஹு அறிவித்துள்ளதாவது : மறுமை நாளில் ஒரு மனிதர் கொண்டு வரப்பட்டு நரகத்தில் போடப்படுவார் . அப்போது அவருடைய குடல்கள் வேகமாக நரகத்தில் வந்து விழும் . கழுதை செக்கைச் சுற்றி வருவதைப் போல் அவர் சுற்றி வருவார் . அப்போது நரகவாசிகள் அவரைச் சுற்றி ஒன்றுகூடி , “ இன்னாரே ! உமக்கேன் இந்த நிலை ? நீர் ( உலக வாழ்வின்போது ) நற்செயல் புரியும்படி எங்களுக்குக் கட்டளையிட்டு , தீமை புரிய வேண்டாமென்று எங்களைத் தடுக்கவில்லையா ?`` என்று கேட்பார்கள் . அதற்கு அவர் , “ நற்செயல் புரியும்படி உங்களுக்கு நான் கட்டளையிட்டேன் ; ஆனால் , அந்த நற்செயலை நான் செய்யவில்லை . தீமை புரிய வேண்டாமென்று உங்களை நான் தடுத்து வந்தேன் ; ஆனால் , அந்தத் தீமையை நானே செய்து வந்தேன் `` என்று கூறுவார் .

அப்துல்லாஹ் பின் உமர் ரளியல்லாஹு அன்ஹு கூறினார்கள் : என் தந்தை உமர் பின் அல்கத்தாப் ரளியல்லாஹு அன்ஹு என்னிடம் தெரிவித்தார்கள் : நாங்கள் ஒரு நாள் அல்லாஹ்வின் தூதர் ஸல்லல்லாஹு அலைஹி வஸல்லம் அவர்களின் அருகில் இருந்தபோது தூய வெண்ணிற ஆடை அணிந்த , அடர் கறுப்பு நிறத்தில் தலைமுடி உடைய ஒரு மனிதர் வந்தார் . பயணத்தில் வந்த எந்த அடையாளமும் அவரிடம் காணப்படவில்லை ; எங்களுள் எவருக்கும் அவரை ( யார் என ) த் தெரியவில்லை . அவர் நபி ஸல்லல்லாஹு அலைஹி வஸல்லம் அவர்களின் அருகில் ( சென்று ), தம் முழங்கால்களை நபியவர்களின் முழங்கால்களோடு இணைத்துக்கொண்டு ( நெருக்கமாக ) அமர்ந்தார் . அவர் தம் கைகளைத் தம் தொடைகள்மீது வைத் ( துப் பவ்வியமாக அமர்ந் ) தார் . பிறகு “ முஹம்மதே ! இஸ்லாம் ( அடிபணிதல் ) என்றால் என்னவென்று எனக்குத் தெரிவியுங்கள் `` என்று கேட்டார் . அதற்கு அல்லாஹ்வின் தூதர் ஸல்லல்லாஹு அலைஹி வஸல்லம் , “ இஸ்லாம் என்பது , அல்லாஹ்வைத் தவிர வேறு இறைவன் இல்லை என்றும் முஹம்மத் ( ஆகிய நான் ) அல்லாஹ்வின் தூதர் என்றும் நீங்கள் உறுதி கூறுவதாகும் . மேலும் , தொழுகையைக் கடைப்பிடிப்பதும் , ஸகாத்தை வழங்கிவருவதும் , ரமளான் மாதத்தில் நோன்பு நோற்பதும் , சென்றுவர இயன்றால் இறையில்லம் கஅபாவில் " ஹஜ் ` செய்வதும் ஆகும் `` என்று பதிலளித்தார்கள் . அதற்கு அந்த மனிதர் “ உண்மைதான் `` என்றார் . அவர் இவ்வாறு கூறியதைக் கேட்டு , அவரே கேள்வியும் கேட்டுவிட்டு அவரே நபி ஸல்லல்லாஹு அலைஹி வஸல்லம் அளித்த பதிலை உறுதிப்படுத்தவும் செய்கிறாரே என்று நாங்கள் வியப்படைந்தோம் . அடுத்து அவர் , “ ஈமான் ( இறைநம்பிக்கை ) பற்றி எனக்குத் தெரிவியுங்கள் `` என்று கூறினார் . அதற்கு நபி ஸல்லல்லாஹு அலைஹி வஸல்லம் , “ அல்லாஹ்வையும் அவனுடைய வானவர்களையும் அவனுடைய வேதங்களையும் அவனுடைய தூதர்களையும் இறுதி நாளையும் நீங்கள் நம்புவதாகும் ; நன்மை , தீமை அனைத்தும் விதியின்படியே நடக்கின்றன என்றும் நீங்கள் நம்புவதுமாகும் `` என்று கூறினார்கள் . அதற்கும் அம்மனிதர் “ உண்மைதான் `` என்றார் . அடுத்து அம்மனிதர் , “ இஹ்ஸான் ( அழகிய முறையில் செயலாற்றல் ) பற்றி எனக்குத் தெரிவியுங்கள் `` என்றார் . அதற்கு நபி ஸல்லல்லாஹு அலைஹி வஸல்லம் , “( இஹ்ஸான் என்பது ,) அல்லாஹ்வை நீங்கள் பார்த்துக் கொண்டிருப்பதைப் போன்ற உணர்வுடன் வழிபடுவதாகும் . ஏனெனில் , அவனை நீங்கள் பார்க்கவில்லை என்றாலும் , அவன் உங்களைப் பார்க்கின்றான் `` என்று பதிலளித்தார்கள் . அம்மனிதர் , “ மறுமை ( உலக அழிவு ) நாளைப் பற்றி ( அது எப்போது வரும் என ) எனக்குத் தெரிவியுங்கள் `` என்று கேட்க , நபி ஸல்லல்லாஹு அலைஹி வஸல்லம் , கேள்வி கேட்கப்படுபவர் ( அதாவது நான் ), கேட்பவரைவிட ( அதாவது உங்களைவிட ) அதிகம் அறிந்தவர் அல்லர் . ( இது பற்றி எனக்கும் தெரியாது ; உங்களுக்கும் தெரியாது )`` என்று கூறினார்கள் . அம்மனிதர் , “ மறுமை நாளின் அடையாளங்களைப் பற்றி எனக்குத் தெரிவியுங்கள் !`` என்று கேட்டார் . அதற்கு நபி ஸல்லல்லாஹு அலைஹி வஸல்லம் , “ ஓர் அடிமைப் பெண் தன் உரிமையாளரைப் பெற்றெடுப்பதும் , காலில் செருப்பில்லாத , அரைகுறை ஆடைகளை அணிந்துள்ள ஏழைகளான ஆட்டு இடையர்கள் போட்டி போட்டுக்கொண்டு உயரமான கட்டடங்கள் கட்டுவதை நீங்கள் காண்பதும் ஆகும் `` என்று கூறினார்கள் . பிறகு அம்மனிதர் சென்றுவிட்டார் . நீண்ட நேரம் நான் ( அங்கேயே ) இருந்தேன் . பின்னர் என்னிடம் நபி ஸல்லல்லாஹு அலைஹி வஸல்லம் , “ உமரே ! கேள்வி கேட்ட அந்த மனிதர் யார் என்று உங்களுக்குத் தெரியுமா ?`` என்று கேட்டார்கள் . நான் , “ அல்லாஹ்வும் அவனுடைய தூதருமே நன்கு அறிந்தவர்கள் `` என்று சொன்னேன் . நபி ஸல்லல்லாஹு அலைஹி வஸல்லம் , “ அவர்தாம் ( வானவர் ) ஜிப்ரீல் . உங்களுக்கு உங்களது மார்க்கத்தைக் கற்றுத் தருவதற்காக உங்களிடம் அவர் வந்தார் `` என்று சொன்னார்கள் .

அம்ர் பின் அபஸா ரளியல்லாஹு அன்ஹு கூறியதாவது : “ அல்லாஹ்வின் தூதரே ! இஸ்லாம் என்றால் என்ன ?” என்று ஒரு மனிதர் கேட்டார் . “ உமது உள்ளம் மகத்துவமும் மாண்பும் மிக்க அல்லாஹ்வுக்குப் பணிவதும் முஸ்லிம்கள் உமது நாவிலிருந்தும் கையிலிருந்தும் ( எந்த இடையூறுமின்றிப் ) பாதுகாப்புப் பெறுவதும் ஆகும் ” என்று விடையளித்தார்கள் . “ இஸ்லாமிய மார்க்கத்தில் எது சிறந்தது ?” என்று கேட்டார் . “ இறைநம்பிக்கை கொள்வது ” என்று விடையளித்தார்கள் . “ இறைநம்பிக்கை என்றால் என்ன ?” என்று கேட்டார் . அல்லாஹ்வையும் , அவனுடைய வானவர்களையும் அவனுடைய வேதங்களையும் அவனுடைய தூதர்களையும் மரணத்திற்குப் பின் உயிர்கொடுத்து எழுப்பப்படும் என்பதையும் நீர் நம்புவதாகும் ” என்று விடையளித்தார்கள் . “ இறைநம்பிக்கையில் சிறந்தது எது ?” என்று கேட்டார் . “ நாடு துறந்து செல்லுதல் ( ஹிஜ்ரத் )” என்று கூறினார்கள் . “ ஹிஜ்ரத் என்றால் என்ன ?” என்று கேட்டார் . “ தீமையை வெறுத்தல் ஆகும் ” என்று கூறினார்கள் . “ ஹிஜ்ரத்தில் சிறந்தது எது ?” என்று கேட்டார் . “( அல்லாஹ்வின் பாதையில் ) அறப்போர் புரிதல் ” என்று கூறினார்கள் . “ ஜிஹாத் என்றால் என்ன ?” என்று கேட்டார் . “( போர்க்களத்தில் ) இறைமறுப்பாளர்களை எதிர்கொண்டால் அவர்களோடு போராடுவதாகும் ” என்று கூறினார்கள் . “ ஜிஹாதில் சிறந்தது எது ?” என்று கேட்டார் . “ அவனுடைய குதிரையின் பின்னங்கால் வெட்டப்பட்டு , அவனுடைய இரத்தம் ஓட்டப்படுவதாகும் ” என்று விடையளித்தார்கள் . ( பின்னர் ) அல்லாஹ்வின் தூதர் கூறினார்கள் : பிறகு இரண்டு செயல்கள் உள்ளன . அவ்விரண்டும் மிகச் சிறந்த செயல்கள்-அவ்விரண்டைப்போன்று செய்தவரைத் தவிர . 1. ஏற்றுக்கொள்ளப்பட்ட ஹஜ் , 2. அல்லது உம்ரா .

நபி ஸல்லல்லாஹு அலைஹி வஸல்லம் கூறியதாக அபூஹுரைரா ரளியல்லாஹு அன்ஹு அறிவிப்பதாவது : என் சமுதாயத்தாரின் உள்ளங்களில் எழும் தீய எண்ணங்களை அவர்கள் அதன்படி செயல்படாத வரை , அல்லது அதை ( வெளிப்படுத்தி ) ப் பேசாத வரை அல்லாஹ் மன்னித்துவிட்டான் .

அபூஹுரைரா ரளியல்லாஹு அன்ஹு கூறியதாவது : நபி ஸல்லல்லாஹு அலைஹி வஸல்லம் அவர்களுடைய தோழர்களுள் சிலர் நபி ஸல்லல்லாஹு அலைஹி வஸல்லம் அவர்களிடம் வந்து , “ எங்கள் உள்ளத்தில் சில ( குழப்பமான ) விஷயங்கள் எழுகின்றன . அவற்றை ( வெளிப்படுத்தி ) ப் பேசுவதைக்கூட நாங்கள் மிகப் பெரும் ( பாவ ) காரியமாகக் கருதுகிறோம் ( இது பற்றித் தாங்கள் என்ன கூறுகின்றீர்கள் ?)`` என்று கேட்டனர் . அதற்கு நபி ஸல்லல்லாஹு அலைஹி வஸல்லம் , “ உண்மையிலேயே நீங்கள் அத்தகைய உணர்வுகளுக்கு உள்ளாகின்றீர்களா ?`` என்று கேட்டார்கள் . அதற்கு நபித் தோழர்கள் , " ஆம் ` என்று பதிலளித்தார்கள் . நபி ஸல்லல்லாஹு அலைஹி வஸல்லம் , “ அதுதான் ஒளிவுமறைவற்ற இறைநம்பிக்கை `` என்று கூறினார்கள் .

இப்னு அப்பாஸ் ரளியல்லாஹு அன்ஹு கூறியதாவது : ஒரு மனிதர் நபி ஸல்லல்லாஹு அலைஹி வஸல்லம் அவர்களிடம் வந்து , “ அல்லாஹ்வின் தூதரே ! எங்களுள் ஒருவர் தம் மனத்தில் ஏதேதோ ( எண்ணங்கள் ) தோன்றக் காண்கிறார் . அவற்றைப் பேசுவதைவிட அடுப்புக் கரி மிக விருப்பமானதாகத் தோன்றுகிறது ” என்றார் . அப்போது நபியவர்கள் , “ அல்லாஹு அக்பர் , அல்லாஹு அக்பர் , அல்லாஹு அக்பர் . அவனுடைய ( ஷைத்தான் உடைய ) சூழ்ச்சியை மனக்குழப்பமாக மாற்றிவிட்ட அல்லாஹ்வுக்கே எல்லாப் புகழும் ” என்று கூறினார்கள் .

அல்லாஹ்வின் தூதர் ஸல்லல்லாஹு அலைஹி வஸல்லம் கூறியதாக அபூஹுரைரா ரளியல்லாஹு அன்ஹு அறிவிப்பதாவது : உங்களுள் ஒருவரிடம் ( அவர் மனத்திற்குள் ) ஷைத்தான் வந்து , “ இதைப் படைத்தவர் யார் ? இதைப் படைத்தவர் யார் ?`` என்று கேட்டுக்கொண்டே வந்து , இறுதியில் , “ உன் இறைவனைப் படைத்தவர் யார் ?`` என்று கேட்கின்றான் . இந்தக் ( கேள்வி கேட்கும் ) கட்டத்தை அவன் அடையும்போது அவர் அல்லாஹ்விடம் பாதுகாப்புத் தேடட்டும் . ( இத்தகைய சிந்தனையிலிருந்து ) விலகிக்கொள்ளட்டும் .

இப்னு அப்பாஸ் ரளியல்லாஹு அன்ஹு கூறியதாவது : ( ஒரு முறை ) நபி ஸல்லல்லாஹு அலைஹி வஸல்லம் தம் இறைவனைப் பற்றி அறிவிக்கையில் ( பின்வருமாறு ) கூறினார்கள் : அல்லாஹ் நன்மைகளையும் தீமைகளையும் ( அவை இன்னின்னவை என நிர்ணயித்து ) எழுதிவிட்டான் . பிறகு அதனை விவரித்தான் . அதாவது ஒருவர் ஒரு நன்மை செய்ய வேண்டும் என ( மனத்தில் ) எண்ணி விட்டாலே-அதைச் செயல்படுத்தாவிட்டாலும் - அவருக்காகத் தன்னிடம் அதை ஒரு முழு நன்மையாக அல்லாஹ் பதிவு செய்கிறான் . அதை அவர் எண்ணியதுடன் செயல்படுத்தியும்விட்டால் , அந்த ஒரு நன்மையைத் தன்னிடம் பத்து நன்மைகளாக , எழுநூறு மடங்காக , இன்னும் அதிகமாக அல்லாஹ் பதிவு செய்கிறான் . ஆனால் , ஒருவர் ஒரு தீமை செய்ய எண்ணி , ( அல்லாஹ்வுக்கு அஞ்சி ) அதைச் செய்யாமல் விட்டுவிட்டால் , அதற்காக அவருக்குத் தன்னிடம் ஒரு முழு நன்மையை அல்லாஹ் எழுதுகிறான் . எண்ணியபடி அந்தத் தீமையை அவர் செய்து முடித்துவிட்டாலோ , அதற்காக ஒரேயொரு குற்றத்தையே அல்லாஹ் எழுதுகிறான் .

அல்லாஹ்வின் தூதர் ஸல்லல்லாஹு அலைஹி வஸல்லம் கூறியதாக அபூஹுரைரா ரளியல்லாஹு அன்ஹு அறிவிப்பதாவது : அல்லாஹ் ( வானவர்களிடம் ) கூறுகின்றான் : என் அடியான் ஒரு தீமையைச் செய்ய நாடினால் அதை அவன் செய்யாத வரை அவனுக்கெதிராக அதைப் பதிவு செய்யாதீர்கள் . அதை அவன் செய்துவிட்டால் செய்த குற்றத்தை மட்டுமே பதிவு செய்யுங்கள் . அதை அவன் எனக்காக விட்டுவிட்டால் அதை அவனுக்கு ஒரு நன்மையாகப் பதிவு செய்யுங்கள் . அவன் ஒரு நன்மை புரிய எண்ணிவிட்டாலே அதைச் செய்யாவிட்டாலும்கூட அவனுக்கு ஒரு நன்மையை எழுதுங்கள் . அதை அவன் செய்துவிட்டாலோ அதை அவனுக்குப் பத்து நன்மைகளிலிருந்து எழுநூறு நன்மைகளாக எழுதுங்கள் .

அல்லாஹ்வின் தூதர் ஸல்லல்லாஹு அலைஹி வஸல்லம் கூறியதாக குரைம் பின் ஃபாத்திக் ரளியல்லாஹு அன்ஹு அறிவிப்பதாவது : நல்லறங்கள் ஆறு உள்ளன . மக்கள் நான்கு வகையினர் . ( சொர்க்கத்தையும் நரகத்தையும் ) கட்டாயமாகத் தேடித் தருகின்றவை இரண்டு உள்ளன . பகரத்திற்குப் பகரமும் உண்டு . மேலும் ஒரு நன்மைக்குப் பத்து நன்மைகளும் , ஒரு நன்மைக்கு எழுநூறு ( மடங்கு ) நன்மைகளும் உண்டு . ( சொர்க்கத்தையும் நரகத்தையும் ) கட்டாயமாகத் தேடித் தருகின்ற இரண்டு என்பது , யார் அல்லாஹ்வுக்கு எதையும் இணைவைக்காமல் இறந்துவிடுகிறாரோ அவர் ( நிச்சயமாகச் ) சொர்க்கம் செல்வார் . யார் அல்லாஹ்வுக்கு இணைவைத்தவராக இறந்துவிடுகிறாரோ அவர் ( நிச்சயமாக ) நரகம் செல்வார் `` என்பதாகும் . பகரத்திற்குப் பகரம் என்பது , யார் ஒரு நன்மை செய்யவேண்டும் என்றெண்ணி அதை அவருடைய உள்ளம் உணர்ந்து , அல்லாஹ்வும் அதனை அவரிடமிருந்து அறிந்து கொள்கின்றானோ ( அதைச் செயல்படுத்தாவிட்டாலும் ) அவருக்காக ஒரு முழு நன்மை பதிவு செய்யப்பட்டுவிடுகிறது . யார் ஒரு தீமையைச் செய்கிறாரோ ( அதற்குப் பகரமாக ) அவருக்கு ஒரு தீமை பதிவு செய்யப்பட்டுவிடுகிறது . யார் ஒரு நன்மையைச் செய்கிறாரோ அவருக்கு அது போன்று பத்து ( மடங்கு ) நன்மைகள் வழங்கப்படுகின்றன . யார் ஒரு தடவை அல்லாஹ்வின் பாதையில் செலவு செய்கிறாரோ அவருக்கு ஒரு நன்மை எழுநூறு மடங்காக வழங்கப்படுகிறது . மக்கள் ( நான்கு வகையினர் என்பது ) இவ்வுலகில் அவர் விசாலமான வாய்ப்புகள் வழங்கப்பட்டவராகவும் ( செல்வராகவும் ) மறுமையில் அவர் ஏழையாகவும் இருப்பார் . இவ்வுலகில் ஏழையாகவும் மறுமையில் விசாலமான வாய்ப்புகள் வழங்கப்பட்டவராகவும் ( செல்வராகவும் ) இருப்பார் . இம்மையிலும் மறுமையிலும் ஏழையாகவே இருப்பார் . இம்மையிலும் மறுமையிலும் செல்வராகவே இருப்பார் .

அல்லாஹ்வின் தூதர் ஸல்லல்லாஹு அலைஹி வஸல்லம் கூறியதாக அனஸ் ரளியல்லாஹு அன்ஹு அறிவிப்பதாவது : அல்லாஹ் எந்த இறைநம்பிக்கையாளருக்கும் ( அவர் செய்த நற்செயலுக்கான ) நன்மையில் அநீதி இழைப்பதில்லை . அதற்குரிய நன்மை இம்மையிலும் அவருக்கு வழங்கப்படும் . அதற்குரிய நன்மை மறுமையிலும் அவருக்கு வழங்கப்படும் . ( ஏக ) இறைமறுப்பாளர் இறைவனுக்காகச் செய்த நற்செயல்களின் பலனால் இம்மையில் ( மட்டும் ) அவருக்கு உணவளிக்கப்படும் . அவர் மறுமையை அடையும்போது , அவருக்கு வழங்கப்படுவதற்கு நன்மையேதும் இராது .

இப்னு மஸ்ஊத் ரளியல்லாஹு அன்ஹு கூறியதாவது : ஒரு மனிதர் , “ அல்லாஹ்வின் தூதரே ! நாங்கள் அறியாமைக் காலத்தில் செய்த (த) வற்றிற்காக ( மறுமையில் ) தண்டிக்கப்படுவோமா ?`` என்று கேட்டார் . நபி ஸல்லல்லாஹு அலைஹி வஸல்லம் , “ யார் இஸ்லாத்தில் இணைந்து நன்மை புரிகிறாரோ அவர் அறியாமைக் காலத்தில் செய்த தவறுகளுக்காகத் தண்டிக்கப்படமாட்டார் . " யார் இஸ்லாத்தில் இணைந்த பிறகு ( மீண்டும் இறைமறுப்பு எனும் ) தீமையைப் புரிகிறாரோ அவர் ( அறியாமைக் காலத்தில் செய்த ) முந்தைய தவறுகளுக்காகவும் , ( இஸ்லாத்தை ஏற்றபின் செய்த இந்தப் ) பிந்தைய தவறுகளுக்காகவும் தண்டிக்கப்படுவார் `` என்று கூறினார்கள் .

ஹகீம் பின் ஹிஸாம் ரளியல்லாஹு அன்ஹு கூறியதாவது : “ அல்லாஹ்வின் தூதரே ! நான் அறியாமைக் காலத்தில் , இஸ்லாத்தை ஏற்றுக்கொள்ளும் முன்பு ‘ தர்மம் செய்தல் , அடிமைகளை விடுதலை செய்தல் , உறவினரைச் சேர் ( ந்து வாழ் ) தல் ’ போன்ற நல்லறங்களைச் செய்துள்ளேன் . அவற்றிற்கு ( மறுமையில் எனக்கு ) நன்மை ஏதும் உண்டா ?`` என்று நான் கேட்டேன் . அதற்கு நபி ஸல்லல்லாஹு அலைஹி வஸல்லம் " நீர் முன்னர் செய்த நற்செயல் ( களுக்குரிய நற்பலன் ) களுடனேயே இஸ்லாத்தைத் தழுவியுள்ளீர் `` என்று பதிலளித்தார்கள் .

தல்ஹா பின் உபைதில்லாஹ் ரளியல்லாஹு அன்ஹு கூறியதாவது : நஜ்த்வாசிகளுள் ஒருவர் தலைவிரி கோலத்துடன் ( பயணம் முடிந்த கையோடு ) அல்லாஹ்வின் தூதர் ஸல்லல்லாஹு அலைஹி வஸல்லம் அவர்களிடம் வந்தார் . ( தூரத்திலிருந்து ) அவருடைய குரலின் எதிரொலி செவியில் ஒலித்தது . ஆனால் அவர் என்ன சொல்கிறார் என்று எங்களால் விளங்க முடியவில்லை . அவர் அல்லாஹ்வின் தூதர் ஸல்லல்லாஹு அலைஹி வஸல்லம் அவர்களுக்கு அருகில் வந்ததும் இஸ்லாத்தைப் பற்றிக் கேட்டார் . அப்போது அல்லாஹ்வின் தூதர் ஸல்லல்லாஹு அலைஹி வஸல்லம் , “ பகலிலும் இரவிலும் ஐந்து தொழுகைகள் ( தாம் இஸ்லாத்தில் கட்டாயக் கடமையான வணக்கம் )`` என்றார்கள் . அவர் “ இதைத் தவிர வேறு ( தொழுகை ) ஏதாவது என்மீது ( கடமையாக்கப்பட்டு ) உள்ளதா ?`` என்று கேட்க , “ இல்லை , நீ தானாக விரும்பிச் செய்யும் ( கூடுதலான ) தொழுகையைத் தவிர `` என்று அல்லாஹ்வின் தூதர் ஸல்லல்லாஹு அலைஹி வஸல்லம் பதிலளித்தார்கள் . மேலும் ரமளான் மாதம் நோன்பு நோற்க வேண்டும் என்றும் அல்லாஹ்வின் தூதர் ஸல்லல்லாஹு அலைஹி வஸல்லம் கூறினார்கள் . உடனே அவர் , “ இதைத் தவிர வேறு ஏதேனும் ( நோன்பு ) என்மீது ( கடமையாக்கப்பட்டு ) உள்ளதா ?`` எனக் கேட்க , “ இல்லை , நீ தானாக விரும்பி நோற்கும் ( கூடுதலான ) நோன்பைத் தவிர `` என்று அல்லாஹ்வின் தூதர் ஸல்லல்லாஹு அலைஹி வஸல்லம் கூறினார்கள் . அல்லாஹ்வின் தூதர் ஸல்லல்லாஹு அலைஹி வஸல்லம் ஸகாத் பற்றியும் அவருக்கு எடுத்துரைத்தார்கள் . அவர் , “ இதைத் தவிர வேறு ( ஸகாத் ) ஏதும் என்மீது ( கடமையாக்கப்பட்டு ) உள்ளதா ?`` என்று கேட்டார் . அதற்கு அல்லாஹ்வின் தூதர் ஸல்லல்லாஹு அலைஹி வஸல்லம் , “ இல்லை , நீ தானாக விரும்பிச் செய்யும் ( கூடுதலான ) வேறு தர்மத்தைத் தவிர `` என்றார்கள் . அந்த மனிதர் , “ அல்லாஹ்வின் மீதாணையாக ! நான் இவற்றைவிடக் கூட்டவும் மாட்டேன் ; குறைக்கவும் மாட்டேன் ” என்று கூறியவாறு திரும்பிச் சென்றுவிட்டார் . அப்போது அல்லாஹ்வின் தூதர் ஸல்லல்லாஹு அலைஹி வஸல்லம் , “ அவர் உண்மையாகவே ( இதைக் ) கூறியிருந்தால் அவர் வெற்றியடைந்துவிட்டார் `` என்று சொன்னார்கள் .

நபி ஸல்லல்லாஹு அலைஹி வஸல்லம் கூறியதாக அபூஹுரைரா ரளியல்லாஹு அன்ஹு அறிவித்துள்ளதாவது : இந்த மார்க்கம் எளிதானது . இந்த மார்க்கத்தை எவரேனும் ( தம்மீது ) சிரமமானதாக ஆக்கிக்கொண்டால் , அது அவரை மிகைத்துவிடும் . எனவே , ( கூடுதலான வணக்கங்கள் உட்பட அனைத்துக் காரியங்களிலும் ) நடுநிலையையே கடைப்பிடியுங்கள் . இயன்றவற்றைச் செய்யுங்கள் ; நற்செய்தியையே சொல்லுங்கள் ; ( கூடுதல் வணக்கங்களை உற்சாகத்துடனும் நிரந்தரமாகவும் நிறைவேற்றிட ) காலையையும் மாலையையும் இரவில் சிறிது நேரத்தையும் ஒத்தாசையாக்கிக் கொள்ளுங்கள் .

ஆயிஷா ரளியல்லாஹு அன்ஹா கூறியதாவது : அல்லாஹ்வின் தூதர் ஸல்லல்லாஹு அலைஹி வஸல்லம் நல்லவற்றை ( ச் செய்யுமாறு ) மக்களுக்குக் கட்டளையிட்டால் , அவர்களால் இயன்ற செயல்களையே கட்டளையிடுவார்கள் . மக்கள் , “ அல்லாஹ்வின் தூதரே ! அல்லாஹ் உங்கள் முன் பின் பாவங்களை மன்னித்துவிட்டான் . ( ஆனால் ) எங்கள் நிலையோ உங்கள் நிலையைப் போன்றதன்று ( நாங்கள் குறைந்த அளவில் நல்லறங்கள் புரிந்தால் போதாது ; அதிகமாகச் செய்ய வேண்டிய நிலையிலுள்ளோம் )`` என்று கூறினார்கள் . ( இதைக் கேட்ட ) உடன் நபி ஸல்லல்லாஹு அலைஹி வஸல்லம் கோபமடைந்தார்கள் . எந்த அளவிற்கென்றால் கோபத்தின் அறிகுறி அவர்களது முகத்தில் காணப்பட்டது . பிறகு “ உங்கள் அனைவரைவிட நான் ( அல்லாஹ்வை ) நன்கு அஞ்சி நடப்பவனும் அல்லாஹ்வைப் பற்றி அறிந்தவனும் ஆவேன் `` என்று கூறினார்கள் .

அல்லாஹ்வின் தூதர் ஸல்லல்லாஹு அலைஹி வஸல்லம் கூறியதாக அப்துல்லாஹ் பின் உமர் ரளியல்லாஹு அன்ஹு அறிவிப்பதாவது : நிச்சயமாக அல்லாஹ் வாய்ப்புகள் கொடுக்கப்படுவதை விரும்புகிறான் . மேலும் அவனுக்கு ( அடியானால் ) மாறு செய்யப்படுவதை வெறுக்கிறான் .

அல்லாஹ்வின் தூதர் ஸல்லல்லாஹு அலைஹி வஸல்லம் கூறியதாக அப்துல்லாஹ் பின் அப்பாஸ் ரளியல்லாஹு அன்ஹு அறிவிப்பதாவது : நிச்சயமாக அல்லாஹ் வாய்ப்புகள் கொடுக்கப்படுவதை விரும்புகிறான் . மேலும் ( அடியார்கள் ) உறுதியான தன்மைகள் கொடுக்கப்படுவதை விரும்புகிறான் .

புரைதா அல்அஸ்லமீ ரளியல்லாஹு அன்ஹு கூறியதாவது : நான் ஒரு நாள் ஏதோ ஒரு தேவைக்காக வெளியே புறப்பட்டேன் . வழியில் எனக்கு முன்னால் நபி ஸல்லல்லாஹு அலைஹி வஸல்லம் நடந்து சென்றார்கள் . அப்போது அவர்கள் என் கையைப் பிடித்துக்கொண்டார்கள் . நாங்கள் இருவரும் நடந்துசென்றோம் . அப்போது எங்களுக்கு முன்னால் ஒரு மனிதர் தென்பட்டார் . அவர் ருகூஉவையும் சஜ்தாவையும் மிகுதியாகச் செய்தவாறு தொழுது கொண்டிருந்தார் . அப்போது நபி ஸல்லல்லாஹு அலைஹி வஸல்லம் என்னிடம் , “ அவர் பிறருக்குக் காட்டுவதாக நீ கருதுகிறாயா ?” என்று கேட்டார்கள் . “ அல்லாஹ்வும் அவனுடைய தூதருமே அறிவார்கள் ” என்றேன் . அப்போது அவர்கள் என் கையை விட்டுவிட்டு , பிறகு தம் இரண்டு கைகளையும் ஒன்றாகச் சேர்த்து , அவ்விரண்டையும் சமமாகச் சீராக்கி , உயர்த்தி , நடுநிலையான வழியைக் கடைப்பிடியுங்கள் ; நடுநிலையான வழியைக் கடைப்பிடியுங்கள் ; நடுநிலையான வழியைக் கடைப்பிடியுங்கள் . ஏனென்றால் யார் இந்த மார்க்கத்தைக் கடுமையாக்கிக் கொள்கிறாரோ அவரை அது மிகைத்துவிடும் ” என்று கூறினார்கள் .

ஷரீர் பின் அப்தில்லாஹ் ரளியல்லாஹு அன்ஹு கூறியதாவது : நான் அல்லாஹ்வின் தூதர் ஸல்லல்லாஹு அலைஹி வஸல்லம் அவர்களிடம் தொழுகையை நிலை நாட்டுவதாகவும் , ஸகாத் வழங்குவதாகவும் , ஒவ்வொரு முஸ்லிமுக்கும் நலம் நாடுவதாகவும் உறுதிமொழி ( பைஅத் ) அளித்தேன் .

தமீமுத் தாரீ ரளியல்லாஹு அன்ஹு கூறியதாவது : நபி ஸல்லல்லாஹு அலைஹி வஸல்லம் , “ மார்க்கம் ( தீன் ) என்பதே " நலம் நாடுவது`தான் `` என்று கூறினார்கள் . நாங்கள் , “ யாருக்கு ( நலம் நாடுவது )?`` என்று கேட்டோம் . நபி ஸல்லல்லாஹு அலைஹி வஸல்லம் , “ அல்லாஹ்வுக்கும் , அவனுடைய வேதத்துக்கும் , அவனுடைய தூதருக்கும் , முஸ்லிம்களின் தலைவர்களுக்கும் , அவர்களில் பொதுமக்களுக்கும் `` என்று பதிலளித்தார்கள் .

நபி ஸல்லல்லாஹு அலைஹி வஸல்லம் கூறியதாக அப்துல்லாஹ் பின் அம்ர் ரளியல்லாஹு அன்ஹு அறிவிப்பதாவது : எவரது நாவு மற்றும் கையி ( ன் தொல்லைகளி ) லிருந்து பிற முஸ்லிம்கள் பாதுகாப்புப் பெறுகிறார்களோ அவரே ( உண்மையான ) முஸ்லிம் ஆவார் . யார் அல்லாஹ் தடை விதித்தவற்றிலிருந்து விலகிக்கொண்டாரோ அவரே முஹாஜிர் ( துறந்தவர் ) ஆவார் .

அல்லாஹ்வின் தூதர் ஸல்லல்லாஹு அலைஹி வஸல்லம் கூறியதாக அபூஹுரைரா ரளியல்லாஹு அன்ஹு அறிவிப்பதாவது : யாருடைய நாவிலிருந்தும் கரத்திலிருந்தும் மற்ற முஸ்லிம்கள் பாதுகாப்புப் பெற்றிருக்கிறார்களோ அவரே ( உண்மையான ) முஸ்லிம் ஆவார் . யாரைக் குறித்து மக்கள் தம் உயிர்கள் , உடைமைகள் விஷயத்தில் அச்சமற்று இருக்கிறார்களோ அவரே ( உண்மையான ) இறைநம்பிக்கையாளர் ( முஃமின் ) ஆவார் .

நபி ஸல்லல்லாஹு அலைஹி வஸல்லம் கூறியதாக அனஸ் பின் மாலிக் ரளியல்லாஹு அன்ஹு அறிவிப்பதாவது : “ யாரைக் குறித்து மக்கள் ( தம் உயிர்கள் , உடைமைகள் விஷயத்தில் ) அச்சமற்று இருக்கிறார்களோ அவரே ( உண்மையான ) இறைநம்பிக்கையாளர் ( முஃமின் ) ஆவார் . யாருடைய நாவிலிருந்தும் கரத்திலிருந்தும் மற்ற முஸ்லிம்கள் பாதுகாப்புப் பெற்றிருக்கிறார்களோ அவரே ( உண்மையான ) முஸ்லிம் ஆவார் . யார் தீமையைவிட்டு விலகிக்கொண்டாரோ அவரே முஹாஜிர் ( துறந்தவர் ) ஆவார் . எவனுடைய கையில் என் ஆன்மா உள்ளதோ அவன்மீது சத்தியமாக ! எந்த அடியாருடைய நாச வேலைகளிலிருந்து அவருடைய அண்டை வீட்டாருக்குப் பாதுகாப்பு உணர்வு ஏற்படவில்லையோ அந்த அடியார் சொர்க்கத்தில் நுழையமாட்டார் .

சுஃப்யான் பின் அப்தில்லாஹ் அஸ்ஸகஃபீ ரளியல்லாஹு அன்ஹு கூறியதாவது : நான் “ அல்லாஹ்வின் தூதரே ! இஸ்லாம் குறித்து ( சுருக்கமாக ) எனக்கு ஒரு விளக்கம் அளியுங்கள் . ‘ தங்களுக்குப் பிறகு யாரிடமும் ` அல்லது " தங்களைத் தவிர வேறு யாரிடமும் ` அது குறித்து நான் கேட்க வேண்டியதிருக்கலாகாது `` என்று வினவினேன் . அதற்கு அல்லாஹ்வின் தூதர் ஸல்லல்லாஹு அலைஹி வஸல்லம் , " அல்லாஹ்வின் மீது நான் நம்பிக்கை கொண்டேன் " எனக் கூறி , அதில் உறுதியாக நிலைத்து நிற்பீராக !`` என்று சொன்னார்கள் .

நபி ஸல்லல்லாஹு அலைஹி வஸல்லம் கூறியதாக அனஸ் ரளியல்லாஹு அன்ஹு அறிவிப்பதாவது : உங்களுள் ஒருவர் தமக்கு விரும்புவதையே தம் சகோதரனுக்கும் விரும்பாத வரை ( முழுமையான ) இறைநம்பிக்கை கொண்டவர் ஆக மாட்டார் .

நபி ஸல்லல்லாஹு அலைஹி வஸல்லம் கூறியதாக அனஸ் ரளியல்லாஹு அன்ஹு அறிவிப்பதாவது : உங்களுள் ஒருவர் தமக்கு விரும்புவதையே மக்களுக்கும் விரும்பாத வரை ( முழுமையான ) இறைநம்பிக்கை கொண்டவர் ஆக மாட்டார் . ( உங்களுள் ஒருவர் ) அல்லாஹ்வுக்காகவே தவிர ஒரு மனிதரை விரும்பாத வரை அவர் ( இறைநம்பிக்கை கொண்டவராக ) விரும்பியவராக ஆக மாட்டார் .

நபி ஸல்லல்லாஹு அலைஹி வஸல்லம் கூறியதாக அனஸ் ரளியல்லாஹு அன்ஹு அறிவிப்பதாவது : ஓர் அடியார் தமக்கு விரும்புகிற நன்மையையே மக்களுக்கும் விரும்பாத வரை இறைநம்பிக்கையின் உண்மை நிலையை அடைந்துகொள்ள மாட்டார் .

நபி ஸல்லல்லாஹு அலைஹி வஸல்லம் கூறியதாக அபூஹுரைரா ரளியல்லாஹு அன்ஹு அறிவிப்பதாவது : நயவஞ்சகனின் அடையாளங்கள் மூன்றாகும் . அவன் பேசும்போது பொய் பேசுவான் ; வாக்களித்தால் அதற்கு மாறு செய்வான் ; அவனிடம் நம்பி ( ஏதேனுமொன்றை ) ஒப்படைத்தால் ( அதில் ) மோசடி செய்வான் .

நபி ஸல்லல்லாஹு அலைஹி வஸல்லம் கூறியதாக அப்துல்லாஹ் பின் அம்ர் ரளியல்லாஹு அன்ஹு அறிவிப்பதாவது : நான்கு குணங்கள் எவனிடம் குடிகொண்டுள்ளனவோ அவன் அப்பட்டமான நயவஞ்சகன் ( முனாஃபிக் ) ஆவான் . எவனிடம் அவற்றில் ஒரு குணம் குடிகொண்டுள்ளதோ அவன் அதை விட்டொழிக்கும் வரை நயவஞ்சகத்தின் ஒரு குணம் அவனிடம் குடியிருக்கும் . ( ஏதேனுமொன்றை ) நம்பி ஒப்படைக்கப்பட்டால் ( அதில் ) மோசடி செய்வதும் , பேசும்போது பொய் சொல்வதும் , ஒப்பந்தம் செய்து கொண்டால் நம்பிக்கை மோசடி செய்வதும் , வழக்காடினால் அவமதிப்பதும் தான் அவை ( நான்கும் ).

அல்லாஹ்வின் தூதர் ஸல்லல்லாஹு அலைஹி வஸல்லம் கூறியதாக அபூஹுரைரா ரளியல்லாஹு அன்ஹு அறிவிப்பதாவது : ஓர் இறைநம்பிக்கையாளரின் நிலையானது இளம் பயிர் போன்றதாகும் . காற்றடிக்கும் திசையில் அதன் இலை சாயும் . காற்று ( அடிப்பது ) நின்றுவிட்டால் நேராக நிற்கும் . இவ்வாறுதான் இறைநம்பிக்கையாளரும் சோதனைகளின்போது அலைக்கழிக்கப்படுகின்றார் . ( எனினும் , அவர் பொறுமை காப்பார் .) இறைமறுப்பாளனின் நிலையானது உறுதியாக நிமிர்ந்து நிற்கும் தேவதாரு மரத்தைப் போன்றதாகும் . தான் நாடும்போது அதை அல்லாஹ் ( ஒரேயடியாக ) உடைத்து ( சாய்த்து ) விடுகின்றான் .

நபி ஸல்லல்லாஹு அலைஹி வஸல்லம் கூறியதாக இப்னு உமர் ரளியல்லாஹு அன்ஹு அறிவிப்பதாவது : நயவஞ்சகனின் நிலை இரு கிடாக்களிடையே சுற்றிவரும் பெட்டை ஆட்டின் நிலையைப் போன்றதாகும் . ஒரு முறை இதனிடம் செல்கிறது ; மறுமுறை அதனிடம் செல்கிறது .

இப்ராஹீம் அத்தய்மீ ரஹிமஹுல்லாஹ் " எனது சொல்லை எனது செயலோடு ஒப்பிட்டபோதெல்லாம் , நான் ஒரு பொய்யனாக இருப்பேனோ என்று நான் அஞ்சாமல் இருந்ததில்லை `` என்றார்கள் . இப்னு அபீமுலைக்கா ( அப்துல்லாஹ் பின் உபைதில்லாஹ் அல்குறஷி - ரஹிமஹுல்லாஹ் ) கூறியதாவது : நான் நபித் தோழர்களுள் முப்பது பேரைச் சந்தித்திருக்கின்றேன் . அவர்கள் ஒவ்வொருவரும் தமக்குள் நயவஞ்சகத்தனம் ஏற்பட்டுவிடுமோ என்று அஞ்சுபவர்களாகவே இருந்தனர் . அவர்களுள் எவரும் தமக்கு ஜிப்ரீல் , மீக்காயீல் - அலைஹிமஸ்ஸலாம் - ஆகியோரின் ஈமான் இருப்பதாகக் கூறியதில்லை . ஹஸன் அல்பஸரீ ரஹிமஹுல்லாஹ் , “ இறைநம்பிக்கையாளரைத் தவிர வேறெவரும் நயவஞ்சகத்தன்மையை அஞ்சுவதில்லை . நயவஞ்சகனைத் தவிர வேறெவரும் அது விஷயத்தில் அச்சமற்று ( அலட்சியமாக ) இருப்பதில்லை `` என்று கூறியதாக அறிவிக்கப்படுகிறது .

அப்துல்லாஹ் பின் அம்ர் ரளியல்லாஹு அன்ஹு கூறியதாவது : இஸ்லாத்தை ஏற்றுக்கொள்வது குறித்து ஒப்பந்தம் செய்துகொள்ள உமைமா பின்த் ருகைகா ரளியல்லாஹு அன்ஹா அல்லாஹ்வின் தூதர் ஸல்லல்லாஹு அலைஹி வஸல்லம் அவர்களிடம் வந்தார் . அப்போது நபியவர்கள் , நீ அல்லாஹ்வுக்கு எதையும் இணைவைக்கக் கூடாது என்றும் திருடக் கூடாது என்றும் விபச்சாரம் செய்யக்கூடாது என்றும் உன் குழந்தையைக் கொலை செய்யக்கூடாது என்றும் உங்களுடைய கை கால்கள் அறிய ( அதாவது : பொய்யெனத் தெரிந்தே ) கற்பனையாக அவதூறு கூறக்கூடாது என்றும் ஒப்பாரி வைத்து அழக்கூடாது என்றும் அறியாமைக்கால மக்கள் சுற்றித் திரிந்ததைப்போல் ( வீதிகளில் ) சுற்றித் திரியக் கூடாது என்றும் நான் உன்னிடம் ஒப்பந்தம் செய்கிறேன் ” என்று கூறினார்கள் .

அப்துல்லாஹ் பின் அம்ர் ரளியல்லாஹு அன்ஹு கூறியதாவது : அல்லாஹ்வின் தூதர் ஸல்லல்லாஹு அலைஹி வஸல்லம் பெண்களிடம் ஒப்பந்தம் ( பைஅத் ) செய்தபோது முஸாஃபஹா ( கைகொடுத்துச் ) செய்ததில்லை .

இம்ரான் பின் ஹுஸைன் ரளியல்லாஹு அன்ஹு கூறியதாவது : நான் அல்லாஹ்வின் தூதர் அவர்களிடம் ஒப்பந்தம் ( பைஅத் ) செய்ததிலிருந்து எனது வலக்கையால் என் அந்தரங்க உறுப்பைத் தொட்டதில்லை .

அல்லாஹ்வின் தூதர் ஸல்லல்லாஹு அலைஹி வஸல்லம் கூறியதாக அனஸ் பின் மாலிக் ரளியல்லாஹு அன்ஹு அறிவிப்பதாவது : மக்களிடம் ஒரு காலம் வரும் . அக்காலத்தில் தீனில் பொறுமையாக ( நீடித்து ) இருப்பவர் கையில் நெருப்புக் கங்கைப் பிடித்துக்கொண்டிருப்பவரைப் போல் ஆவார் . ( அவ்வளவு சிரமமானது .)

இப்னு அப்பாஸ் ரளியல்லாஹு அன்ஹு கூறியதாவது : நான் ஒரு நாள் அல்லாஹ்வின் தூதர் ஸல்லல்லாஹு அலைஹி வஸல்லம் அவர்களுக்குப் பின்னால் ( வாகனத்தில் அமர்ந்து ) இருந்தேன் . அப்போது அவர்கள் , “ பையா ! நான் உனக்குச் சில விஷயங்களைக் கற்றுத் தருகிறேன் . ( அவற்றை நீ நினைவில் வைத்துக்கொள் .) நீ அல்லாஹ் ( வின் உத்தர ) வைப் பேணிக்காத்திடு ! அவன் உன்னைப் பேணிக்காப்பான் . நீ அல்லாஹ்வை ( அவனுடைய கடமைகளை ) ப் பேணி நடந்துகொள் ! அவனை உனக்கு முன்பாக நீ காண்பாய் . நீ யாசித்தால் அல்லாஹ்விடமே யாசிப்பாயாக ! உதவி கோரினால் அல்லாஹ்விடமே உதவி கோருவாயாக . அறிந்துகொள் ! உனக்கு ஏதேனும் நன்மை செய்ய ஒட்டுமொத்தச் சமுதாயமும் ஒன்று சேர்ந்தாலும் உனக்கென அல்லாஹ் எதை எழுதிவிட்டானோ அதைத் தவிர வேறெந்த நன்மையையும் அவர்களால் உனக்குச் செய்ய இயலாது . ( அவ்வாறே ) உனக்கு ஏதேனும் தீங்கிழைக்க அவர்கள் அனைவரும் ஒன்று திரண்டாலும் உனக்கெதிராக அல்லாஹ் எதை எழுதிவிட்டானோ அதைத் தவிர வேறெந்தத் தீங்கும் அவர்களால் உனக்கு இழைத்திட இயலாது . ( விதி எழுதிய பேனாக்கள் உயர்த்தப்பட்டுவிட்டன ; ( விதி எழுதப் பெற்ற ) ஏடுகள் உலர்ந்து விட்டன ” என்று கூறினார்கள் .

நபி ஸல்லல்லாஹு அலைஹி வஸல்லம் கூறியதாக ஸஹ்ல் பின் ஸஅத் ரளியல்லாஹு அன்ஹு அறிவிப்பதாவது : அல்லாஹ்வின் மீதாணையாக ! உங்கள் வாயிலாக ஒரேயரு மனிதருக்கு நேர்வழியளிக்கப்படுவது ( அரபியர்களின் உயரிய செல்வமான ) சிவப்பு ஒட்டகங்களை ( தர்மம் செய்வதை ) விட உங்களுக்குச் சிறந்ததாகும் .

அல்லாஹ்வின் தூதர் ஸல்லல்லாஹு அலைஹி வஸல்லம் கூறியதாக அப்துல்லாஹ் பின் அம்ர் பின் அல்ஆஸ் ரளியல்லாஹு அன்ஹு அறிவிப்பதாவது : திண்ணமாக இறைநம்பிக்கை உங்களுள் ஒருவரின் உள்ளத்தில் , கந்தல் துணி இற்றுப்போவதைப் போல் இற்றுப்போகிறது . எனவே உங்கள் உள்ளங்களில் இறைநம்பிக்கையைப் புதுப்பிக்குமாறு அல்லாஹ்விடம் கேளுங்கள் .

அல்லாஹ்வின் தூதர் ஸல்லல்லாஹு அலைஹி வஸல்லம் கூறியதாக அபூஹுரைரா ரளியல்லாஹு அன்ஹு அறிவிப்பதாவது : யூதர்கள் எழுபத்தொன்று அல்லது எழுபத்திரண்டு பிரிவுகளாகப் பிரிந்தார்கள் . கிறிஸ்தவர்கள் எழுபத்தொன்று அல்லது எழுபத்திரண்டு பிரிவுகளாகப் பிரிந்தார்கள் . என் சமுதாயம் எழுபத்து மூன்று பிரிவுகளாகப் பிரியும் .

அல்லாஹ்வின் தூதர் ஸல்லல்லாஹு அலைஹி வஸல்லம் கூறியதாக அபூஹுரைரா ரளியல்லாஹு அன்ஹு அறிவிப்பதாவது : உங்களுக்கு முன் இருந்தோரின் வழிமுறையை நீங்கள் அடி அடியாக , முழம் முழமாக , சாண் சாணாகப் பின்பற்றுவீர்கள் . இறுதியில் அவர்கள் ஓர் உடும்புப் பொந்தில் நுழைந்தால் , நீங்களும் அதில் நுழைந்து விடுவீர்கள் . அப்போது , “ அல்லாஹ்வின் தூதரே ! யூதர்களையும் கிறிஸ்தவர்களையுமா ( நீங்கள் குறிப்பிடுகின்றீர்கள் )?” என்று வினவப்பட்டது . அதற்கவர்கள் , “ பிறகு யாரை ?” என்று மறுவினாத் தொடுத்தார்கள் .

அல்லாஹ்வின் தூதர் ஸல்லல்லாஹு அலைஹி வஸல்லம் கூறியதாக அவ்ஃப் பின் மாலிக் ரளியல்லாஹு அன்ஹு அறிவிப்பதாவது : யூதர்கள் எழுபத்தொரு பிரிவுகளாகப் பிரிந்தார்கள் . ( அவர்களுள் ) ஒரு பிரிவினர் சொர்க்கத்தில் ( நுழைவார்கள் ). எழுபது பிரிவினர் நரகத்தில் இருப்பர் . கிறிஸ்தவர்கள் எழுபத்து இரண்டு பிரிவுகளாகப் பிரிந்தார்கள் . ( அவர்களுள் ) எழுபத்தொரு பிரிவினர் நரகத்தில் ( நுழைவார்கள் ). ஒரு பிரிவினர் சொர்க்கத்தில் இருப்பர் . யாருடைய கையில் முஹம்மதுடைய ஆன்மா உள்ளதோ அவன் மீதாணையாக ! திண்ணமாக என் சமுதாயம் எழுபத்து மூன்று பிரிவுகளாகப் பிரியும் . ( அவர்களுள் ) ஒரு பிரிவினர் சொர்க்கத்தில் ( நுழைவார்கள் ). எழுபத்து இரண்டு பிரிவினர் நரகத்தில் இருப்பர் . “ அல்லாஹ்வின் தூதரே ! அவர்கள் யாவர் ?” என்று வினவப்பட்டது . அதற்கவர்கள் , “ சமுதாயக் கூட்டமைப்பு ” என்று விடையளித்தார்கள் .

அல்லாஹ்வின் தூதர் ஸல்லல்லாஹு அலைஹி வஸல்லம் கூறியதாக அபூஹுரைரா ரளியல்லாஹு அன்ஹு கூறியதை அபூஅல்க்கமா ரளியல்லாஹு அன்ஹு அறிவிப்பதாவது : திண்ணமாக அல்லாஹ் ஒவ்வொரு நூற்றாண்டின் தொடக்கத்திலும் இச்சமுதாயத்தின் மார்க்கத்தை ( தீனை ) ப் புதுப்பிக்கின்ற ஒருவரை இந்தச் சமுதாயத்திற்கு அனுப்புகிறான் .

நபி ஸல்லல்லாஹு அலைஹி வஸல்லம் கூறியதாக அபூபக்ரா ரளியல்லாஹு அன்ஹு அறிவிப்பதாவது : திண்ணமாக உயர்ந்தோனும் மகத்துவமிக்கோனுமாகிய அல்லாஹ் , ( இஸ்லாத்தில் ) எந்தப் பங்குமில்லாத மக்களைக் கொண்டு ( கூட ) இந்த மார்க்கத்தை வலுப்படுத்துவான் .

அல்லாஹ்வின் தூதர் ஸல்லல்லாஹு அலைஹி வஸல்லம் கூறியதாக அபூஉமாமா அல்பாஹிலீ ரளியல்லாஹு அன்ஹு அறிவிப்பதாவது : இஸ்லாத்தின் அடிப்படைகள் ஒவ்வொன்றாக உடைக்கப்படும் . ஓர் அடிப்படை உடைபடும்போதெல்லாம் மக்கள் மற்றதை இலேசாகக் கருதுவார்கள் . அவற்றுள் முதலாவதாக உடைபடுவது ஆட்சியதிகாரம் . அவற்றுள் கடைசியாக உடைபடுவது தொழுகை .

அனஸ் பின் மாலிக் ரளியல்லாஹு அன்ஹு கூறியதாவது : என் அல்லாத வேறு எவரும் உங்களுக்கு அறிவிக்க முடியாத , அல்லாஹ்வின் தூதர் ஸல்லல்லாஹு அலைஹி வஸல்லம் அவர்களிடமிருந்து நான் செவியுற்ற செய்தி ஒன்றை உங்களுக்கு நான் அறிவிக்கப் போகிறேன் . அல்லாஹ்வின் தூதர் ஸல்லல்லாஹு அலைஹி வஸல்லம் கூறினார்கள் : கல்வி அகற்றப்பட்டுவிடுவதும் , அறியாமை மலிந்துவிடுவதும் , விபச்சாரம் அதிகரித்து விடுவதும் , மது அருந்துதல் அதிகரித்து விடுவதும் , ஐம்பது பெண்களுக்கு - அவர்களை நிர்வகிக்க ஒரே ஆண் என்ற நிலைமை வரும் அளவுக்குப் பெண்கள் மிகுந்து , ஆண்கள் குறைந்துவிடுவதும் மறுமை நாளின் அடையாளங்களுள் அடங்கும் .

நபி ஸல்லல்லாஹு அலைஹி வஸல்லம் கூறியதாக அபூஹுரைரா ரளியல்லாஹு அன்ஹு அறிவிப்பதாவது : கல்வி கைப்பற்றப்படாத வரை , நில நடுக்கங்கள் நிறைந்துவிடாத வரை , காலம் சுருங்கிடாத வரை , குழப்பங்கள் வெளிப்படாத வரை , ஹர்ஜ் ( கொந்தளிப்பு ) மிகுதியாகாத வரை , - ஹர்ஜ் என்பது கொலையாகும் , கொலையாகும் . உங்கள் மத்தியில் செல்வம் நிரம்பி வழியாத வரை இறுதி நாள் ஏற்படாது .

அவ்ஃப் பின் மாலிக் ரளியல்லாஹு அன்ஹு கூறியதாவது : தபூக் போரின்போது நபி ஸல்லல்லாஹு அலைஹி வஸல்லம் அவர்களிடம் நான் சென்றேன் . அவர்கள் ஒரு தோல் கூடாரத்தில் இருந்தார்கள் . அப்போது அவர்கள் , “ இறுதி நாள் வருவதற்கு முன்பு ( அதற்குரிய ) ஆறு அடையாளங்கள் நிகழும் . அவற்றை எண்ணிக்கொள் : 1. எனது மரணம் . 2. பைத்துல் மக்திஸ் வெற்றி கொள்ளப்படுதல் . 3. ஆடுகளுக்கு வருகின்ற ( ஒரு வகை ) நோயைப் போன்று கொள்ளை நோய் ஒன்று வந்து உங்களைப் பீடிக்கும் . ( அதனால் ஏராளமானவர்கள் இறந்து போய் விடுவார்கள் ) 4. பிறகு செல்வம் பெருகி வழியும் . எந்த அளவிற்கென்றால் ஒருவருக்கு நூறு தீனார்கள் கொடுக்கப்பட்ட பின்பும் ( அதனை அற்பமாகக் கருதி ) அவர் அதிருப்தியுடனிருப்பார் . 5. பிறகு தீமையன்று தோன்றும் . அரபியர்களின் வீடுகளில் அது நுழையாத வீடு எதுவும் இருக்காது . 6. பிறகு ( உரோமர்களுக்கும் ) உங்களுக்குமிடையே சமாதான ஒப்பந்தம் ஒன்று ஏற்படும் ( அதை மதிக்காமல் ) அவர்கள் ( உங்களை ) மோசடி செய்து விடுவார்கள் . பிறகு உங்களை எதிர்த்துப் போரிடுவதற்காக எண்பது கொடிகளின் கீழே ( அணி வகுத்து ) அவர்கள் வருவார்கள் . ஒவ்வொரு கொடிக்கும் கீழே பன்னிரண்டாயிரம் போர் வீரர்கள் இருப்பார்கள் .

நபி ஸல்லல்லாஹு அலைஹி வஸல்லம் கூறியதாக அபூஹுரைரா ரளியல்லாஹு அன்ஹு அறிவிப்பதாவது : ஆறு அடையாளங்கள் நடைபெறுவதவற்குமுன் விரைந்து நற்செயல் புரியுங்கள் . சூரியன் மேற்கிலிருந்து உதித்தல் , அல்லது புகை , அல்லது தஜ்ஜால் , அல்லது ( அதிசயப் ) பிராணி , அல்லது ஒட்டுமொத்தமாக ஏற்படும் ( யுக ) முடிவு , அல்லது தனிப்பட்ட முறையில் உங்களுக்கு ஏற்படும் மரணம் ,

அப்துல்லாஹ் பின் அம்ர் ரளியல்லாஹு அன்ஹு கூறியதாவது : நான் அல்லாஹ்வின் தூதர் ஸல்லல்லாஹு அலைஹி வஸல்லம் அவர்களிடமிருந்து ஒரு ஹதீஸை மனனமிட்டேன் . இதுவரை அதை நான் மறக்கவில்லை . அல்லாஹ்வின் தூதர் ஸல்லல்லாஹு அலைஹி வஸல்லம் பின்வருமாறு கூறியதை நான் கேட்டேன் : ( மறுமை நாளின் அடையாளங்களுள் ) முதலாவதாக வெளிப்படும் அடையாளம் , சூரியன் மேற்கிலிருந்து உதயமாவதும் , ( பூமியிலிருந்து ) ஒரு ( அதிசயப் ) பிராணி முற்பகல் நேரத்தில் வெளிப்படுவதும் ஆகும் . இவ்விரண்டில் எது முதலில் வெளிப்பட்டாலும் மற்றொன்றும் அதைத் தொடர்ந்து வெகுவிரைவில் வெளிப்பட்டுவிடும் .

அபூஸரீஹா ஹுதைஃபா பின் அஸீத் அல்ஃகிஃபாரீ ரளியல்லாஹு அன்ஹு கூறியதாவது : ( ஒரு முறை ) நாங்கள் ( நபி ஸல்லல்லாஹு அலைஹி வஸல்லம் அவர்களது அறைக்குக் கீழே ) பேசிக்கொண்டிருந்தோம் . அப்போது நபி ஸல்லல்லாஹு அலைஹி வஸல்லம் எங்களை எட்டிப்பார்த்து , “ எதைப் பற்றிப் பேசிக்கொண்டிருக்கிறீர்கள் ?`` என்று கேட்டார்கள் . மக்கள் , “ யுக முடிவு நாளைப் பற்றி ( ப் பேசிக்கொண்டிருக்கிறோம் )`` என்று கூறினார்கள் . நபி ஸல்லல்லாஹு அலைஹி வஸல்லம் , “ நீங்கள் ( பெரிய ) பத்து அடையாளங்களைக் காணாத வரை யுக முடிவு நாள் ஏற்படவே செய்யாது `` என்று கூறிவிட்டு , அந்த அடையாளங்களைப் பற்றிக் கூறினார்கள் : 1. புகை , 2. தஜ்ஷால் , 3. ( பேசும் ) பிராணி , 4. மேற்கிலிருந்து சூரியன் உதிப்பது , 5. மர்யமின் புதல்வர் ஈஸா அலைஹிஸ்ஸலாம் அவர்கள் இறங்குதல் , 6. யஃஜூஜ் , மஃஜூஜ் , 7-9. மூன்று நில நடுக்கங்கள் . ஒன்று கிழக்கிலும் , மற்றொன்று மேற்கிலும் , இன்னொன்று அரபுத் தீபகற்பத்திலும் , 10. இறுதியாக யமன் நாட்டிலிருந்து ஒரு நெருப்பு கிளம்பி மக்களை விரட்டிக்கொண்டு வந்து ஓரிடத்தில் ஒன்றுகூட்டும் .

அல்லாஹ்வின் தூதர் ஸல்லல்லாஹு அலைஹி வஸல்லம் கூறியதாக இல்பா அஸ்ஸுலமீ ரளியல்லாஹு அன்ஹு அறிவிப்பதாவது : கெட்ட மக்கள் மீதுதான் ( அவர்கள் மட்டும் இருக்கும் போதுதான் ) மறுமை நாள் வரும் .

அப்துல்லாஹ் பின் அம்ர் ரளியல்லாஹு அன்ஹு கூறியதாவது : நான் அல்லாஹ்வின் தூதர் ஸல்லல்லாஹு அலைஹி வஸல்லம் அவர்களிடமிருந்து ஒரு ஹதீஸை மனனமிட்டேன் . இதுவரை அதை நான் மறக்கவில்லை . அல்லாஹ்வின் தூதர் ஸல்லல்லாஹு அலைஹி வஸல்லம் பின்வருமாறு கூறியதை நான் கேட்டேன் : ( மறுமை நாளின் அடையாளங்களில் ) முதலாவதாக வெளிப்படும் அடையாளம் , சூரியன் மேற்கிலிருந்து உதயமாவதும் , ( பூமியிலிருந்து ) ஒரு ( அதிசயப் ) பிராணி முற்பகல் நேரத்தில் வெளிப்படுவதும் ஆகும் . இவ்விரண்டில் எது முதலில் வெளிப்பட்டாலும் மற்றொன்றும் அதைத் தொடர்ந்து வெகுவிரைவில் வெளிப்பட்டுவிடும் . பிறகு அப்துல்லாஹ் பின் அம்ர் ரளியல்லாஹு அன்ஹு கூறியதாவது : - அவர் வேதங்களைப் படித்திருந்தார் - சூரியன் மேற்கிலிருந்து உதயமாவதை அவற்றுள் முதலாவது அடையாளமாக எண்ணுகிறேன் . ஏனென்றால் அது ஒவ்வொரு நாளும் அர்ஷுக்குக் கீழ் மறையும் போதெல்லாம் ( அல்லாஹ்வுக்குத் ) தலை வணங்குகிறது . மீண்டும் செல்ல அனுமதி கோருகிறது . எனவே அது மீண்டும் செல்ல அனுமதி கொடுக்கப்படுகிறது . இறுதியில் சூரியன் மேற்கிலிருந்து உதயமாக வேண்டுமென அல்லாஹ்வுக்குத் தோன்றும்போது அது ஏற்கெனவே செய்து கொண்டிருந்ததைப் போல ( அல்லாஹ்வுக்குக் கட்டுப்பட்டு ) மேற்கிலிருந்து உதயமாகும் . அது அர்ஷுக்குக் கீழ் வரும் ; ( அவனுக்குத் ) தலை வணங்கி , திரும்பிச் செல்ல அனுமதி கோரும் ; அது திரும்பிச் செல்ல எந்த அனுமதியும் வழங்கப்படாது . பிறகு ( சிறிது நேரம் கழித்து ) திரும்பிச் செல்ல அனுமதி கோரும் ; அது திரும்பிச் செல்ல எந்த அனுமதியும் வழங்கப்படாது . பிறகு ( சிறிது நேரம் கழித்து ) திரும்பிச் செல்ல அனுமதி கோரும் ; அது திரும்பிச் செல்ல எந்த அனுமதியும் வழங்கப்படாது . அல்லாஹ் நாடிய அளவு இரவு நேரம் கழிந்துவிடும் . அதற்கு அனுமதி வழங்கப்பட்டாலும் கிழக்கை அடைய முடியாது என்று அது அறிந்துகொள்ளும் . பிறகு அது , “ என் இறைவா ! கிழக்கு எவ்வளவோ தூரம் இருக்கிறதே ! எனக்காக மக்களுக்கு யார் ( பொறுப்பேற்பார் )” என்று சொல்லும் . மேல்வானம் மாலையைப் போல மாறிவிடும் . திரும்பிச் செல்ல அனுமதி கோரும் . அப்போது அதனிடம் , “ நீ உன் இடத்திலிருந்தே உதித்துக்கொள் ” என்று சொல்லப்படும் . எனவே அது ( அதே இடத்திலிருந்து ) மேற்கிலிருந்தே மக்களுக்கு உதிக்கும் . பிறகு அப்துல்லாஹ் அவர்கள் பின்வரும் வசனத்தை ஓதினார்கள் : உங்கள் இறைவனின் பெரியதோர் அத்தாட்சி ( யாகிய இறுதி நாள் ) வருவதற்கு முன்னர் நம்பிக்கை கொள்ளாதிருந்து அல்லது நம்பிக்கை கொண்டிருந்தும் யாதொரு நற்செயலும் செய்யாதிருந்துவிட்டு அந்நாளில் அவர்கள் கொள்ளும் நம்பிக்கை யாதொரு பலனையும் அளிக்காது . (7: 158)

அல்லாஹ்வின் தூதர் ஸல்லல்லாஹு அலைஹி வஸல்லம் கூறியதாக அபூஹுரைரா ரளியல்லாஹு அன்ஹு அறிவிப்பதாவது : மக்களுக்கு மிகப்பெரும் அளவில் ஒரு மழை பொழிகின்ற வரை மறுமை நாள் நிகழாது . களி மண்ணால் ஆன எந்த வீடும் அதிலிருந்து மறைக்கப்படாது . உரோமங்களால் ஆன வீடுகளைத் தவிர வேறு எந்த வீடும் அதிலிருந்து மறையாது .

அல்லாஹ்வின் தூதர் ஸல்லல்லாஹு அலைஹி வஸல்லம் கூறியதாக அப்துல்லாஹ் பின் அம்ர் ரளியல்லாஹு அன்ஹு அறிவிப்பதாவது : ( மறுமை நாளின் ) அடையாளங்கள் ஒரு நூலில் கோர்க்கப்பட்ட பாசிகளைப் போன்றவையாகும் . அந்த நூல் அறுக்கப்பட்டால் அதில் ஒன்று மற்றொன்றைப் பின்பற்றும் . ( ஒன்றன்பின் ஒன்றாக வேகமாக வரும் ).

அப்துல்லாஹ் பின் அம்ர் ரளியல்லாஹு அன்ஹு அறிவிப்பதாவது : “ கழுதைகள் உடலுறவு கொள்வதைப்போல் வழியில் ( மக்கள் ) உடலுறவு கொள்கின்ற வரை மறுமை நாள் நிகழாது ” என்று அல்லாஹ்வின் தூதர் ஸல்லல்லாஹு அலைஹி வஸல்லம் கூறினார்கள் . அப்போது நான் , “ நிச்சயமாக அது நிகழுமா ?” என்று கேட்டேன் . அதற்கு அவர்கள் , “ ஆம் ! நிச்சயமாக அது நிகழும் ” என்று கூறினார்கள் .

காரிஜா பின் அஸ்ஸல்த் அல்புர்ஜுமீ ரஹிமஹுல்லாஹ் கூறியதாவது : நான் அப்துல்லாஹ் ( பின் மஸ்ஊத் ) அவர்களுடன் மஸ்ஜிதில் நுழைந்தேன் . அப்போது மக்கள் தொழுது கொண்டிருந்தார்கள் . எனவே அவரும் தொழுகச் சென்றார் . அச்சமயத்தில் ஒரு மனிதர் கடந்து சென்றபோது அப்துல்லாஹ்வுக்கு முகமன் கூறினார் . அப்போது அப்துல்லாஹ் , “ அல்லாஹ்வும் அவனுடைய தூதரும் உண்மையே உரைத்தனர் ” என்று கூறினார் . பிறகு ( தொழுகை ) அணியை அடைந் ( து தொழுது முடித் ) தார் . அவர் தொழுது முடித்தபோது , “ அல்லாஹ்வும் அவனுடைய தூதரும் உண்மையே உரைத்தனர் ” என்று அவர் கூறியது குறித்து நான் கேட்டேன் . அப்போது அவர் , அல்லாஹ்வின் தூதர் ஸல்லல்லாஹு அலைஹி வஸல்லம் கூறியதாகத் தெரிவித்ததாவது : மஸ்ஜிதுகள் பாதைகளாக ஆக்கப்படும் வரை , ஒரு மனிதர் தாம் அறிந்த மனிதருக்கு ( மட்டும் ) முகமன் சொல்லும் வரை , கணவனோடு சேர்ந்து மனைவியும் வியாபாரம் செய்யும் வரை , குதிரைகளும் பெண்களும் விலையுயர்ந்து , பின்னர் அவற்றின் மதிப்பு குறைந்து போகும் வரை மறுமை நாள் ஏற்படாது . ( பின்னர் ) மறுமை நாள் வரை அவர்களின் மதிப்பு உயராது .

நபி ஸல்லல்லாஹு அலைஹி வஸல்லம் கூறியதாக அபூஹுரைரா ரளியல்லாஹு அன்ஹு அறிவிப்பதாவது : இரு குழுவினர் ஒருவரோடொருவர் போரிட்டுக் கொள்ளாத வரை உலக முடிவு நாள் வராது . அவ்விரு குழுக்களுக்குமிடையே பெரும் போர் நிகழும் . ஆனால் , அவ்விரண்டும் முன்வைக்கும் வாதம் ஒன்றாகவே இருக்கும் . பெரும் பொய்யர்களான “ தஜ்ஜால்கள் ’ ஏறத்தாழ முப்பது பேர் ( உலகில் ) தோன்றாத வரை இறுதி நாள் வராது . அவர்களுள் ஒவ்வொருவனும் தன்னை ‘ இறைத்தூதர் ’ என்று வாதிடுவான் .

ஜாபிர் பின் ஸமுரா ரளியல்லாஹு அன்ஹு கூறியதாவது : அல்லாஹ்வின் தூதர் ஸல்லல்லாஹு அலைஹி வஸல்லம் , “ யுக முடிவு நாளுக்குமுன் பெரும் பொய்யர்கள் சிலர் வருவார்கள் `` என்று கூறியதை நான் செவியுற்றேன் .

அல்லாஹ்வின் தூதர் ஸல்லல்லாஹு அலைஹி வஸல்லம் கூறியதாக ஸவ்பான் ரளியல்லாஹு அன்ஹு அறிவிப்பதாவது : என் சமுதாயத்தைச் சேர்ந்த சில கோத்திரத்தார் இணைவைப்பாளர்களுடன் போய்ச்சேர்ந்து , சிலைகளை வழிபடாத வரை யுகமுடிவு நாள் வராது . என் சமுதாயத்தாரில் முப்பது பெரும் பொய்யர்கள் தோன்றுவார்கள் . அவர்களுள் ஒவ்வொருவரும் தம்மை ‘ இறைத்தூதர் ’ என்று வாதிடுவர் . ஆனால் . நான்தான் இறைத்தூதர்களுள் இறுதியானவன் ஆவேன் . எனக்குப்பின் எந்த இறைத்தூதரும் வரமாட்டார் .

நபி ஸல்லல்லாஹு அலைஹி வஸல்லம் கூறியதாக அபூஹுரைரா ரளியல்லாஹு அன்ஹு அறிவிப்பதாவது : என் உயிர் எவன் கையிலுள்ளதோ அ( ந்த இறை ) வன்மீது சத்தியமாக ! மக்களுக்கு ஒரு காலம் நிச்சயமாக வரும் . ( அப்போது ) கொலை செய்தவனுக்குத் தான் எதற்காகக் கொன்றோம் என்பது தெரியாது . கொல்லப்பட்டவனுக்குத் தான் எதற்காகக் கொல்லப்பட்டோம் என்பது தெரியாது .

அபூஹுரைரா ரளியல்லாஹு அன்ஹு அறிவிப்பதாவது : அல்லாஹ்வின் தூதர் ஸல்லல்லாஹு அலைஹி வஸல்லம் , “ ஹர்ஜ் பெருகாத வரை யுக முடிவு நாள் வராது `` என்று கூறினார்கள் . மக்கள் , “ ஹர்ஜ் என்றால் என்ன , அல்லாஹ்வின் தூதரே ?`` என்று கேட்டார்கள் . அல்லாஹ்வின் தூதர் ஸல்லல்லாஹு அலைஹி வஸல்லம் , “ கொலை ; கொலை `` என்று பதிலளித்தார்கள் .

அல்லாஹ்வின் தூதர் ஸல்லல்லாஹு அலைஹி வஸல்லம் கூறியதாக அபூஸஈத் , ஜாபிர் பின் அப்தில்லாஹ் ரளியல்லாஹு அன்ஹுமா அறிவிப்பதாவது : இறுதிக் காலத்தில் ஒரு கலீஃபா வருவார் . அவர் செல்வத்தை ( மக்களிடையே ) பங்கிட்டுக் கொடுப்பார் ; எண்ணிக் கணக்குப் பார்க்க மாட்டார் .

அல்லாஹ்வின் தூதர் ஸல்லல்லாஹு அலைஹி வஸல்லம் கூறினார்கள் : இராக் , தனது ( நாணயமான ) திர்ஹமையும் ( அளவையான ) கஃபீஸையும் ( தர ) மறுக்கும் . ஷாம் , ( சிரியா ) தனது ( அளவையான ) " முத்யு`வையும் தீனாரையும் ( தர ) மறுக்கும் . மிஸ்ர் ( எகிப்து ), தனது ( அளவையான ) " இர்தப்பை`யும் தீனாரையும் ( தர ) மறுக்கும் . ஆரம்ப நிலைக்கே நீங்கள் திரும்பிச் செல்வீர்கள் . ஆரம்ப நிலைக்கே நீங்கள் திரும்பிச் செல்வீர்கள் . ஆரம்ப நிலைக்கே நீங்கள் திரும்பிச் செல்வீர்கள் . இதை அறிவித்த அபூஹுரைரா ரளியல்லாஹு அன்ஹு , “ இதற்கு அபூஹுரைராவின் சதையும் இரத்தமும் சாட்சியமளிக்கின்றன `` என்றார்கள் .

நபி ஸல்லல்லாஹு அலைஹி வஸல்லம் கூறியதாக அபூஹுரைரா ரளியல்லாஹு அன்ஹு அறிவிப்பதாவது : கஹ்தான் குலத்திலிருந்து ஒரு மனிதர் மக்களைத் தம் கைத்தடியால் ஓட்டிச் செல்பவராகத் தோன்றாத வரை உலக முடிவு நாள் வராது .

நபி ஸல்லல்லாஹு அலைஹி வஸல்லம் கூறியதாக அபூஹுரைரா ரளியல்லாஹு அன்ஹு அறிவிப்பதாவது : ஒரு மனிதர் மற்றொரு மனிதரின் மண்ணறையை ( கப்ரை ) க் கடந்து செல்லும்போது , ” அந்தோ ! நான் இவரது இடத்தில் ( மண்ணறைக்குள் ) இருக்கக் கூடாதா ?`` என்று ( ஏக்கத்துடன் ) சொல்லும் காலம் வராத வரை மறுமை நாள் வராது .

இப்னு மஸ்ஊத் ரளியல்லாஹு அன்ஹு அறிவிப்பதாவது : மக்களிடம் ஒரு காலம் வரும் . அக்காலத்தில் ஒரு மனிதர் மண்ணறையிடம் வந்து , அதில் படுத்துக்கொண்டு , இன்னாருடைய இடத்தில் நான் இருந்திருக்கக் கூடாதா ? என்று அங்கலாய்ப்பார் . அ( வ்வாறு சொல்வ ) து அல்லாஹ்வைச் சந்திக்க வேண்டுமென்ற பிரியம் காரணமாக இல்லை ; மாறாக அக்காலத்தில் அவர் காணும் கடுமையான சோதனைக்காகவே ( அவ்வாறு சொல்வார் ).

அல்லாஹ்வின் தூதர் ஸல்லல்லாஹு அலைஹி வஸல்லம் கூறியதாக அபூஹுரைரா ரளியல்லாஹு அன்ஹு அறிவிப்பதாவது : நீங்கள் யூதர்களுடன் போர்புரியாத வரை இறுதி நாள் வராது . எந்த அளவிற்கென்றால் கல்லின் பின்னால் யூதன் ஒருவன் ( ஒளிந்து கொண்டு ) இருப்பான் . அந்தக் கல் , “ முஸ்லிமே ! இதோ , என் பின்னே ஒரு யூதன் ( ஒளிந்துகொண்டு ) இருக்கின்றான் . அவனை நீ கொன்றுவிடு `` என்று கூறும் .

அல்லாஹ்வின் தூதர் ஸல்லல்லாஹு அலைஹி வஸல்லம் கூறியதாக அபூஹுரைரா ரளியல்லாஹு அன்ஹு அறிவிப்பதாவது : சிறிய கண்களும் சிவந்த முகங்களும் குட்டையான ( சப்பை ) மூக்குகளும் கொண்ட துருக்கியர்களுடன் நீங்கள் போர் புரியாத வரை இறுதிநாள் ஏற்படாது . அவர்களுடைய முகங்கள் தோலால் மூடப்பட்ட கேடயங்களைப் போன்று இருக்கும் . முடியாலான செருப்புகளை அணிந்திருக்கும் ஒரு சமுதாயத்தினருடன் நீங்கள் போர் புரியாத வரை இறுதி நாள் ஏற்படாது .

உலைய்யு பின் ரபாஹ் ரஹிமஹுல்லாஹ் கூறியதாவது : முஸ்தவ்ரித் பின் ஜத்தாத் அல்குறஷீ ரளியல்லாஹு அன்ஹு , அம்ர் பின் அல்ஆஸ் ரளியல்லாஹு அன்ஹு அவர்களிடம் , “ அல்லாஹ்வின் தூதர் ஸல்லல்லாஹு அலைஹி வஸல்லம் , “ உரோமின் மக்கள் தொகை அதிகமாக இருக்கும்போதே யுக முடிவு ஏற்படும் ` என்று கூறியதை நான் கேட்டுள்ளேன் `` என்றார்கள் . அப்போது அம்ர் பின் அல்ஆஸ் ரளியல்லாஹு அன்ஹு , “ நீர் சொல்வதை யோசித்துக்கொள்ளும் `` என்று கூறினார்கள் . அதற்கு முஸ்தவ்ரித் ரளியல்லாஹு அன்ஹு , " அல்லாஹ்வின் தூதர் ஸல்லல்லாஹு அலைஹி வஸல்லம் அவர்களிடமிருந்து செவியுற்றதையே நான் சொல்கிறேன் `` என்றார்கள் . அம்ர் பின் அல்ஆஸ் ரளியல்லாஹு அன்ஹு , “ நீர் இவ்வாறு கூறுவீராயின் அவர்களிடையே ( உரோமர்களிடையே ) நான்கு குணங்கள் இருக்கும் ( என்பதையும் அறிந்துகொள்க ” என்றார்கள் . ( அவையாவன :) 1. அவர்கள் சோதனையின்போது மக்களிலேயே மிகவும் நிதானத்தைக் கடைப்பிடிப்பவர்கள் ஆவர் . 2. சோதனைக்குப் பின்னர் மிக விரைவாக விழித்துக்கொள்பவர்கள் . 3. ( களத்திலிருந்து ) வெருண்டோடிய பின்னர் மிக விரைவாகத் திரும்பி வருபவர்கள் . 4. ஏழைகள் , அநாதைகள் , நலிந்தோர் ஆகியோருக்கு நல்லுதவிகள் புரிபவர்கள் . ஐந்தாவதாக அவர்களிடம் அழகிய குணம் ஒன்று உண்டு . ஆட்சியாளர்களின் அநீதியிலிருந்து ( மக்களைக் ) காப்பவர்கள் .

அல்லாஹ்வின் தூதர் ஸல்லல்லாஹு அலைஹி வஸல்லம் கூறியதாக அபூஹுரைரா ரளியல்லாஹு அன்ஹு அறிவிப்பதாவது : தவ்ஸ் குலப்பெண்களின் புட்டங்கள் " துல்கலஸா ` கடவுள் சிலையைச் சுற்றி அசையாத வரை மறுமை நாள் வராது . " துல்கலஸா ` என்பது அறியாமைக் காலத்தில் தவ்ஸ் குலத்தார் வழிபட்டுவந்த ஒரு சிலையாகும் .

ஆயிஷா ரளியல்லாஹு அன்ஹா அறிவிப்பதாவது : அல்லாஹ்வின் தூதர் ஸல்லல்லாஹு அலைஹி வஸல்லம் , “( அறியாமைக் கால கடவுள் சிலைகளான ) " லாத்`தும் " உஸ்ஸா`வும் வழிபாடு செய்யப்படாத வரை இரவும் பகலும் ( இல்லாமற் ) போகாது `` என்று கூறியதைச் செவியுற்றேன் . நான் , “ அல்லாஹ்வின் தூதரே ! இணை கற்பிப்போர் வெறுத்தபோதிலும் , எல்லா மார்க்கங்களைவிட மேலோங்கச் செய்வதற்காக நல்வழியுடனும் உண்மை மார்க்கத்துடனும் அவனே தன் தூதரை அனுப்பினான் `` (9:33; 61:9) என அல்லாஹ் அருளியபோது , இந்த மார்க்கம் முழுமையடையும் என்றே நான் எண்ணிக்கொண்டிருந்தேன் . ( ஆனால் , தாங்கள் வேறு விதமாகச் சொல்கிறீர்களே !)`` என்று கூறினேன் . அதற்கு அல்லாஹ்வின் தூதர் ஸல்லல்லாஹு அலைஹி வஸல்லம் , “( உண்மைதான் ) விரைவில் அல்லாஹ் நாடிய அளவு இது நடக்கும் . பிறகு அல்லாஹ் நல்ல காற்று ஒன்றை அனுப்புவான் . அது யாரது உள்ளத்தில் கடுகுமணியளவு இறைநம்பிக்கை ( ஈமான் ) உள்ளதோ அந்த ஒவ்வொருவரையும் கைப்பற்றிக்கொள்ளும் . பிறகு எந்த நன்மையும் இல்லாதவர்களே ( பூமியில் ) எஞ்சியிருப்பர் . அவர்கள் தம் மூதாதையரின் மார்க்கத்திற்குத் திரும்பிச் சென்றுவிடுவர் `` என்று கூறினார்கள் .

அல்லாஹ்வின் தூதர் ஸல்லல்லாஹு அலைஹி வஸல்லம் கூறியதாக அபூஹுரைரா ரளியல்லாஹு அன்ஹு அறிவிப்பதாவது : ( மறுமை நாள் நெருங்கும்போது ) யமன் நாட்டி ( ன் திசையி ) லிருந்து பட்டைவிட மென்மையான ஒரு காற்றை அல்லாஹ் அனுப்புவான் . எவரது உள்ளத்தில் " கடுகளவு ` அல்லது " அணுவளவு ` இறைநம்பிக்கை உள்ளதோ அவ ( ரது உயி ) ரை அது கைப்பற்றிக்கொள்ளும் .

அல்லாஹ்வின் தூதர் ஸல்லல்லாஹு அலைஹி வஸல்லம் கூறியதாக அபூஹுரைரா ரளியல்லாஹு அன்ஹு அறிவிப்பதாவது : ( மேற்காசியாவில் பாயும் ) யூப்ரட்டீஸ் நதியானது தங்கப் புதையல் ஒன்றை வெளிப்படுத்த உள்ளது . அப்போது அங்கிருப்பவர்கள் அதிலிருந்து எதையும் எடுத்துவிட வேண்டாம் .

உபை பின் கஅப் ரளியல்லாஹு அன்ஹு கூறினார்கள் : அல்லாஹ்வின் தூதர் ஸல்லல்லாஹு அலைஹி வஸல்லம் பின்வருமாறு கூறியதை நான் கேட்டுள்ளேன் : யூப்ரடீஸ் நதியானது வற்றி , தங்க மலை ஒன்றை வெளிப்படுத்தப் போகிறது . அதைப் பற்றி மக்கள் கேள்விப்படும்போது , அதை நோக்கிச் செல்வார்கள் . அப்போது அந்த மலை அருகில் இருப்பவர் , “ அதிலிருந்து சிறிதளவை எடுத்துக்கொள்ளட்டும் என மக்களை நாம் விட்டுவிட்டால் , முழுவதுமாகக் கொண்டு போய் விடுவார்கள் `` என்று கூறுவார் . எனவே , அதற்காகச் சண்டையிட்டுக் கொள்வார்கள் . அப்போது ஒவ்வொரு நூறு பேரிலிருந்தும் தொண்ணூற்றொன்பது பேர் கொல்லப்படுவார்கள் .

அல்லாஹ்வின் தூதர் ஸல்லல்லாஹு அலைஹி வஸல்லம் கூறியதாக அபூஹுரைரா ரளியல்லாஹு அன்ஹு அறிவிப்பதாவது : உங்களிடையே செல்வம் பெருகிக் கொழிக்காத வரை மறுமை நாள் ஏற்படாது . எந்தளவுக்கெனில் அந்நாளில் பொருளுடையவர் தமது தர்மத்தை யார்தாம் வாங்கப் போகிறார் என்று கவலை கொள்வார் . மேலும் யாரிடமாவது அதைக் கொடுக்க முனைந்தால் அவர் எனக்குத் தேவையில்லை என்று கூறுவார் .

அல்லாஹ்வின் தூதர் ஸல்லல்லாஹு அலைஹி வஸல்லம் கூறியதாக அபூஹுரைரா ரளியல்லாஹு அன்ஹு அறிவிப்பதாவது : அரபு மண் மேய்ச்சல் நிலங்களாகவும் ( கரை புரண்டோடும் ) வாய்க்கால்களாகவும் மாறாத வரை ( யுகமுடிவு நாள் நிகழாது ). இராக்கிற்கும் மக்காவிற்கும் இடையே பயணிக்கக்கூடிய ஒரு பயணி வழிப்பறிக் கொள்ளையைத் தவிர எதையும் கண்டு அஞ்சமாட்டார் . ஹர்ஜ் அதிகமாகி விடுகிற வரை ( உலக முடிவு நாள் நிகழாது ). “ அல்லாஹ்வின் தூதரே ! ஹர்ஜ் என்றால் என்ன ?” என்று கேட்டனர் . அதற்கு அவர்கள் , “ கொலை ” என்று பதிலளித்தார்கள் .

அல்லாஹ்வின் தூதர் ஸல்லல்லாஹு அலைஹி வஸல்லம் கூறியதாக அபூஹுரைரா ரளியல்லாஹு அன்ஹு அறிவிப்பதாவது : ஹிஷாஸ் பகுதியிலிருந்து ஒரு நெருப்பு கிளம்பி , ( ஷாம் நாட்டின் ) புஸ்ரா ( ஹவ்ரான் ) எனும் ஊரிலுள்ள ஒட்டகங்களின் பிடரிகளைப் பிரகாசிக்கச் செய்யாத வரை மறுமை நாள் வராது .

அப்துல்லாஹ் பின் உமர் ரளியல்லாஹு அன்ஹு அறிவிப்பதாவது : அல்லாஹ்வின் தூதர் ஸல்லல்லாஹு அலைஹி வஸல்லம் ,” யுகமுடிவு நாளுக்கு முன்னால் ` ஹள்ரமவ்த்திலிருந்து , அல்லது ` ஹள்ரமவ்த் கடலின் திசையிலிருந்து ஒரு ( பெரும் ) நெருப்பு கிளம்பி மக்களை ஒன்றுதிரட்டும் ” என்று கூறினார்கள் . மக்கள் , “ அல்லாஹ்வின் தூதரே ! ( அப்போது என்ன செய்ய வேண்டுமென ) எங்களுக்குத் தாங்கள் உத்தரவிடுகின்றீர்கள் ? என்று கேட்டார்கள் . அதற்கு அல்லாஹ்வின் தூதர் ஸல்லல்லாஹு அலைஹி வஸல்லம் , “ ஷாம் ( சிரியா ) நாட்டைப் பற்றிக்கொள்ளுங்கள் ” என்று கூறினார்கள் .

ஆயிஷா ரளியல்லாஹு அன்ஹா கூறியதாவது : “ ஒரு படையினர் கஅபாவின் மீது படையெடுப்பார்கள் ; வெட்ட வெளியான ஒரு பூமியில் அவர்கள் இருக்கும்போது அவர்களில் முதலாமவர் முதல் கடைசி நபர் வரை உயிருடன் பூமிக்குள் புதையுண்டு போவார்கள் !” என நபி ஸல்லல்லாஹு அலைஹி வஸல்லம் கூறினார்கள் . “ அல்லாஹ்வின் தூதரே ! அவர்களுள் முதலாமவர் முதல் கடைசி நபர் வரை எவ்வாறு புதையுண்டு போவார்கள் ? அங்கே அவர்களைச் சேராதவர்களும் இருப்பார்கள் ; கடைவீதிகளும் இருக்குமே !” என நான் கேட்டேன் . அதற்கு நபி ஸல்லல்லாஹு அலைஹி வஸல்லம் , “ அவர்களுள் முதலாமவர் முதல் , கடைசி நபர் வரை புதையுண்டு போகத்தான் செய்வார்கள் ; எனினும் ( அதற்குப் ) பின்னர் அவரவரது எண்ணத்திற்கேற்ப எழுப்பப்படுவார்கள் !” என்றார்கள் .

உம்மு ஸலமா ரளியல்லாஹு அன்ஹா கூறியதாவது : " அல்லாஹ்வின் தூதர் ஸல்லல்லாஹு அலைஹி வஸல்லம் , ஒருவர் இறையில்லம் கஅபா ( எல்லை ) க்குள் அபயம் தேடி வருவார் . அவரை நோக்கிப் படையன்று அனுப்பப்படும் . அப்படையினர் ஒரு சமவெளியில் இருக்கும்போது , பூமிக்குள் புதைந்துபோய்விடுவார்கள் `` என்று சொன்னார்கள் . உடனே நான் , “ அல்லாஹ்வின் தூதரே ! நிர்ப்பந்தமாகப் புறப்பட்டு வந்தவரின் நிலை என்ன ?`` என்று கேட்டேன் . “ அவர்களுடன் சேர்த்து அவரும் புதைந்துபோவார் . எனினும் , மறுமை நாளில் அவரது எண்ணத்திற்கேற்ப அவர் எழுப்பப்படுவார் `` என்று கூறினார்கள் .

அப்துல்லாஹ் பின் மஸ்ஊத் ரளியல்லாஹு அன்ஹு கூறியதாவது : ( ஒரு முறை ) நாங்கள் அல்லாஹ்வின் தூதர் ஸல்லல்லாஹு அலைஹி வஸல்லம் அவர்களுடன் சிறுவர்கள் சிலரைக் கடந்து சென்றோம் . அவர்களிடையே இப்னு ஸய்யாதும் இருந்தான் . ( எங்களைக் கண்டதும் ) சிறுவர்கள் ஓடிவிட்டனர் . இப்னு ஸய்யாத் ( மட்டும் ) அப்படியே உட்கார்ந்து கொண்டான் . அதை அல்லாஹ்வின் தூதர் ஸல்லல்லாஹு அலைஹி வஸல்லம் வெறுத்ததைப் போன்றிருந்தது . ஆகவே , அவனிடம் , “ உன் கரங்கள் மண்ணைத் தழுவட்டும் ! நான் அல்லாஹ்வின் தூதர் என நீ உறுதிமொழி அளிக்கிறாயா ?`` என்று கேட்டார்கள் . அதற்கு அவன் , “ இல்லை ; நான் அல்லாஹ்வின் தூதர் என நீர் சாட்சியமளிக்கிறீரா ?`` என்று கேட்டான் . அப்போது உமர் பின் அல்கத்தாப் ரளியல்லாஹு அன்ஹு அவர்கள் , “ அல்லாஹ்வின் தூதரே ! என்னை விடுங்கள் . நான் அவனைக் கொன்றுவிடுகிறேன் `` என்று கூறினார்கள் . அதற்கு அல்லாஹ்வின் தூதர் ஸல்லல்லாஹு அலைஹி வஸல்லம் , “ நீர் கருதக்கூடிய ஒருவனாக ( தஜ்ஜாலாக ) இவன் இருந்தால் , உம்மால் ஒருபோதும் அவனைக் கொல்ல முடியாது . ( அந்தப் பொறுப்பு கொடுக்கப்பட்டவர் ஈஸா அலைஹிஸ்ஸலாம் அவர்களே )`` என்று சொன்னார்கள் .

அபூஸஈத் அல்குத்ரீ ரளியல்லாஹு அன்ஹு கூறியதாவது : ( ஒரு முறை ) நாங்கள் ஹஜ்ஜுக்கு , அல்லது உம்ராவுக்குச் சென்றோம் . எங்களுடன் இப்னு ஸாயிதும் இருந்தான் . ( வழியில் ) நாங்கள் ஓரிடத்தில் தங்கினோம் . ( ஓய்வெடுப்பதற்காக ) மக்கள் கலைந்து சென்றபின் நானும் இப்னு ஸாயிதும் மட்டுமே எஞ்சியிருந்தோம் . அவனைப் பற்றிச் சொல்லப்படுகிற விஷயங்களால் அவனருகில் இருப்பதை நான் மிகவும் வெறுத்தேன் . அவன் தனது பயணச் சாமான்களைக் கொண்டுவந்து எனது பயணச் சாமான்களுடன் வைத்தான் . அப்போது நான் , “ வெயில் கடுமையாக உள்ளது . அந்த மரத்திற்குக் கீழே நீ உன் பொருட்களை வைத்தால் நன்றாயிருக்குமே `` என்றேன் . அவ்வாறே அவன் செய்தான் . அப்போது ஆட்டு மந்தை ஒன்று வந்தது . உடனே அவன் சென்று , ஒரு பெரிய கோப்பை ( நிறைய பால் ) உடன் என்னிடம் வந்து , " அபூஸயீதே ! பருகுவீராக `` என்றான் . நான் , “ வெயிலும் கடுமையாக உள்ளது . பாலும் சூடாக உள்ளது ” என்று - அவன் கையிலிருந்து வாங்கி அருந்தப் பிடிக்காமல் , அல்லது அவன் கையிலிருந்து வாங்கப் பிடிக்காமல் - சொன்னேன் . அவன் , “ அபூஸயீதே ! நான் ஒரு கயிற்றை எடுத்துவந்து அதை ஒரு மரத்தில் மாட்டித் தற்கொலை செய்து கொள்ளலாமா என்று நினைத்தேன் . என்னைப் பற்றி மக்கள் பேசிக்கொள்கிற செய்திகளே காரணம் . அபூஸயீதே ! யாருக்கு அல்லாஹ்வின் தூதர் ஸல்லல்லாஹு அலைஹி வஸல்லம் கூறிய ஹதீஸ் தெரியாவிட்டாலும் , அன்ஸாரிகளே ! உங்களுக்குத் தெரியாமல் போகாது . ( அபூஸயீதே !) நீங்கள் அல்லாஹ்வின் தூதர் ஸல்லல்லாஹு அலைஹி வஸல்லம் அவர்களின் ஹதீஸ்களை நன்கறிந்தவர்களுள் ஒருவரல்லவா ? அல்லாஹ்வின் தூதர் ஸல்லல்லாஹு அலைஹி வஸல்லம் , ‘ அவன் ( தஜ்ஜால் ) இறைமறுப்பாளன் ` என்று சொல்லவில்லையா ? நானோ ஒரு முஸ்லிமாக இருக்கிறேன் . அல்லாஹ்வின் தூதர் ஸல்லல்லாஹு அலைஹி வஸல்லம் , " அவன் ( தஜ்ஜால் ) குழந்தை பாக்கியமற்ற மலடன் ` என்று கூறவில்லையா ? நானோ என் குழந்தையை மதீனாவில் விட்டுவந்துள்ளேன் . அல்லாஹ்வின் தூதர் ஸல்லல்லாஹு அலைஹி வஸல்லம் , " அவன் மதீனாவுக்குள்ளும் மக்காவுக்குள்ளும் நுழைய முடியாது ` என்று கூறவில்லையா ? நானோ , மதீனாவிலிருந்து மக்காவை நாடி வந்துகொண்டிருக்கிறேன் `` என்று சொன்னான் . இதையெல்லாம் கேட்டு அவனை மன்னிக்கும் அளவுக்கு நான் போய்விட்டேன் . பிறகு அவன் , “ அறிந்துகொள்க : அல்லாஹ்வின் மீதாணையாக ! தஜ்ஜாலை நான் அறிவேன் . அவனது பிறப்பையும் , இப்போது அவன் எங்கே இருக்கிறான் என்பதையும் நான் அறிவேன் `` என்றான் . அப்போது நான் “ காலமெல்லாம் உனக்கு நாசமுண்டாகட்டும் `` என்று கூறி ( ச் சபித்து ) விட்டேன் .

நாஃபிஉ பின் உத்பா பின் அபீவக்காஸ் ரளியல்லாஹு அன்ஹு கூறியதாவது : நாங்கள் ஒரு போரில் அல்லாஹ்வின் தூதர் ஸல்லல்லாஹு அலைஹி வஸல்லம் அவர்களுடன் இருந்தோம் . அப்போது கம்பளியாடை அணிந்த ஒரு கூட்டத்தார் மேற்கிலிருந்து வந்து ஒரு குன்றின் அருகில் அல்லாஹ்வின் தூதர் ஸல்லல்லாஹு அலைஹி வஸல்லம் அவர்களைச் சந்தித்தார்கள் . அப்போது அல்லாஹ்வின் தூதர் ஸல்லல்லாஹு அலைஹி வஸல்லம் அமர்ந்து கொண்டிருந்தார்கள் . அக்கூட்டத்தார் ( அல்லாஹ்வின் தூதர் அவர்களுக்கு அருகில் ) நின்று கொண்டிருந்தார்கள் . அப்போது என் மனம் , “ நீ சென்று அவர்களுக்கும் அல்லாஹ்வின் தூதருக்குமிடையே நின்றுகொள் . அல்லாஹ்வின் தூதரை அவர்கள் திடீரெனத் தாக்கிவிட வேண்டாம் `` என்று சொன்னது . பிறகு நான் , “ அவர்களுடன் அல்லாஹ்வின் தூதர் ஸல்லல்லாஹு அலைஹி வஸல்லம் ஏதேனும் இரகசியம் பேசிக் கொண்டிருக்கலாம் `` என்று நினைத்தேன் . பிறகு அவர்களிடம் வந்து அவர்களுக்கும் அல்லாஹ்வின் தூதர் ஸல்லல்லாஹு அலைஹி வஸல்லம் அவர்களுக்கும் நடுவில் நின்றுகொண்டேன் . அப்போது என் கைவிரல்களில் எண்ணியபடி அல்லாஹ்வின் தூதர் ஸல்லல்லாஹு அலைஹி வஸல்லம் அவர்களிடமிருந்து நான்கு விஷயங்களை மனனமிட்டேன் . 1. நீங்கள் அரபுத் தீபகற்பம் முழுவதையும் போரிட்டு வெற்றி காணும் நிலையை அல்லாஹ் ஏற்படுத்துவான் . 2. பிறகு பாரசீகர்களை வெற்றி கொள்ளும் நிலையை அல்லாஹ் ஏற்படுத்துவான் . 3. பிறகு உரோம ( பைஸாந்திய ) ர்களுடன் போரிட்டு வெற்றி கொள்ளும் நிலையை அல்லாஹ் ஏற்படுத்துவான் . 4. பிறகு நீங்கள் ( மகா குழப்பவாதியான ) தஜ்ஜாலுடன் போரிட்டு அவனையும் வெற்றி கொள்ளும் நிலையை அல்லாஹ் ஏற்படுத்துவான் . நாஃபிஉ பின் உத்பா ரளியல்லாஹு அன்ஹு கூறியதாவது : ஜாபிரே ! உரோம ( பைஸாந்திய ) ர்களுடன் போரிட்டு வெற்றி கொள்ளும் வரை தஜ்ஜால் வெளியேறி வருவதை நாம் காண மாட்டோம் .

அப்துல்லாஹ் பின் உமர் ரளியல்லாஹு அன்ஹு கூறியதாவது : அல்லாஹ்வின் தூதர் ஸல்லல்லாஹு அலைஹி வஸல்லம் மக்களிடையே எழுந்து நின்று அல்லாஹ்வை அவனுக்குத் தகுதியுள்ள பண்புகளைக் கொண்டு புகழ்ந்த பிறகு தஜ்ஜாலைப் பற்றிக் கூறினார்கள் . அப்போது , “ நான் உங்களை அவனைக் குறித்து எச்சரிக்கின்றேன் . எந்த இறைத்தூதரும் அவனைக் குறித்து தம் சமூகத்தாரை எச்சரிக்காமலிருந்ததில்லை . நூஹ் அவர்கள் தம் சமூகத்தாருக்கு ( அவனைக் குறித்து ) எச்சரித்திருக்கிறார்கள் . ஆனால் , நான் அவனைப் பற்றி ( இதுவரை ) எந்த இறைத்தூதரும் தம் சமூகத்தாருக்குக் கூறாத ஓர் அடையாளத்தை உங்களுக்குச் சொல்கிறேன் . அவன் ஒற்றைக் கண்ணன் . ஆனால் , அல்லாஹ் ஒற்றைக் கண்ணன் அல்லன் என்பதை நீங்கள் அறிந்து கொள்ள வேண்டும் `` என்று சொன்னார்கள் .

ரிப்யீ பின் ஹிராஷ் ரஹிமஹுல்லாஹ் கூறியதாவது : உக்பா பின் ஆமிர் ரளியல்லாஹு அன்ஹு ஹுதைஃபா ரளியல்லாஹு அன்ஹு அவர்களிடம் , “ அல்லாஹ்வின் தூதர் ஸல்லல்லாஹு அலைஹி வஸல்லம் அவர்களிடமிருந்து நீங்கள் கேட்டதை எங்களுக்கு அறிவிக்கமாட்டீர்களா ?`` என்று கேட்டார் . ஹுதைஃபா ரளியல்லாஹு அன்ஹு , “ தஜ்ஜால் வெளியே வரும்போது அவனுடன் தண்ணீரும் நெருப்பும் இருக்கும் . மக்கள் எதை " இது நெருப்பு ` என்று கருதுகின்றார்களோ அது ( உண்மையில் ) குளிர்ந்த நீராக இருக்கும் . மக்கள் எதை " இது குளிர்ந்த நீர் ` என்று கருதுகின்றார்களோ , அது ( உண்மையில் ) எரித்துக் கரித்துவிடும் நெருப்பாக இருக்கும் . அவனை உங்களுள் எவர் சந்திக்கின்றாரோ அவர் , தாம் நெருப்பாகக் கருதுவதில் விழட்டும் . ஏனெனில் , அது குளிர்ந்த சுவையான நீராகும் ’ என்று நபி ஸல்லல்லாஹு அலைஹி வஸல்லம் கூற நான் கேட்டிருக்கின்றேன் `` எனச் சொன்னார்கள் .

நவ்வாஸ் பின் சம்ஆன் ரளியல்லாஹு அன்ஹு கூறியதாவது : ஒரு நாள் காலையில் அல்லாஹ்வின் தூதர் ஸல்லல்லாஹு அலைஹி வஸல்லம் தஜ்ஜாலைப் பற்றிக் குறிப்பிட்டார்கள் . அவன் தொடர்பாக ( ப் பேசியபோது ) அவர்கள் ( சில சமயம் குரலைத் ) தாழ்த்தவும் , ( சில சமயம் ) உயர்த்தவும் செய்தார்கள் . இறுதியில் அவன் , ( அருகிலுள்ள ) பேரீச்ச மரத் தோப்புகளுக்கிடையே இருக்கிறானோ என்று நாங்கள் எண்ணும் அளவுக்குப் பேசினார்கள் . பின்னர் நாங்கள் ( மறுபடியும் ) மாலைப் பொழுதில் நபியவர்களிடம் வந்தோம் . அப்போது தஜ்ஜாலைக் குறித்த அச்சம் எங்கள் முகங்களில் இருப்பதை அவர்கள் அறிந்துகொண்டு , “ உங்களுக்கு என்ன நேர்ந்தது ?`` என்று கேட்டார்கள் . நாங்கள் , “ அல்லாஹ்வின் தூதரே ! தாங்கள் ( இன்று ) காலையில் தஜ்ஜாலைப் பற்றிக் குறிப்பிட்டீர்கள் . ( அப்போது ) அவனைப் பற்றி ( க் குரலை ) த் தாழ்த்தியும் உயர்த்தியும் பேசினீர்கள் . இறுதியில் அவன் , ( அருகிலுள்ள ) பேரீச்ச மரத் தோப்புகளுக்கிடையே இருக்கிறானோ என்று நாங்கள் எண்ணும் அளவுக்குப் பேசினீர்கள் ( அதுதான் எங்கள் அச்சத்திற்குக் காரணம் )`` என்று கூறினோம் . அப்போது நபியவர்கள் , “ நான் உங்கள் விஷயத்தில் பெரிதும் அஞ்சுவது தஜ்ஜாலைக் குறித்து அல்ல ; நான் உங்களிடையே ( உயிருடன் ) இருக்கும்போது அவன் தோன்றினால் அவனிடமிருந்து உங்களைக் காக்க நானே வாதாடுவேன் . நான் உங்களிடையே இல்லாத போது அவன் வெளிப்பட்டால் , அப்போது ஒவ்வொரு ( முஸ்லிமான ) மனிதரும் தமக்காக வாதாடிக்கொள்ள வேண்டும் ; அல்லாஹ் ஒவ்வொரு முஸ்லிமுக்கும் எனது சார்பில் பொறுப்பாளனாக இருப்பான் . தஜ்ஜால் சுருள்முடி கொண்ட ஓர் இளைஞன் ஆவான் ; அவனது கண் ஒரே குலையில் துருத்திக் கொண்டிருக்கும் திராட்சை போன்றிருக்கும் . உருவத்தில் அவன் அப்துல் உஸ்ஸா பின் கத்தன் என்பவனை ஒத்திருப்பான் . உங்களில் யார் அவனை அடைகிறாரோ அவர் அவனுக்கெதிராக " அல்கஹ்ஃப் ` அத்தியாயத்தின் (18) ஆரம்ப வசனங்களை ஓதிக்கொள்ளட்டும் . அவன் சிரியாவுக்கும் இராக்குக்கும் இடையே உள்ள ஒரு பகுதியிலிருந்து புறப்பட்டு வந்து , வலப்பக்கத்திலும் இடப்பக்கத்திலும் அக்கிரமங்களைக் கட்டவிழ்த்துவிடுவான் ; அல்லாஹ்வின் அடியார்களே ! அப்போது நீங்கள் உறுதியோடு இருங்கள் `` என்றார்கள் . நாங்கள் , “ அல்லாஹ்வின் தூதரே ! அவன் பூமியில் எத்தனை நாட்கள் தங்கியிருப்பான் ?`` என்று கேட்டோம் . அதற்கு , " நாற்பது நாட்கள் ` என்று பதிலளித்த நபியவர்கள் , “ அன்றைய ஒரு நாள் ஓர் ஆண்டைப் போன்றும் , மறுநாள் ஒரு மாதத்தைப் போன்றும் , அதற்கு அடுத்த நாள் ஒரு வாரத்தைப் போன்றும் , மற்ற நாட்கள் உங்களின் ( சாதாரண ) நாட்களைப் போன்றும் இருக்கும் `` என்று குறிப்பிட்டார்கள் . நாங்கள் , “ அல்லாஹ்வின் தூதரே ! ஓர் ஆண்டிற்குச் சமமாக இருக்கும் அந்த ஒரு நாளில் , வழக்கமாகத் தொழும் ( ஐவேளைத் ) தொழுகைகளைத் தொழுதால் போதுமா ?`` என்று கேட்டோம் . அதற்கு நபியவர்கள் ,” இல்லை ( போதாது ); அந்த ( நீண்ட ) நாளை , அதற்கேற்ப மதிப்பிட்டு ( த் தொழுது ) கொள்ளுங்கள் `` என்று பதிலளித்தார்கள் . நாங்கள் , “ அல்லாஹ்வின் தூதரே ! பூமியில் அவன் ( சுற்றித் திரியும் ) வேகம் எப்படி இருக்கும் ?`` என்று கேட்டோம் . அதற்கு நபியவர்கள் , “ பின்னாலிருந்து காற்று விரட்டிச் செல்லும் மேகம் போன்று ( அவன் வேகமாக பூமியைச் சுற்றிவருவான் )`` என்றார்கள் . மேலும் , நபியவர்கள் கூறினார்கள் : அவன் ஒரு சமுதாயத்தாரிடம் வந்து ( தன்னை இறைவன் என்று ஏற்றுக்கொள்ளுமாறு ) அவர்களுக்கு அழைப்பு விடுப்பான் . அவர்களும் அவன்மீது நம்பிக்கை கொண்டு அவனது அழைப்புக்குப் பதிலளிப்பார்கள் . உடனே வானத்திற்கு ( மழை பொழியுமாறு ) அவன் கட்டளையிட , மழை பொழியும் . பூமிக்கு ( த் தாவரங்களை முளைக்கச் செய்யுமாறு ) கட்டளையிட , அது முளையவைக்கும் . ( அவற்றை மேய்ந்து ) அவர்களின் கால்நடைகள் ஏற்கெனவே இருந்ததைவிட நீண்ட திமில்களைக் கொண்டவையாகவும் மடி கனத்தவையாகவும் வயிறு நிரம்பியவையாகவும் மாலையில் ( வீடு ) திரும்பும் . பின்னர் , அவன் மற்றொரு சமுதாயத்தாரிடம் வந்து , ( தன்னை இறைவன் என்று ஏற்றுக்கொள்ளுமாறு ) அவர்களுக்கும் அழைப்பு விடுப்பான் . ஆனால் , அவனது அழைப்பை அவர்கள் நிராகரித்து விடுவார்கள் . அவர்களிடமிருந்து அவன் திரும்பிச் சென்றுவிடுவான் . அதனால் , அவர்கள் பஞ்சத்தாலும் வறட்சியாலும் பாதிக்கப்பட்டவர்களாகக் காலைப் பொழுதை அடைவார்கள் . அவர்களின் கைகளில் அவர்களின் செல்வம் ஏதும் ( எஞ்சி ) இராது . அவன் பாழடைந்த இடமொன்றைக் கடந்து செல்வான் . அதைப் பார்த்து , “ உன்னிடம் இருக்கின்ற புதையல்களை வெளிப்படுத்து `` என்று கூறுவான் . அப்போது ( வெளிப்படும் ) அந்தப் புதையல்கள் , இராணித் தேனீக்களை ( பின்பற்றிச் செல்லும் தேனீக்களை ) ப் போன்று அவனைப் பின்தொடர்ந்து செல்லும் . பின்னர் , அவன் வாட்டசாட்டமான இளைஞர் ஒருவரை அழைத்து , அவரை வாளால் வெட்டி இரு துண்டுகளாக்கி , அம்பெய்யும் தூரத்திற்கு இடைவெளி விட்டு ( அவ்விரண்டையும் ) போடுவான் . பின்னர் அந்தச் சடலத்தை அழைப்பான் . உடனே அந்த இளைஞர் முகம் ஒளிர சிரித்துக்கொண்டே எழுந்து வருவார் . இதற்கிடையே , மர்யமின் மைந்தர் ஈஸா அலைஹிஸ்ஸலாம் அவர்களை அல்லாஹ் ( பூமிக்கு ) அனுப்பி வைப்பான் . அவர் ( சிரியாவின் தலைநகர் ) " திமஷ்க் ` ( டமாஸ்கஸ் ) நகரின் கிழக்குப் பகுதியிலுள்ள வெள்ளைக் கோபுரத்திற்கு அருகில் இரு வானவர்களின் இறக்கைகள்மீது தம் கைகளை வைத்தவாறு இறங்குவார் . அப்போது அவர் குங்குமப்பூ நிறத்தில் இரண்டு ஆடைகளை அணிந்திருப்பார் . அவர் தமது தலையைத் தாழ்த்தினால் நீர்த்துளி சொட்டும் ; தலையை உயர்த்தினாலோ வெண் முத்தைப் போன்று நீர்த்துளி வழியும் . அவரது மூச்சுக் காற்றைச் சுவாசிக்கும் ( அதாவது அவரை நெருங்கும் ) எந்தவோர் இறைமறுப்பாளனும் சாகாமல் இருக்கமாட்டான் . அவர் விடும் மூச்சானது அவரது பார்வை எட்டும் தூரம்வரை செல்லும் . பின்னர் ஈஸா அலைஹிஸ்ஸலாம் தஜ்ஜாலைத் தேடிச் செல்வார்கள் . இறுதியில் , ( பாலஸ்தீனத்திலுள்ள ) " லுத் ` எனும் நகரத்தின் தலை வாயிலருகே அவனைக் கண்டு , அவனைக் கொன்றொழிப்பார்கள் . பின்னர் தஜ்ஜாலிடமிருந்து அல்லாஹ் காப்பாற்றிய ஒரு சமுதாயத்தார் மர்யமின் மைந்தர் ஈஸா அலைஹிஸ்ஸலாம் அவர்களிடம் வருவார்கள் . அவர்களின் முகங்களை ( ப் பரிவோடு ) அவர் தடவிக் கொடுத்துச் சொர்க்கத்தில் அவர்களுக்குக் கிடைக்கவிருக்கும் படித்தரங்கள் குறித்து அவர்களுக்குத் தெரிவிப்பார் . இதற்கிடையே , ஈஸா அலைஹிஸ்ஸலாம் அவர்களுக்கு அல்லாஹ் , “ நான் என் அடியார்கள் சிலரை வெளிவரச் செய்துள்ளேன் . அவர்களுடன் போரிட யாருக்கும் ஆற்றல் கிடையாது . எனவே , ( முஸ்லிமான ) என் அடியார்களை ( சினாயிலுள்ள ) " தூர் ` மலைக்கு அழைத்துச் சென்று பாதுகாப்பாக வையுங்கள் `` என்று ( வஹீ ) அறிவிப்பான் . பின்னர் , அல்லாஹ் " யஃஜூஜ் ` " மஃஜூஜ் ` கூட்டத்தாரை அனுப்புவான் . அவர்கள் ஒவ்வோர் உயரமான பகுதியிலிருந்தும் வேகமாக ( க் கீழே இறங்கி ) வருவார்கள் . அவர்களில் முதல் அணியினர் ( ஜோர்தானில் உள்ள ) " தபரிய்யா ` ஏரியைக் கடந்து செல்லும்போது , அதிலுள்ள மொத்த நீரையும் குடித்துவிடுவார்கள் . அவர்களின் இறுதி அணியினர் அதைக் கடந்து செல்லும்போது . “ முன்னொரு காலத்தில் இந்த ஏரியில் தண்ணீர் இருந்திருக்கும் `` என்று பேசிக்கொள்வார்கள் . பின்னர் இறைத்தூதர் ஈஸா அலைஹிஸ்ஸலாம் அவர்களும் அவர்களுடன் இருப்போரும் (" தூர் ` மலையில் ) முற்றுகையிடப்படுவார்கள் . அப்போது ( ஏற்படும் பட்டினியால் ) அவர்களில் ஒருவருக்குக் காளை மாட்டின் தலை கிடைப்பது , இன்று உங்களில் ஒருவருக்கு நூறு பொற்காசுகள் கிடைப்பதைவிடச் சிறந்ததாக இருக்கும் . பின்னர் இறைத்தூதர் ஈஸா அலைஹிஸ்ஸலாம் அவர்களும் அவர்களுடன் இருப்போரும் ( அல்லாஹ்விடம் உதவி கேட்டுப் ) பணிந்து வேண்டுவார்கள் . அப்போது யஃஜூஜ் , மஃஜூஜ் கூட்டத்தாரின் பிடரிகளில் புழுக்களை அல்லாஹ் அனுப்புவான் . அதனால் அவர்கள் அனைவரும் ஒரே நேரத்தில் பலியாவார்கள் . பின்னர் இறைத்தூதர் ஈஸா அலைஹிஸ்ஸலாம் அவர்களும் அவர்களுடன் இருப்போரும் ( மலையிலிருந்து ) தரைக்கு இறங்கி வருவார்கள் . அப்போது பூமியின் எந்தவொரு சாண் அளவு இடமும் , யஃஜூஜ் , மஃஜூஜ் கூட்டத்தாரின் ( சடலங்களிலிருந்து வெளிவரும் ) கொழுப்பாலும் துர்நாற்றத்தாலும் நிரம்பியிருப்பதையே காண்பார்கள் . உடனே இறைத்தூதர் ஈஸா அலைஹிஸ்ஸலாம் அவர்களும் அவர்களுடன் இருப்போரும் அல்லாஹ்விடம் ( அவற்றை அகற்றக் கோரிப் ) பணிந்து வேண்டுவார்கள் . அப்போது அல்லாஹ் ஒட்டகங்களின் கழுத்துகளைப் போன்று ( பெரியதாக உள்ள ) பறவைகளை அனுப்புவான் . அவை அந்தப் பிணங்களைத் தூக்கிச் சென்று அல்லாஹ் நாடிய இடத்தில் வீசியெறியும் . பின்னர் அல்லாஹ் மழை பொழியச் செய்வான் . அந்த மழை எந்த மண் வீட்டிலும் , எந்த முடி வீட்டிலும் படாமல் இருக்காது . இறுதியில் , பூமியைக் கழுவி , கண்ணாடி போன்று ( சுத்தமாக ) ஆக்கி விடும் . பின்னர் பூமிக்கு , " நீ உன் கனி வர்க்கங்களை முளைக்கச் செய்வாயாக ; உன்னிடமுள்ள வளங்களை மறுபடியும் தருவாயாக `` என்று உத்தரவு பிறப்பிக்கப்படும் . அன்றைய நாளில் ( எந்த அளவுக்கு வளம் கொழிக்குமெனில் ), ஒரு குழுவினர் சேர்ந்து ஒரேயரு மாதுளம் பழத்தை உண்பர் . அதன் தொலி அவர்கள் அனைவருக்கும் நிழல் அளிக்கும் . அவர்களுக்குப் பால் வளமும் கிட்டும் . எந்த அளவுக்கென்றால் , பால் தரும் ஓர் ஒட்டகம் ஒரு பெரும் கூட்டத்துக்கே போதுமானதாயிருக்கும் . பால் தரும் பசுவொன்று ஒரு குலத்தாருக்கே போதுமானதாயிருக்கும் . பால் தரும் ஆடொன்று உறவினர்கள் அடங்கிய ஒரு கூட்டத்திற்கே போதுமானதாயிருக்கும் . இந்நிலையில் , அல்லாஹ் தூய காற்று ஒன்றை அனுப்புவான் . அது அவர்களின் அக்குள்களுக்குக் கீழே நுழைந்து அவர்களைப் பிடித்துக்கொள்ளும் . இறைநம்பிக்கை கொண்ட ஒவ்வொரு முஸ்லிமின் உயிரையும் அது கைப்பற்றும் . அதையடுத்து மக்களில் தீயவர்கள் ( மட்டுமே பூமியில் ) எஞ்சியிருப்பார்கள் . அவர்கள் கழுதைகளைப் போன்று ( வெட்ட வெளியில் வைத்துப் பகிரங்கமாக ) உடலுறவு கொள்வார்கள் . அவர்கள்மீதுதான் உலக முடிவு நாள் ஏற்படும் .

ஆமிர் பின் ஷராஹீல் அஷ்ஷஅபீ ரஹிமஹுல்லாஹ் கூறியதாவது : நான் ளஹ்ஹாக் பின் கைஸ் ரளியல்லாஹு அன்ஹு அவர்களின் சகோதரியும் , முந்திய முஹாஜிர்களுள் ஒருவருமான ஃபாத்திமா பின்த் கைஸ் ரளியல்லாஹு அன்ஹா அவர்களிடம் , " நீங்கள் அல்லாஹ்வின் தூதர் ஸல்லல்லாஹு அலைஹி வஸல்லம் அவர்களிடமிருந்து செவியுற்ற ஹதீஸ் ஒன்றை எனக்கு அறிவியுங்கள் . அது ( நேரடியாக ) நீங்கள் அல்லாஹ்வின் தூதரிடமிருந்து கேட்டதாக இருக்க வேண்டும் . பிறர் மூலம் கேட்டதாக இருக்க வேண்டாம் `` என்று கேட்டேன் . அப்போது ஃபாத்திமா பின்த் கைஸ் ரளியல்லாஹு அன்ஹா , “ நீங்கள் விரும்பினால் நிச்சயமாக அவ்வாறே செய்கிறேன் `` என்றார்கள் . நான் “ ஆம் ( அவ்வாறு தான் நான் விரும்புகிறேன் ); எனக்கு ஹதீஸ் அறிவியுங்கள் `` என்றேன் . ஃபாத்திமா பின்த் கைஸ் ரளியல்லாஹு அன்ஹா கூறினார்கள் : நான் அன்றைய குறைஷி இளைஞர்களில் சிறந்தவர்களுள் ஒருவரான முஃகீராவின் புதல்வருக்கு வாழ்க்கைப்பட்டிருந்தேன் . அவர் அல்லாஹ்வின் தூதர் ஸல்லல்லாஹு அலைஹி வஸல்லம் செய்த முதல் போரில் காயப்படுத்தப்பட்ட ( வர் ஆவா ) ர் . ( அவர் என்னை மணவிலக்குச் செய்து ) நான் விதவையாயிருந்த போது , என்னை அல்லாஹ்வின் தூதர் ஸல்லல்லாஹு அலைஹி வஸல்லம் அவர்களின் தோழர்களில் ஒரு குழுவினர் பெண் கேட்டார்கள் . அவர்களுள் அப்துர் ரஹ்மான் பின் அவ்ஃப் ரளியல்லாஹு அன்ஹு அவர்களும் ஒருவராவார் . அல்லாஹ்வின் தூதர் ஸல்லல்லாஹு அலைஹி வஸல்லம் அவர்களும் தம்மால் விடுதலை செய்யப்பட்ட அடிமையின் புதல்வரான உஸாமா பின் ஸைத் அவர்களுக்காக என்னைப் பெண் கேட்டார்கள் . அல்லாஹ்வின் தூதர் ஸல்லல்லாஹு அலைஹி வஸல்லம் , “ என்னை நேசிப்பவர் , உஸாமாவையும் நேசிக்கட்டும் `` என்று கூறிய செய்தியை நான் அறிந்திருந்தேன் . அல்லாஹ்வின் தூதர் ஸல்லல்லாஹு அலைஹி வஸல்லம் என்னிடம் பேசியபோது , “ என் காரியம் உங்கள் கையில் உள்ளது . நீங்கள் நாடியவருக்கு என்னை மணமுடித்து வையுங்கள் `` என்று கூறினேன் . அல்லாஹ்வின் தூதர் ஸல்லல்லாஹு அலைஹி வஸல்லம் , “ நீ உம்மு ஷரீக்கின் இல்லத்துக்குச் சென்று தங்கி இரு `` என்று சொன்னார்கள் - உம்மு ஷரீக் ரளியல்லாஹு அன்ஹா அன்ஸாரிகளில் வசதி படைத்த பெண்மணியாகவும் அல்லாஹ்வின் பாதையில் பெருமளவில் செலவு செய்யக்கூடியவராகவும் இருந்தார் . அவரது இல்லத்தில் விருந்தாளிகள் தங்குவார்கள் .- “ அவ்வாறே செய்கிறேன் `` என்று நான் கூறினேன் . பிறகு அல்லாஹ்வின் தூதர் ஸல்லல்லாஹு அலைஹி வஸல்லம் , “( வேண்டாம் ;) அப்படிச் செய்யாதே ! உம்மு ஷரீக் ஏராளமான விருந்தாளிகளை உபசரிக்கும் ஒரு பெண்மணி ஆவார் . உன் முகத்திரையோ உன் கணைக்காலிலிருந்து ஆடையோ விலகியிருக்க , நீ விரும்பாத சிலவற்றை மக்கள் பார்க்கும் நிலை ஏற்படுவதை நான் விரும்பவில்லை . எனவே , நீ உன் தந்தையின் சகோதரரான ( அம்ர் - உம்மு மக்தூம் தம்பதியரின் புதல்வரான ) அப்துல்லாஹ் பின் அம்ர் பின் உம்மி மக்தூம் அவர்களின் இல்லத்துக்குச் சென்று தங்கியிரு `` என்று கூறினார்கள் . ( அப்துல்லாஹ் பின் அம்ர் பின் உம்மி மக்தூம் குறைஷிக் குலத்திலுள்ள பனூ ஃபிஹ்ர் கிளையைச் சேர்ந்தவர் ஆவார் . அந்தக் குடும்பத்தில் ஒருவராக ஃபாத்திமா பின்த் கைஸ் இருந்தார் .) அவ்வாறே நான் அவரது இல்லத்திற்குச் சென்று தங்கினேன் . என் காத்திருப்புக் காலம் (" இத்தா `) முடிந்தபோது அல்லாஹ்வின் தூதர் ஸல்லல்லாஹு அலைஹி வஸல்லம் அவர்களின் பொது அறிவிப்பாளர்களுள் ஒருவர் , “ கூட்டுத் தொழுகைக்கு வாருங்கள் `` என்று அறிவிப்புச் செய்வதை நான் செவியுற்றேன் . ஆகவே , நான் பள்ளிவாசலுக்குச் சென்றேன் . அல்லாஹ்வின் தூதர் ஸல்லல்லாஹு அலைஹி வஸல்லம் அவர்களுடன் தொழுகையை நிறைவேற்றினேன் . அப்போது நான் ஆண்களின் தொழுகை வரிசைக்குப் பின்னால் உள்ள பெண்களின் தொழுகை வரிசையில் இருந்தேன் . அல்லாஹ்வின் தூதர் ஸல்லல்லாஹு அலைஹி வஸல்லம் தொழுகையை முடித்துச் சொற்பொழிவு மேடை ( மிம்பர் ) மீது சிரித்தபடியே அமர்ந்தார்கள் . “ ஒவ்வொருவரும் தாம் தொழுத இடத்தில் அப்படியே இருங்கள் `` என்று கூறினார்கள் . பிறகு , “ நான் உங்களை ஏன் ஒன்று கூட்டினேன் என்று உங்களுக்குத் தெரியுமா ?`` எனக் கேட்டார்கள் . மக்கள் , “ அல்லாஹ்வும் அவனுடைய தூதருமே நன்கறிந்தவர்கள் `` என்று பதிலளித்தார்கள் . அல்லாஹ்வின் தூதர் ஸல்லல்லாஹு அலைஹி வஸல்லம் கூறினார்கள் : அல்லாஹ்வின் மீதாணையாக ! உங்களுக்கு ஆர்வமூட்டுவதற்கோ அச்சுறுத்துவதற்கோ நான் உங்களை ஒன்றுகூட்டவில்லை . மாறாக , ( மற்றொரு தகவலைச் சொல்வதற்காகவே ) உங்களை ஒன்று கூட்டினேன் . கிறிஸ்தவ மதத்தைச் சேர்ந்த தமீமுத் தாரீ எனும் ஒரு மனிதர் ( என்னிடம் ) வந்து வாக்குறுதிப் பிரமாணம் அளித்து இஸ்லாத்தை ஏற்றுக்கொண்டார் . அவர் என்னிடம் ஒரு செய்தியைச் சொன்னார் . அது ( பெருங்குழப்பவாதியான ) மஸீஹுத் தஜ்ஜால் குறித்து நான் உங்களிடம் தெரிவித்திருந்த செய்திக்கு ஒத்திருந்தது . அவர் என்னிடம் கூறினார் : நான் " லக்ம் `, " ஜுதாம் ` ஆகிய குலங்களைச் சேர்ந்த முப்பது பேருடன் ஒரு கப்பலில் கடல் பயணம் மேற்கொண்டேன் . அப்போது கடல் அலை ஒரு மாத காலம் எங்களைக் கடலில் அலைக்கழித்துவிட்டது . பிறகு நாங்கள் கடலில் சூரியன் அஸ்தமிக்கும் ( மேற்குத் ) திசையில் ஒரு தீவில் ஒதுங்கினோம் . பிறகு நாங்கள் சிறிய மரக்கலம் ஒன்றில் அமர்ந்து அங்கிருந்த தீவுக்குள் சென்றோம் . அங்கு ( உடல் முழுவதும் அடர்ந்த ) முடிகள் நிறைந்த ஒரு பிராணி எங்களைச் சந்தித்தது . அதன் முன்பகுதி எது , பின்பகுதி எது என்றே எங்களால் அறிய முடியவில்லை . ( உடல் முழுவதும் ) முடிகள் நிறைந்திருந்ததே அதற்குக் காரணம் . அப்போது நாங்கள் , “ உனக்குக் கேடுதான் . நீ யார் ?`` என்று கேட்டோம் . அதற்கு அந்தப் பிராணி “ நான் தான் ஜஸ்ஸாஸா `` என்று சொன்னது . “ ஜஸ்ஸாஸா என்றால் என்ன ?`` என்று நாங்கள் கேட்டோம் . அதற்கு அந்தப் பிராணி , “ கூட்டத்தாரே ! இந்த மண்டபத்திற்கு உள்ளே இருக்கும் மனிதரை நோக்கிச் செல்லுங்கள் . அவர் உங்களைப் பற்றிய செய்தி அறிய ஆவலாக உள்ளார் `` என்று சொன்னது . அந்தப் பிராணி ஒரு மனிதனைப் பற்றிக் குறிப்பிட்டதைக் கேட்டு அது ஷைத்தானாக இருக்குமோ என்று நாங்கள் பயந்துவிட்டோம் . உடனே நாங்கள் அந்த மனிதனை நோக்கி விரைந்து நடந்தோம் . நாங்கள் அந்த மண்டபத்தைச் சென்றடைந்தோம் . அங்கு மாபெரும் உருவமுடைய மனிதன் ஒருவன் இருந்தான் . அவனைப் போன்ற ஒரு படைப்பை நாங்கள் ஒருபோதும் கண்டதில்லை . அவன் சங்கிலியால் பிணைக்கப்பட்டிருந்தான் . அவனுடைய கைகள் அவனது தோளோடு சேர்த்து வைத்து இறுகக் கட்டப்பட்டிருந்தன . அவனுடைய முழங்கால்கள் கணுக்கால்களோடு சேர்த்துச் சங்கிலியால் பிணைக்கப்பட்டிருந்தன . அவனிடம் நாங்கள் , “ உனக்குக் கேடுதான் . நீ யார் ?`` என்று கேட்டோம் . " என்னைப் பற்றிய தகவலை நிச்சயம் நீங்கள் அறிந்து கொள்வீர்கள் . ( முதலில் ) நீங்கள் யார் என்று கூறுங்கள் ?`` என்று கேட்டான் . “ நாங்கள் அரபு மக்கள் . நாங்கள் கப்பலொன்றில் கடல் பயணம் மேற்கொண்டோம் . கடல் கொந்தளிப்பு ஏற்பட்டு ஒரு மாதக் காலமாகக் கடல் அலை எங்களை அலைக்கழித்துவிட்டது . பிறகு நீ இருக்கும் இந்தத் தீவில் நாங்கள் கரை ஒதுங்கினோம் . பிறகு நாங்கள் சிறிய மரக்கலம் ஒன்றில் அமர்ந்து இந்தத் தீவுக்குள் நுழைந்தோம் . அப்போது உடல் முழுவதும் அடர்ந்த முடிகள் கொண்ட பிராணி ஒன்று எங்களைச் சந்தித்தது . உடல் முழுவதும் முடிகள் நிறைந்திருந்த காரணத்தால் அதன் முன்பகுதி எது , பின்பகுதி எது என்று அறிய முடியவில்லை . நாங்கள் “ உனக்குக் கேடுதான் . நீ யார் ?`` என்று கேட்டோம் . அது " நான்தான் ஜஸ்ஸாஸா `` என்று சொன்னது . “ ஜஸ்ஸாஸா என்றால் என்ன ?`` என்று கேட்டோம் . அதற்கு அது , “ இந்த மண்டபத்திலுள்ள இந்த மனிதரை நோக்கிச் செல்லுங்கள் . அவர் உங்களைப் பற்றிய செய்தியை அறிய பெரும் ஆவலுடன் இருக்கிறார் `` என்று கூறியது . ஆகவேதான் , நாங்கள் உன்னை நோக்கி விரைந்து வந்தோம் . அது ஷைத்தானாக இருக்கலாம் என்பதால் எங்களால் அச்சம் கொள்ளாமல் இருக்க முடியவில்லை `` என்று சொன்னோம் . அப்போது அவன் , “ பைசான் பேரீச்சந் தோட்டத்தைப் பற்றி எனக்குச் சொல்லுங்கள் `` என்றான் . “ அந்தத் தோட்டத்தில் நீ எதைப் பற்றிக் கேட்கிறாய் ?`` என்று கேட்டோம் . அதற்கு அவன் , “ அந்தப் பேரீச்சந் தோட்டத்தின் மரங்கள் கனிகள் தருகின்றனவா என்பதைப் பற்றியே நான் கேட்கிறேன் `` என்றான் . நாங்கள் " ஆம் ` என்று பதிலளித்தோம் . அவன் , “ அறிந்து கொள்ளுங்கள் . அது கனியே தராத காலம் நெருங்கிக்கொண்டிருக்கிறது `` என்று கூறினான் . பிறகு “ தபரிய்யா நீர்நிலை பற்றி எனக்குச் சொல்லுங்கள் `` என்று கேட்டான் . “ அதில் எதைப் பற்றி நீ கேட்கிறாய் ?`` என்று நாங்கள் கேட்டோம் . அதற்கு அவன் , “ அதில் தண்ணீர் இருக்கிறதா ?`` என்று கேட்டான் . நாங்கள் , “ அதில் தண்ணீர் அதிகமாக இருக்கிறது `` என்று பதிலளித்தோம் . அவன் , “ அறிந்துகொள்ளுங்கள் : அதிலுள்ள நீர் வற்றும் காலம் நெருங்கிவிட்டது `` என்று சொன்னான் . பிறகு , "( ஷாம் நாட்டிலுள்ள ) ஸுஃகர் நீரூற்றைப் பற்றி எனக்குச் சொல்லுங்கள் `` என்று கேட்டான் . நாங்கள் , “ அதில் எதைப் பற்றி நீ கேட்கிறாய் ?`` என்றோம் . அதற்கு அவன் , “ அந்த ஊற்றில் தண்ணீர் உள்ளதா ? அந்த ஊற்றுத் தண்ணீரால் மக்கள் பயிர் செய்கிறார்களா ?`` என்று கேட்டான் . நாங்கள் “ ஆம் , அதில் தண்ணீர் அதிகமாக உள்ளது . அங்குள்ளவர்கள் அந்தத் தண்ணீரால் விவசாயம் செய்கிறார்கள் `` என்று சொன்னோம் . பிறகு அவன் , “ எழுத்தறிவற்ற மக்களின் இறைத்தூதர் பற்றி எனக்குச் சொல்லுங்கள் . அவர் ( இப்போது ) என்ன செய்கிறார் ?`` என்று கேட்டான் . நாங்கள் , “ அவர் மக்காவிலிருந்து புறப்பட்டுச் சென்று யஸ்ரிபில் ( மதீனாவில் ) தங்கியிருக்கிறார் `` என்று பதிலளித்தோம் . அவன் , “ அவருக்கும் அரபியருக்குமிடையே போர் நடந்ததா ?`` என்று கேட்டான் . நாங்கள் , " ஆம் ` என்றோம் . அவன் , “ அவர்களை அவர் என்ன செய்தார் ?`` என்று கேட்டான் . நாங்கள் , “ அவர் , தம் அருகிலுள்ள அரபியரை வெற்றி கொண்டுவிட்டார் . அரபியர் அவருக்குக் கட்டுப்பட்டு விட்டனர் `` என்று சொன்னோம் . அதற்கு அவன் , " அப்படித்தான் நடந்ததா ?`` என்று கேட்டான் . நாங்கள் " ஆம் ` என்றோம் . அவன் , “ அறிந்துகொள்ளுங்கள் . அவருக்குக் கட்டுப்பட்டு நடப்பதே அவர்களுக்கு நல்லதாகும் . ( இனி ) நான் என்னைப் பற்றி உங்களுக்குச் சொல்கிறேன் : நான்தான் மஸீஹ் ( அத்தஜ்ஜால் ) ஆவேன் . நான் ( இங்கிருந்து ) புறப்பட அனுமதிக்கப்படும் நாள் நெருங்கிக் கொண்டிருக்கிறது . நான் புறப்பட்டு வந்து , நாற்பது நாட்களில் பூமியில் எந்த ஓர் ஊரையும் விட்டுவைக்காமல் பூமியெங்கும் பயணம் செய்வேன் ; மக்காவையும் தைபா ( மதீனா ) வையும் தவிர ! அவ்விரண்டிற்குள்ளேயும் நுழைய எனக்குத் தடை விதிக்கப்பட்டுள்ளது . அவ்விரு நகரங்களில் ஏதேனும் ஒன்றில் நுழைய நான் நாடும் போதெல்லாம் என்னை நோக்கி வானவர் ஒருவர் வருவார் . அவரது கையில் உருவிய வாள் இருக்கும் . ( அதை வைத்து ) அதற்குள் நுழைய விடாமல் அவர் என்னைத் தடுத்துவிடுவார் . அதன் ஒவ்வொரு நுழைவாயிலிலும் வானவர் ஒருவர் இருந்து , அதைக் காவல் காத்துக்கொண்டிருப்பார் `` என்று கூறினான் . இதைக் கூறியபின் அல்லாஹ்வின் தூதர் ஸல்லல்லாஹு அலைஹி வஸல்லம் , தம்மிடமிருந்த கைத்தடியால் சொற்பொழிவு மேடைமீது குத்தியவாறு இது - அதாவது மதீனா நகரம்-தான் தைபா ; இதுதான் தைபா ; இதுதான் தைபா `` என்று கூறிவிட்டு , “ இதைப் பற்றி நான் உங்களுக்கு ( முன்பே ) அறிவித்துள்ளேன் அல்லவா ?`` என்று கேட்டார்கள் . மக்கள் , “ ஆம் ( அறிவித்தீர்கள் )`` என்று பதிலளித்தனர் . “ தமீமுத்தாரீ சொன்ன இந்தச் செய்தி , தஜ்ஜாலைப் பற்றியும் மதீனா மற்றும் மக்கா பற்றியும் நான் ஏற்கெனவே உங்களிடம் கூறியிருந்ததற்கு ஒப்பவே அமைந்திருக்கிறது `` என்று கூறினார்கள் . பிறகு அறிந்து கொள்ளுங்கள் : அ( ந்தத் தீவான ) து , ஷாம் நாட்டுக் கடலில் , அல்லது யமன் நாட்டுக் கடலில் உள்ளது . இல்லை ; அது கிழக்குப் பகுதிக் கடலில் உள்ளது . அது கிழக்குப் பகுதிக் கடலில் உள்ளது . அது கிழக்குப் பகுதிக் கடலில் உள்ளது `` என்று ( அறுதியிட்டுச் ) சொன்னார்கள் . அல்லாஹ்வின் தூதர் ஸல்லல்லாஹு அலைஹி வஸல்லம் இதைக் கூறியபோது கிழக்குத் திசையை நோக்கித் தமது கரத்தால் சைகை செய்தார்கள் . ஃபாத்திமா பின்த் கைஸ் ரளியல்லாஹு அன்ஹா கூறினார்கள் : இதை நான் அல்லாஹ்வின் தூதர் ஸல்லல்லாஹு அலைஹி வஸல்லம் அவர்களிடமிருந்தே மனனமிட்டேன் .

அல்லாஹ்வின் தூதர் ஸல்லல்லாஹு அலைஹி வஸல்லம் கூறியதாக அபூஹுரைரா ரளியல்லாஹு அன்ஹு அறிவிப்பதாவது : என் உயிர் எவன் கையிலுள்ளதோ அவன் மீது சத்தியமாக ! மர்யமின் புதல்வர் ( ஈஸா ) உங்களிடம் நேர்மையான ( தீர்ப்பு சொல்லும் ) நீதிபதியாக இறங்கவிருக்கிறார் ! அவர் சிலுவையை உடைப்பார் ! பன்றியைக் கொல்வார் ! காப்புவரியை (- ஜிஸ்யா ) நீக்குவார் ! ( அந்நாளில் ) வாங்குவதற்கு ஆளில்லாத அளவிற்குச் செல்வம் பெருக்கெடுத்து ஓடும் .

அல்லாஹ்வின் தூதர் ஸல்லல்லாஹு அலைஹி வஸல்லம் கூறியதைத் தாம் செவியுற்றதாக முஜம்மிஉ பின் ஜாரியா அல்அன்ஸாரீ ரளியல்லாஹு அன்ஹு அறிவிப்பதாவது : மர்யமின் மைந்தர் ( ஈஸா அலைஹிஸ்ஸலாம் ) தஜ்ஜாலை லுத் எனும் ஊரின் வாசலில் வைத்துக் கொலை செய்வார் .

நபி ஸல்லல்லாஹு அலைஹி வஸல்லம் கூறியதாக அபூஹுரைரா ரளியல்லாஹு அன்ஹு அறிவிப்பதாவது : எனக்கும் அவருக்கும் ( ஈஸா ) இடையே எந்த நபியும் இல்லை . திண்ணமாக அவர் இறங்கி வரக்கூடியவர் ஆவார் . நீங்கள் அவரைக் கண்டால் ( பின்வரும் அடையாளங்களை வைத்து ) அவரை அறிந்து கொள்ளுங்கள் . நடுநிலையான உயரமும் சிவப்பான உடலமைப்பும் கொண்டவர் . மஞ்சள் வண்ணம் கொண்ட இரண்டு ஆடைகள் அணிந்தவராக இருப்பார் . அவருடைய தலையில் ஈரம் இல்லாவிட்டாலும் துளித் துளியாய் நீர் சொட்டுவதைப் போன்று இருக்கும் . இஸ்லாமிய மார்க்கத்திற்காக மக்களிடம் போரிடுவார் . அவர் சிலுவையை உடைப்பார் ; பன்றியைக் கொல்வார் ; காப்புவரியை (- ஷிஸ்யா ) நீக்குவார் . அவருடைய காலத்தில் அல்லாஹ் இஸ்லாத்தைத் தவிர ஏனைய எல்லா மதங்களையும் அழித்துவிடுவான் . மேலும் மஸீஹுத் தஜ்ஜாலைக் கொலை செய்வார் . ( பிறகு ) பூமியில் அவர் நாற்பது ஆண்டுகள் தங்கியிருப்பார் . பிறகு இறந்துவிடுவார் . ஆகவே அவருக்கு முஸ்லிம்கள் ஜனாஸா தொழுகை நடத்துவர் .

அல்லாஹ்வின் தூதர் ஸல்லல்லாஹு அலைஹி வஸல்லம் கூறியதாக அபூஹுரைரா ரளியல்லாஹு அன்ஹு அறிவிப்பதாவது : மேற்கிலிருந்து சூரியன் உதயமாகாத வரை மறுமை நாள் வராது . அவ்வாறு அது மேற்கிலிருந்து உதயமாகும்போது அதைப் பார்த்துவிட்டு மக்கள் அனைவரும் ஒட்டு மொத்தமாக இறைநம்பிக்கை கொள்வார்கள் . ஆனால் , முன்பே இறைநம்பிக்கை கொண்டிராத , அல்லது இறைநம்பிக்கை கொண்டிருந்தாலும் நன்மையேதும் செய்திராத எந்த மனிதருக்கும் அந்த நேரத்தில் கொள்ளும் நம்பிக்கை பயனளிக்காது . இரண்டு பேர் ( விற்பனைக்காகத் ) துணிகளை விரித்து ( ப் பார்த்து ) க் கொண்டிருப்பார்கள் . அதனை அவர்கள் விற்பனை செய்திருக்கவுமாட்டார்கள் ; சுருட்டிக்கூட வைத்திருக்கவுமாட்டார்கள் . அதற்குள் மறுமை சம்பவித்துவிடும் . மேலும் , ஒரு மனிதர் மடிகனத்த தமது ஒட்டகத்தி ( ல் பால் கறந்து அப்போது தா ) ன் பாலுடன் ( வீடு ) திரும்பியிருப்பார் ; இன்னும் அதைப் பருகிக்கூட இருக்கமாட்டார் . அதற்குள் மறுமை சம்பவித்துவிடும் . ஒருவர் தமது நீர்த் தொட்டியை ( அப்போதுதான் ) கல்வைத்துப் பூசியிருப்பார் ; இன்னும் அதில் நீர் இறைத்திருக்கமாட்டார் . அதற்குள் மறுமை சம்பவித்துவிடும் . உங்களுள் ஒருவர் தமது உணவை ( அப்போதுதான் ) வாயருகில் கொண்டு சென்றிருப்பார் ; அதை உண்டிருக்க மாட்டார் . அதற்குள் மறுமை சம்பவித்து விடும் .

அல்லாஹ்வின் தூதர் ஸல்லல்லாஹு அலைஹி வஸல்லம் கூறியதாக அபூஹுரைரா ரளியல்லாஹு அன்ஹு அறிவிப்பதாவது : காலம் சுருங்காத வரை யுகமுடிவு நாள் ஏற்படாது ஓர் ஆண்டு ஒரு மாதத்தைப் போன்றும் , ஒரு மாதம் ஒரு வாரத்தைப் போன்றும் . ஒரு வாரம் ஒரு நாள் போன்றும் , ஒரு நாள் ஒரு மணி நேரத்தைப் போன்றும் , ஒரு மணி நேரம் தீ பற்றவைக்கும் ( ஒரு நொடி ) நேரத்தைப் போன்றும் மாறிவிடும் .

அல்லாஹ்வின் தூதர் ஸல்லல்லாஹு அலைஹி வஸல்லம் கூறியதாக அபூஸஈத் அல்குத்ரீ ரளியல்லாஹு அன்ஹு அறிவிப்பதாவது : என் உயிர் எவன் கையிலுள்ளதோ அ( ந்த ஏக இறை ) வன் மீதாணையாக ! மனிதர்களிடம் விலங்குகள் பேசுகின்ற நாள் வராமல் யுகமுடிவு நாள் ஏற்படாது . மேலும் ஒரு மனிதரிடம் அவரது சாட்டை முனையும் அவரது செருப்பின் வாரும் பேசாத வரை யுகமுடிவு நாள் ஏற்படாது . அப்போது அவரது தொடை அவர் இல்லாதபோது அவருடைய வீட்டார் செய்ததை அவரிடம் எடுத்துரைக்கும் .

அபுத்துஃபைல் ரளியல்லாஹு அன்ஹு அறிவிப்பதாவது : நாங்கள் ஹுதைஃபா ரளியல்லாஹு அன்ஹு அவர்களிடம் அமர்ந்து கொண்டிருந்தோம் . அப்போது நான் தாப்பத்து ( ல் அர்ள் எனும் அதிசயப் பிராணி ) குறித்து நினைவு கூர்ந்தேன் . அப்போது ஹுதைஃபா ரளியல்லாஹு அன்ஹு கூறியதாவது : சில நகர்ப்புறங்களில் இருந்து அது மூன்று தடவைகள் வெளியேறிவரும் . பிறகு மறைந்துவிடும் . பிறகு சில கிராமங்களில் இருந்து அது வெளியேறிவந்து அங்குள்ள செல்வர்களைக் கொன்றுபோடும் . பிறகு மறைந்துவிடும் . மேலும் கூறினார்கள் : மிக மகத்தான , மிகச் சிறந்த , சிறப்புவாய்ந்த மஸ்ஜிதில் மக்கள் இருக்கும்போது - என்று கூறி , அதன் பெயரைக் கூறவில்லை . அது மஸ்ஜிதுல் ஹராம் என்று நாங்கள் கூறிக்கொண்டோம் - நிலப்பகுதி உயர்ந்துவிடும் . மக்கள் வெருண்டோடுவார்கள் . ( ஆனால் ஈமானில் உறுதியான ) முஸ்லிம்கள் ( அதே இடத்திலேயே ) அப்படியே இருந்துகொண்டு , “ அல்லாஹ்வுடைய விதியிலிருந்து எந்த ஒன்றும் நம்மைக் காப்பாற்ற முடியாது ” என்று கூறுவார்கள் . அது வெளியேறிவந்து , அவர்களுடைய முகங்களை துர்ரிய்யா எனும் நட்சத்திரங்கள் ஒளிர்வதைப் போன்று ஒளிமயமாக்கிவிடும் . வீடுகளில் வசிக்கின்ற அண்டைவீட்டுக்காரர்கள் - அவர்கள் செல்வங்களில் கூட்டாளிகளாகவும் இஸ்லாமிய மார்க்கத்தில் தோழர்களாகவும் இருந்தவர்கள் - ( வெருண்டோடுகின்ற ) அந்த மக்களைப் பின்பற்றிச் செல்வார்கள் .

அல்லாஹ்வின் தூதர் ஸல்லல்லாஹு அலைஹி வஸல்லம் கூறியதாக அபூஹுரைரா ரளியல்லாஹு அன்ஹு அறிவிப்பதாவது : அதிசயப் பிராணி தோன்றும் . அதனுடன் சுலைமான் பின் தாவூத் அலைஹிஸ்ஸலாம் அவர்களின் மோதிரமும் மூஸா பின் இம்ரான் அலைஹிஸ்ஸலாம் அவர்களின் கைத்தடியும் வெளிப்படும் . அக்கைத்தடியால் அது இறைநம்பிக்கையாளரின் முகத்தை ஒளிரச் செய்யும் . அம்மோதிரத்தால் அது இறைமறுப்பாளரின் மூக்கைத் துண்டிக்கும் . அதற்குள் அங்கு வசிப்பவர்கள் ஒன்றிணைந்து விடுவார்கள் . அப்போது ஒருவர் , இறைநம்பிக்கையாளரே என்று அழைப்பார் . மற்றொருவர் , இறைமறுப்பாளனே என்று அழைப்பார் .

அல்லாஹ்வின் தூதர் ஸல்லல்லாஹு அலைஹி வஸல்லம் கூறியதாக அபூஸஈத் அல்குத்ரீ ரளியல்லாஹு அன்ஹு அறிவிப்பதாவது : யஃஜூஜ் மஃஜூஜ் ( உள்ள கதவு ) திறக்கப்படும் . அவர்கள் அதிலிருந்து வெளியேறி வருவார்கள் . உயர்ந்தோன் அல்லாஹ் அது பற்றிக் கூறுகின்றான் : அவர்கள் ஒவ்வொரு பள்ளத்தாக்கிலிருந்தும் பரவி வருவார்கள் . (21: 96) பூமியைச் சூழ்ந்துகொள்வார்கள் . அவர்களிலிருந்து முஸ்லிம்கள் வெருண்டோடிவிடுவார்கள் . எஞ்சியுள்ள முஸ்லிம்கள் தம்முடைய கால்நடைகளைத் தம்மோடு எடுத்துக்கொண்டு தங்களுடைய நகரங்களிலும் கோட்டைகளிலும் இருப்பார்கள் . ( யஃஜூஜ் மஃஜூஜ் செல்லும் வழியில் ) அவர்கள் நதியைக் கடந்து செல்வார்கள் . அதில் தண்ணீர் பருகுவார்கள் . அதில் எதையும் மிச்சம் வைக்கமாட்டார்கள் . அவர்களுள் கடைசியில் உள்ளவர் ( அவர்களுள் உள்ள ) கால் தடத்தைப் பின்பற்றிச் செல்வார் . அவர்களுள் ஒருவர் இந்த இடத்தில் ஒரு காலத்தில் தண்ணீர் இருந்தது . அது நிலத்தில் பரவியிருந்தது என்று கூறுவார் . அவர்களுள் ஒருவர் , இவர்கள் நிலவாசிகள் . இவர்களை நாங்கள் முடித்துவிட்டோம் . இப்போது நாம் வானத்திலுள்ளோரிடம் சண்டையிடுவோம் என்று கூறுவார் . ஆகவே அவர்களுள் ஒருவர் தம்முடைய அம்பை வானத்தை நோக்கி எறிவார் . அது இரத்தம் தோய்க்கப்பட்டதாகத் திரும்பிவரும் . அப்போது அவர்கள் , நாம் இப்போது வானத்திலுள்ளோரைக் கொன்றுவிட்டோம் என்று கூறுவார்கள் . ( ஆனால் ) அவர்களோ அவ்வாறே ( உயிருடன் ) இருப்பார்கள் . அச்சமயத்தில் அல்லாஹ் வெட்டுக்கிளிக் கூட்டத்தைப்போல் பூச்சிகளை அனுப்பிவைப்பான் . அவை அவர்களின் கழுத்துகளைப் பிடித்துக்கொள்ளும் . எனவே அவர்கள் வெட்டுக்கிளிகளைப் போல இறந்துபோவார்கள் . அவர்களுள் ஒருவர் மற்றொருவர் மீது சாய்ந்து கிடப்பார் . காலையில் முஸ்லிம்கள் அவர்களைப் பற்றி எந்தச் சத்தத்தையும் செவியுறமாட்டார்கள் . ஆகவே முஸ்லிம்கள் , எவர் தம் ஆன்மாவை அல்லாஹ்வுக்காக விற்று ( அடைமானம் வைத்து ) அவர்கள் என்ன ஆனார்கள் என்று பார்த்துவருவார் ? எனக் கேட்பார்கள் . ( அது கேட்டு ) அவர்களுள் ஒருவர் இறங்குவார் . அவர் தம்மை அவர்கள் கொல்வார்கள் என்று தம்மைத் தயார்படுத்திக் கொண்டு செல்வார் . அவர்களோ இறந்து கிடப்பதைக் கண்டு முஸ்லிம்களை அழைத்து , நற்செய்தி பெறுங்கள் . உங்களுடைய எதிரிகள் அழிந்துவிட்டனர் என்று கூறுவார் . எனவே மக்கள் அனைவரும் வெளியேறி வந்து , தம்முடைய கால்நடைகளை ஓட்டிக்கொண்டு வருவார்கள் . அந்தக் கால்நடைகள் மேய்வதற்கு அவர்களுடைய இறைச்சிகளைத் தவிர வேறெதுவும் அங்கு இருக்காது . எனவே அவை அது வரை காணாத உணவான அந்த இறைச்சிகளைத் தின்று மிக அழகிய முறையில் கொழுத்துவிடும் .

அல்லாஹ்வின் தூதர் ஸல்லல்லாஹு அலைஹி வஸல்லம் கூறியதாக அபூஹுரைரா ரளியல்லாஹு அன்ஹு அறிவிப்பதாவது : யஃஜூஜ் மஃஜூஜ் ஒவ்வொரு நாளும் சூரிய ஒளி தென்படுகின்ற வரை ( துளையிடுவதற்காகத் ) தோண்டுவார்கள் . ( அதன்பின் ) அவர்களுள் ஒருவர் , திரும்பிச் செல்லுங்கள் . நாம் நாளை தோண்டுவோம் என்று கூறுவார் . ( மறுநாள் ) அதைவிடக் கடினமாக அல்லாஹ் அதை மாற்றிவிடுவான் . அவர்களுடைய காலம் நெருங்கும் வரை அவன் இவ்வாறே செய்துகொண்டிருப்பான் . அவர்களை மக்களிடம் அனுப்ப அல்லாஹ் நாடுகின்றபோது , அவர்கள் சூரிய ஒளி தென்படுகின்ற வரை தோண்டுவார்கள் . ( அதன்பின் ) அவர்களுள் ஒருவர் , திரும்பிச் செல்லுங்கள் . இன்ஷா அல்லாஹ் நீங்கள் நாளை தோண்டுவீர்கள் என்று கூறுவார் . எனவே அவர்கள் ( அனைவரும் ) இன்ஷா அல்லாஹ் கூறுவார்கள் . ஆகவே அவர்கள் ( மறுநாள் ) திரும்ப வருவார்கள் . அப்போது அது அவர்கள் விட்டுச்சென்ற நிலையிலேயே இருக்கும் . எனவே அவர்கள் ( எளிதாகத் ) தோண்டிவிட்டு , மக்களை நோக்கி வெளியேறிவருவார்கள் . தண்ணீரை உறிஞ்சிக் குடிப்பார்கள் . மக்களெல்லாம் அவர்களிடமிருந்து பாதுகாப்புப் பெறும்பொருட்டு கோட்டைகளில் தங்கியிருப்பார்கள் . அவர்கள் தம் அம்புகளை வானத்தை நோக்கி எறிவார்கள் . அது தன்னில் இரத்தம் தோய்க்கப்பட்ட நிலையில் திரும்பவரும் . அப்போது அவர்கள் , நாம் பூமியில் உள்ளோரை அடக்கி , வானிலுள்ளோரை மேலோங்கிவிட்டோம் என்று கூறுவார்கள் . அச்சமயத்தில் அல்லாஹ் அவர்கள் மத்தியில் அவர்களின் பிடரிகளைக் கவ்வுகின்ற ஒரு பூச்சியினத்தை அனுப்பிவைப்பான் . அவற்றின் மூலம் அல்லாஹ் அவர்களைக் கொல்வான் . அல்லாஹ்வின் தூதர் ஸல்லல்லாஹு அலைஹி வஸல்லம் கூறினார்கள் : எவன் கைவசம் என் ஆன்மா உள்ளதோ அவன்மீது ஆணையாக ! திண்ணமாக நிலத்திலுள்ள உயிரினங்கள் அவர்களின் இறைச்சிகளைத் தின்று நன்றாகக் கொழுத்துப் பெருக்கும் .

நபி ஸல்லல்லாஹு அலைஹி வஸல்லம் கூறியதாக அப்துல்லாஹ் பின் மஸ்ஊத் ரளியல்லாஹு அன்ஹு அறிவிப்பதாவது : ஒரு நாளைத் தவிர உலக நாள் மீதி இல்லையென்றாலும் , என்னிலிருந்து அல்லது என் குடும்பத்திலிருந்து ஒருவரை அனுப்புகின்ற வரை அல்லாஹ் அதை நீடிக்கச் செய்வான் . அவருடைய பெயர் என் பெயரை ஒத்திருக்கும் . அவருடைய தந்தையின் பெயர் என் தந்தையின் பெயரை ஒத்திருக்கும் . பூமி முழுக்க அநியாயம் நிரம்பியிருந்ததைப்போல் அது நீதியாலும் நேர்மையாலும் நிரம்பும் .

அல்லாஹ்வின் தூதர் ஸல்லல்லாஹு அலைஹி வஸல்லம் கூறியதைத் தாம் செவியுற்றதாக உம்மு ஸலமா ரளியல்லாஹு அன்ஹா அறிவித்ததாவது : மஹ்தீ என் குடும்பத்திலிருந்து ஃபாத்திமாவின் வாரிசுகளுள் உள்ளவர் ஆவார் .

அல்லாஹ்வின் தூதர் ஸல்லல்லாஹு அலைஹி வஸல்லம் கூறியதாக அபூஹுரைரா ரளியல்லாஹு அன்ஹு அறிவித்ததாவது : திமஷ்க்கின் முக்கியமான பகுதியில் சுஃப்யானீ எனும் மனிதன் புறப்பட்டுவருவான் . கல்ப் எனும் அரபுக் குலத்தினர் அவனைப் பின்பற்றி வருவார்கள் . பெண்களின் வயிறுகளைக் கிழித்துக் கொல்வான் ; சிறுவர்களைக் கொல்வான் . கைஸ் எனும் குலத்தினர் ( அவனுக்கெதிராக ) ஒன்று சேர்வார்கள் அவர்களையும் அவன் கொன்று சின்னாபின்னமாக ஆக்கிவிடுவான் . ஹர்ராவில் என் குடும்பத்திலிருந்து ஒரு மனிதர் புறப்பட்டுவருவார் . அவர் அந்த சுஃப்யானீயை அடைவார் . அவர் தம்முடைய படையினருள் ஒரு படையை அனுப்புவார் . அவர்களை அவன் தோற்கடித்துவிடுவான் . சுஃப்யானீ தன்னுடன் உள்ளவர்களோடு அவரை நோக்கி நடப்பான் . அவன் ஒரு பாலைவனப் பகுதிக்கு வருவான் . அதற்குள் அவர்கள் ( அனைவரும் ) பூமியில் செருகப்பட்டுவிடுவார்கள் . அவர்களைப் பற்றிய செய்தி அறிவிக்கின்ற ( ஒரு ) வனைத் தவிர அவர்களுள் யாரும் தப்பிக்க மாட்டார் .

அல்லாஹ்வின் தூதர் ஸல்லல்லாஹு அலைஹி வஸல்லம் கூறியதாக அபூஸஈதுல் குத்ரீ ரளியல்லாஹு அன்ஹு அறிவித்ததாவது : என் சமுதாயத்தின் கடைசிக் காலத்தில் மஹ்தீ புறப்பட்டு வருவார் . அல்லாஹ் அவருக்கு மழையைப் பொழியச் செய்வான் . பூமி தனது தாவரங்களை முளைக்கச் செய்யும் . அவர் பொருள்களைச் சரியான முறையில் வழங்குவார் . கால்நடைகள் பெருகும் . அச்சமுதாயம் பெருவளர்ச்சியடையும் . அவர் ஏழு அல்லது எட்டு ஆண்டுகள் வாழ்வார் .

நபி ஸல்லல்லாஹு அலைஹி வஸல்லம் கூறியதாக அபூஹுரைரா ரளியல்லாஹு அன்ஹு அறிவிப்பதாவது : என் சமுதாயத்தில் ( இறுதிக் காலத்தில் ) உருமாற்றம் , பூமிக்குள் புதைந்து போகுதல் , ( வானத்திலிருந்து ) கல்வீச்சு ஆகியவை ஏற்படுகின்ற வரை யுக முடிவு நாள் ஏற்படாது .

அபூஹுரைரா ரளியல்லாஹு அன்ஹு கூறியதாவது : அல்லாஹ்வின் வேதம் இரவோடு இரவாக வானத்திற்கு உயர்த்தப்படும் . காலையில் குர்ஆனிலிருந்து ஒரு வசனம் கூடப் பூமியில் இருக்காது . தவ்ராத்தும் இருக்காது ; இன்ஜீலும் இருக்காது ; ஸபூரும் இருக்காது . ஆண்களின் உள்ளங்களிலிருந்து ( அவை ) உருவி எடுக்கப்பட்டுவிடும் . அது என்னவென்றே அவர்கள் அறியாதவர்களாக ஆகிவிடுவார்கள் .

நபி ஸல்லல்லாஹு அலைஹி வஸல்லம் கூறியதாக அப்துல்லாஹ் பின் மஸ்ஊத் ரளியல்லாஹு அன்ஹு அறிவிப்பதாவது : மனிதர்களில் தீயவர்கள் மீதே யுக முடிவு நாள் ஏற்படும் . ( அதற்கு முன்பே நல்லவர்கள் அனைவரும் மறைந்து விடுவர் .)

அல்லாஹ்வின் தூதர் ஸல்லல்லாஹு அலைஹி வஸல்லம் கூறியதாக அனஸ் ரளியல்லாஹு அன்ஹு அறிவிப்பதாவது : பூமியில் " அல்லாஹ் , அல்லாஹ் ` என்று சொல்லப்படாதபோது தான் மறுமை நாள் நிகழும் .

அல்லாஹ்வின் தூதர் ஸல்லல்லாஹு அலைஹி வஸல்லம் கூறியதாக ஹுதைஃபா பின் அல்யமான் ரளியல்லாஹு அன்ஹு அறிவிப்பதாவது : அற்பனுக்குப் பிறந்த அற்பன் இவ்வுலகின் செல்வங்களால் மனிதர்களிலேயே பெரிய ஆளாக ஆகாத வரை யுக முடிவு நாள் ஏற்படாது .

அபூசாலிஹ் ஃதக்வான் அஸ்ஸம்மான் ரஹிமஹுல்லாஹ் கூறியதாவது : “( உலக முடிவு நாளில் அனைத்தையும் அழிப்பதற்காகவும் , பின்னர் அனைவரையும் எழுப்புவதற்காகவும் ஊதப்படும் ) இரு எக்காளத்திற்கும் ( ஸூர் ) இடையே ( இடைப்பட்டக் காலம் ) நாற்பது `` என்று அல்லாஹ்வின் தூதர் ஸல்லல்லாஹு அலைஹி வஸல்லம் கூறியதாக அபூஹுரைரா ரளியல்லாஹு அன்ஹு சொன்னார்கள் . அபூஹுரைரா ரளியல்லாஹு அன்ஹு அவர்களுடைய நண்பர்கள் , “( அபூஹுரைரா அவர்களே !) நாட்களில் நாற்பதா ?`` என்று கேட்டனர் . அபூஹுரைரா ரளியல்லாஹு அன்ஹு , “( நான் அறியாததற்கு பதிலளிப்பதிலிருந்து ) நான் விலகிக் கொள்கிறேன் `` என்று சொன்னார்கள் . ( நண்பர்களான ) அவர்கள் , “ நாற்பது மாதங்களா ?`` என்று கேட்டனர் . அதற்கும் “ நான் விலகிக்கொள்கிறேன் `` என அபூஹுரைரா கூறினார்கள் . “ வருடங்கள் நாற்பதா ?`` என்று கேட்டனர் . அப்போதும் அபூஹுரைரா ரளியல்லாஹு அன்ஹு , “ நான் விலகிக்கொள்கிறேன் `` என்று சொன்னார்கள் . பின்னர் , “ வானத்திலிருந்து அல்லாஹ் தண்ணீரை இறக்குவான் . அப்போது ( மண்ணறைகளுக்குள் உக்கிப்போயிருக்கும் மனிதச் சடலங்கள் ) தாவரங்கள் முளைத்து எழுவதுபோல் எழுவார்கள் . மனிதனிலுள்ள ( உறுப்புகள் ) அனைத்துமே ( மண்ணுக்குள் ) உக்கிப்போகாமல் இருப்பதில்லை . ஆனால் , ஒரேயோர் எலும்பைத் தவிர ! அதுதான் ( முதுகந்தண்டின் வேர்ப் பகுதியிலிருக்கும் ) உள்வால் எலும்பின் ( அணுவளவு ) நுனியாகும் . அதை வைத்தே படைப்பினங்கள் ( மீண்டும் ) மறுமை நாளில் உருவாக்கப்படும் `` என்று மேலும் சொன்னார்கள் .

நபி ஸல்லல்லாஹு அலைஹி வஸல்லம் கூறியதாக அப்துல்லாஹ் பின் அம்ர் ரளியல்லாஹு அன்ஹு அறிவிப்பதாவது : எக்காளம் என்பது ஊதப்படும் ஊதுகொம்பு ஆகும் .

அபூசஈத் அல்குத்ரீ ரளியல்லாஹு அன்ஹு அறிவிப்பதாவது : அல்லாஹ்வின் தூதர் ஸல்லல்லாஹு அலைஹி வஸல்லம் , “ என்னால் எப்படி இன்புற்றிருக்க முடியும் ? எக்காளம் ஊதுகின்ற ( வான ) வர் எக்காளத்தின் முனைப்பகுதியைத் தமது வாயில் வைத்துக்கொண்டு ஊதுமாறு எப்போது உத்தரவிடப்படும் என்று காது தாழ்த்திக் காத்திருக்கிறாரே ” என்று கூறினார்கள் .

அல்லாஹ்வின் தூதர் ஸல்லல்லாஹு அலைஹி வஸல்லம் கூறியதாக அபூஹுரைரா ரளியல்லாஹு அன்ஹு அறிவிப்பதாவது : எக்காளம் ஊதுபவருடைய கண்பார்வை அவர் அதற்காக நியமிக்கப்பட்டதிலிருந்து தயாராக இருக்கிறது . அவர் தம் கண்பார்வையைச் சிமிட்டுவதற்குள் ஏவப்பட்டுவிடுவாரோ என்று அஞ்சியவராக அவர் அர்ஷையே பார்த்தவாறு இருக்கிறார் . அவருடைய இரண்டு கண்களும் மின்னக்கூடிய இரண்டு நட்சத்திரங்களைப் போன்று உள்ளன .

நபி ஸல்லல்லாஹு அலைஹி வஸல்லம் கூறியதாக அபூஹுரைரா ரளியல்லாஹு அன்ஹு அறிவிப்பதாவது : மறுமை நாளில் சூரியனும் சந்திரனும் சுருட்டப்பட்டு ( ஒளியிழந்து ) விடும் .

நபி ஸல்லல்லாஹு அலைஹி வஸல்லம் கூறியதாக அபூஹுரைரா ரளியல்லாஹு அன்ஹு அறிவிப்பதாவது : அல்லாஹ் , மறுமை நாளில் பூமியைத் தனது கைப்பிடிக்குள் அடக்கிக்கொள்வான் ; வானத்தைத் தனது வலக்கரத்தில் சுருட்டிக் கொள்வான் ; பிறகு “ நானே அரசன் ; பூமியின் அரசர்கள் எங்கே ?`` என்று கேட்பான் .

ஆயிஷா ரளியல்லாஹு அன்ஹா கூறியதாவது : நான் அல்லாஹ்வின் தூதர் ஸல்லல்லாஹு அலைஹி வஸல்லம் அவர்களிடம் , “ அந்நாளில் பூமி , வேறு பூமியாகவும் வானங்களும் ( வேறு வானங்களாகவும் ) மாற்றப்படும் `` (14:48) எனும் இறைவசனத்தை ஓதிக்காட்டி , “ அல்லாஹ்வின் தூதரே ! அன்றைய நாளில் மக்கள் அனைவரும் எங்கே இருப்பார்கள் ?`` என்று கேட்டேன் . அதற்கு அவர்கள் , “ அஸ்ஸிராத் ( எனும் நரகப் பாலத்தின் ) மீது `` என்று பதிலளித்தார்கள் .

நபி ஸல்லல்லாஹு அலைஹி வஸல்லம் கூறியதாக ஆயிஷா ரளியல்லாஹு அன்ஹா அறிவிப்பதாவது : ( மறுமை நாள் ஏற்படுவதற்குச் சற்றுமுன் கிழக்கிலிருந்து மேற்கு நோக்கி ) மக்கள் மூன்று பிரிவினராக ஒன்று திரட்டப்படுவார்கள் . ( அதில் முதல் பிரிவினர் ) அச்சத்துடனும் ஆர்வத்துடனும் செல்வார்கள் . ( இரண்டாவது பிரிவினர் ) ( வாகனப் பற்றாக்குறையால் தாமதித்துப் பின்னர் ) ஒரே ஒட்டகத்தின் மீது இரண்டு பேராக , ஒரே ஒட்டகத்தின் மீது மூன்று பேராக , ஒரே ஒட்டகத்தின் மீது நான்கு பேராக , ஒரே ஒட்டகத்தின் மீது பத்துப் பேராகச் செல்வார்கள் . அவர்களுள் எஞ்சியவர் ( களே மூன்றாவது பிரிவினராவர் . அவர் ) களை ( பூமியில் ஏற்படும் ஒரு பெரும் ) தீ ( விபத்து ) ஒன்று திரட்டும் . அவர்கள் மதிய ஓய்வெடுக்கும் போதும் , இரவில் ஓய்வெடுக்கும் போதும் , காலை நேரத்தை அடையும் போதும் , மாலை நேரத்தை அடையும் போதும் ( இப்படி எல்லா நேரங்களிலும் ) அந்தத் தீ அவர்களுடனேயே இருக்கும் .

ஆயிஷா ரளியல்லாஹு அன்ஹா கூறியதாவது : " நீங்கள் மறுமைநாளில் செருப்பணியாதவர்களாக , நிர்வாணமானவர்களாக , விருத்த சேதனம் செய்யப்படாதவர்களாக ஒன்று திரட்டப்படுவீர்கள் `` என்று அல்லாஹ்வின் தூதர் ஸல்லல்லாஹு அலைஹி வஸல்லம் கூறினார்கள் . உடனே நான் “ அல்லாஹ்வின் தூதரே ! ( நிர்வாணமான ) ஆண்களும் பெண்களும் ஒருவரை ஒருவர் பார்ப்பார்களே ?`` என்று கேட்டேன் . அதற்கு நபி ஸல்லல்லாஹு அலைஹி வஸல்லம் “ அந்த எண்ணம் அவர்களுக்கு ஏற்படாத அளவுக்கு ( அங்குள்ள ) நிலைமை மிகக் கடுமையானதாக இருக்கும் `` என்று கூறினார்கள் .

அல்லாஹ்வின் தூதர் ஸல்லல்லாஹு அலைஹி வஸல்லம் கூறியதாக இப்னு அப்பாஸ் ரளியல்லாஹு அன்ஹு அறிவிப்பதாவது : “ நீங்கள் ( மறுமை நாளில் ) காலில் செருப்பணியாதவர்களாகவும் நிர்வாணமானவர்களாகவும் விருத்தசேதனம் செய்யப்படாதவர்களாகவும் எழுப்பப்படுவீர்கள் `` என்று கூறிவிட்டு , பிறகு , “ எழுதப்பட்ட ஏடு சுருட்டப்படுவதைப் போல் நாம் வானத்தைச் சுருட்டும் அந்நாளில் , நாம் முதலில் எவ்வாறு படைக்கத் தொடங்கினோமோ அவ்வாறே நாம் மீட்போம் . இது நம்முடைய பொறுப்பிலுள்ள ஒரு வாக்குறுதியாகும் . அதனை நாம் நிறைவேற்றியே தீருவோம் `` என்னும் (21:104) இறைவசனத்தை ஓதினார்கள் . முதலாவதாக ஆடை அணிவிக்கப்படுப வர்கள் இப்ராஹீம் அலைஹிஸ்ஸலாம் ஆவார்கள் .

அல்லாஹ்வின் தூதர் ஸல்லல்லாஹு அலைஹி வஸல்லம் கூறியதாக அபூஹுரைரா ரளியல்லாஹு அன்ஹு அறிவிப்பதாவது : ஐம்பதாயிரம் ஆண்டுகள் கொண்ட நாளில் அரை நாள் வரை அகிலங்களின் இறைவன் முன்னிலையில் மக்கள் நிற்பார்கள் . ( ஆனால் ) அது இறைநம்பிக்கையாளர்களுக்கு சூரியன் மறைவதற்காகத் தணிந்து அது மறையும் வரையுள்ள நேரத்தைப் போன்றதாக இருக்கும் .

நபி ஸல்லல்லாஹு அலைஹி வஸல்லம் அவர்களிடமிருந்து தாம் செவியுற்றதாக சஹ்ல் பின் சஅத் ரளியல்லாஹு அன்ஹு கூறியதாவது : ( உமியோ தவிடோ கலக்காத ) சுத்தமான மாவினாலான ரொட்டியைப் போன்று தூய வெண்மையான ( சம ) தளத்தின்மீது மறுமை நாளில் மனிதர்கள் ஒன்று திரட்டப்படுவார்கள் . இதன் அறிவிப்பாளரான சஹ்ல் ரளியல்லாஹு அன்ஹு அவர்கள் , அல்லது மற்றொருவர் “ அந்த பூமியில் ( மலை , மடுவு , காடு , வீடு என ) எந்த அடையாளமும் யாருக்கும் இருக்காது `` என்று ( கூடுதலாக ) அறிவித்தார்கள் .

அப்துல்லாஹ் பின் உமர் ரளியல்லாஹு அன்ஹு கூறியதாவது : நபி ஸல்லல்லாஹு அலைஹி வஸல்லம் “( அது ) அகிலத்தாரின் அதிபதி முன் மக்களெல்லாம் நிற்கும் நாள் `` எனும் (83:6ஆவது) இறைவசனத்தை ஓதிவிட்டு , “ அன்று தம் இரு காதுகளின் பாதி வரை தேங்கி நிற்கும் தமது வியர்வையில் அவர்களுள் ஒருவர் மூழ்கிப் போய்விடுவார் `` என்று கூறினார்கள்

மிக்தாத் பின் அல்அஸ்வத் ரளியல்லாஹு அன்ஹு கூறியதாவது : “ மறுமை நாளில் சூரியன் படைப்பினங்களுக்கு அருகில் கொண்டுவரப்படும் . எந்த அளவுக்கென்றால் , அவர்களுக்கும் அதற்கும் இடையில் ஒரு மைல் தொலை தூரமே இருக்கும் . அப்போது மக்கள் தம் செயல்களுக்கேற்ப வியர்வையில் மூழ்குவார்கள் . சிலரது வியர்வை அவர்களின் கணுக்கால்கள் வரையிலும் , சிலரது வியர்வை முழங்கால்கள் வரையிலும் , சிலரது வியர்வை இடுப்பு வரையிலும் , சிலரது வியர்வை வாய் வரையிலும் எட்டிவிடும் `` என்று அல்லாஹ்வின் தூதர் ஸல்லல்லாஹு அலைஹி வஸல்லம் கூறியதை நான் கேட்டேன் . இதைக் கூறியபோது , அல்லாஹ்வின் தூதர் ஸல்லல்லாஹு அலைஹி வஸல்லம் தமது கையால் வாயை நோக்கிச் சைகை செய்தார்கள் . இதன் அறிவிப்பாளரான சுலைம் பின் ஆமிர் ரஹிமஹுல்லாஹ் , “ அல்லாஹ்வின் மீதாணையாக ! " மைல் ` என்று பூமியின் தொலைதூர அளவைக் குறிப்பிட்டார்களா ? அல்லது கண்ணில் தீட்டப் பயன்படும் அஞ்சனக் கோலின் அளவைக் குறிப்பிட்டார்களா என்பது எனக்குத் தெரியவில்லை `` என்று கூறினார்கள் .

அபூஹுரைரா ரளியல்லாஹு அன்ஹு கூறியதாவது : அல்லாஹ்வின் தூதர் ஸல்லல்லாஹு அலைஹி வஸல்லம் அவர்களிடம் ( ஒரு விருந்தில் ) இறைச்சி கொண்டுவரப்பட்டது . அப்போது ( சமைக்கப்பட்ட ) புஜம் ( முன்கால் சப்பை ) ஒன்றை அவர்களிடம் நீட்டப்பட்டது . அது அவர்களுக்கு மிகவும் பிடித்தமானதாக இருந்து வந்தது . நபி ஸல்லல்லாஹு அலைஹி வஸல்லம் ( அதை ) வாயாலேயே ( பற்களால் ) பற்றிக்கொண்டு அதிலிருந்து சிறிது உண்டார்கள் . பிறகு “ நான் மறுமை நாளில் மனிதர்களின் தலைவன் ஆவேன் . ( அந்நாளில் ) அல்லாஹ் ( மனிதர்களுள் ) முந்தியவர்களையும் பிந்தியவர்களையும் ஒரே சமவெளியில் எதன் மூலம் ஒன்று திரட்டுவான் என்பது உங்களுக்குத் தெரியுமா ? அழைப்பவர் எவரும் அந்த மக்களை அழைத்தால் அதனை அவர்கள் செவியேற்க முடியும் . ( பார்ப்போரின் ) பார்வை அவர்களை ( நன்கு ) சூழ்ந்து கொண்டிருக்கும் . சூரியன் ( அவர்களுக்கு ) அருகில் வரும் . அப்போது மனிதர்களிடம் , அவர்களால் தாங்கிக் கொள்ளவோ , பொறுத்துக் கொள்ளவோ முடியாத துன்பங்களும் துயரங்களும் வந்து சேரும் . அப்போது மனிதர்கள் ( சிலர் வேறு சிலரை நோக்கி ) ‘ உங்களுக்கு எத்தகைய ( ஆபத்தான ) நிலை நேர்ந்திருக்கிறது என்பதை நீங்கள் கவனிக்கவில்லையா ? உங்களுக்காக உங்கள் இறைவனிடம் பரிந்து பேசுபவரை ( த் தேடிப் ) பார்க்கமாட்டீர்களா ?` என்று கேட்பார்கள் . அப்போது மனிதர்களுள் சிலர் வேறு சிலரிடம் , "( உங்களுடைய ஆதி பிதா ) ஆதம் அலைஹிஸ்ஸலாம் அவர்களை அணுகுங்கள் ( அவர் உங்களுக்காகப் பரிந்து பேசுவார் ) என்பர் . ஆகவே மனிதர்கள் , ஆதம் அலைஹிஸ்ஸலாம் அவர்களிடம் சென்று " நீங்கள் மனித இனத்தின் தந்தையாவீர்கள் ; உங்களை அல்லாஹ் தன் கரத்தால் படைத்தான் . உங்களுக்குள் தன் ( னால் உருவாக்கப்பட்ட ) உயிரை ஊதினான் . வானவர்களை உங்களுக்குச் சிரம்பணியும்படி உத்தரவிட்டான் . அவ்வாறே அவர்கள் உங்களுக்குச் சிரம் பணிந்தார்கள் . நீங்கள் உங்கள் இறைவனிடம் எங்களுக்காகப் பரிந்து பேசுங்கள் . நாங்கள் ( சிக்கிக்கொண்டு ) இருக்கும் ( அவல ) நிலையையும் , எங்களுக்கு நேர்ந்திருக்கும் ( துன்ப ) நிலையையும் நீங்கள் கவனிக்கவில்லையா ?` என்று கேட்பார்கள் . அதற்கு ஆதம் அலைஹிஸ்ஸலாம் (" நான் செய்த தவற்றின் காரணத்தால் ) என் இறைவன் என் மீது இன்று ( கடும் ) கோபம் கொண்டிருக்கிறான் . இதற்கு முன் இதைப் போன்று அவன் கோபம் கொண்டதில்லை . இதற்குப் பிறகும் அவன் இதைப் போல் ஒரு போதும் கோபம் கொள்ளப் போவதுமில்லை . ( நான் நெருங்கக் கூடாத ஒரு ) மரத்திலிருந்து ( உண்ண வேண்டாமென்று ) என்னை அவன் தடுத்தான் . நான் அவனுக்கு மாறு செய்தேன் . என்னையே நான் காப்பாற்றிக்கொள்ள வேண்டியுள்ளது . என்னையே நான் காப்பாற்றிக்கொள்ள வேண்டியுள்ளது . என்னையே நான் காப்பாற்றிக் கொள்ளவேண்டியுள்ளது ` என்று கூறிவிட்டு " நீங்கள் வேறெவரிடமாவது செல்லுங்கள் . நீங்கள் ( இறைத்தூதர் ) நூஹிடம் செல்லுங்கள் `` என்று சொல்வார்கள் . உடனே மக்களும் நூஹ் அலைஹிஸ்ஸலாம் அவர்களிடம் சென்று " நூஹே ! நீங்கள் பூமியில் வசிப்பவர்களுக்கு ( அனுப்பப்பெற்ற ) முதல் ( புதிய சட்ட அமைப்புடன் வருகை தந்த ) இறைத்தூதர் ஆவீர்கள் . உங்களை அல்லாஹ் நன்றியுள்ள அடியார் என்று குறிப்பிட்டுள்ளான் . எங்களுக்காக உங்கள் இறைவனிடம் பரிந்து பேசுங்கள் . நாங்கள் ( சிக்கிக்கொண்டு ) இருக்கும் ( அவல ) நிலையை நீங்கள் கவனிக்க வில்லையா ?` என்று கேட்பார்கள் . அதற்கு நூஹ் அலைஹிஸ்ஸலாம் , " என் இறைவன் இன்று என் மீது ( கடும் ) கோபம் கொண்டுள்ளான் . இதற்கு முன் அவன் இதைப் போல் கோபம் கொண்டதில்லை . இதற்குப் பிறகும் அவன் இதைப் போல் ஒருபோதும் கோபம் கொள்ளப்போவதுமில்லை . ( எல்லா நபிமார்களுக்கும் இருப்பது போல் விசேஷமான ) பிரார்த்தனை ஒன்று எனக்கு ( வழங்கப்பட்டு ) இருந்தது . அதை நான் என் சமுதாயத்தினருக்கு எதிராகப் பயன்படுத்திவிட்டேன் . நான் என்னையே காப்பாற்றிக்கொள்ள வேண்டியுள்ளது . நான் என்னையே காப்பாற்றிக் கொள்ள வேண்டியுள்ளது ! நான் என்னையே காப்பாற்றிக்கொள்ள வேண்டியுள்ளது !` என்று கூறிவிட்டு , " நீங்கள் வேறெவரிடமாவது செல்லுங்கள் ; ( இறைவனின் உற்ற நண்பர் ) இப்ராஹீமிடம் செல்லுங்கள் ` என்பார்கள் . அவ்வாறே மக்களும் இப்ராஹீம் அலைஹிஸ்ஸலாம் அவர்களிடம் சென்று , " இப்ராஹீமே ! நீங்கள் இறைத்தூதரும் பூமியில் வசிப்பவர்களுள் இறைவனின் உற்ற நண்பரும் ஆவீர்கள் . எங்களுக்காக உங்கள் இறைவனிடம் பரிந்து பேசுங்கள் . நாங்கள் ( சிக்கிக்கொண்டு ) இருக்கும் ( அவல ) நிலையை நீங்கள் கவனிக்கவில்லையா ?` என்று கேட்பார்கள் . அதற்கு இப்ராஹீம் அலைஹிஸ்ஸலாம் , " என் இறைவன் இன்று என்மீது ( கடுங் ) கோபம் கொண்டுள்ளான் . இதற்கு முன்பும் இதைப் போல் அவன் கோபம் கொண்டதில்லை . இதற்குப் பிறகும் இதைப் போன்று அவன் ஒருபோதும் கோபம் கொள்ளப்போவதுமில்லை . நான் மூன்று பொய்களைச் சொல்லியுள்ளேன் . - அம்மூன்றையும் அறிவிப்பாளர் அபூ ஹய்யான் ரஹிமஹுல்லாஹ் இந்த ஹதீஸில் குறிப்பிடுகிறார்கள் .- நான் என்னையே காப்பாற்றிக்கொள்ள வேண்டியுள்ளது . நான் என்னையே காப்பாற்றிக்கொள்ள வேண்டியுள்ளது . நான் என்னையே காப்பாற்றிக் கொள்ளவேண்டியுள்ளது ! ( ஆகவே ,) வேறெவரிடமாவது நீங்கள் செல்லுங்கள் . ( இறைத் தூதர் ) மூஸாவிடம் செல்லுங்கள் ` என்று கூறுவார்கள் . அவ்வாறே மக்களும் மூஸா அலைஹிஸ்ஸலாம் அவர்களிடம் சென்று " மூஸாவே நீங்கள் அல்லாஹ்வின் தூதர் ஆவீர்கள் . தன்னுடைய தூதுத்துவத்தை வழங்கியும் உங்களிடம் உரையாடியும் மக்கள் அனைவரையும்விட உங்களை அல்லாஹ் மேன்மைப்படுத்தியுள்ளான் . ( ஆகவே ,) எங்களுக்காக உங்கள் இறைவனிடம் பரிந்து பேசுங்கள் . நாங்கள் ( சிக்கிக்கொண்டு ) இருக்கும் ( அவல ) நிலையை நீங்கள் கவனிக்கவில்லையா ?` என்று கூறுவார்கள் . அதற்கு மூஸா அலைஹிஸ்ஸலாம் " இன்று என் இறைவன் ( என்மீது கடும் ) கோபம் கொண்டுள்ளான் . இதற்கு முன்பும் இதைப் போல் அவன் கோபம் கொண்டதில்லை . இதற்குப் பின்பும் இதைப்போல் அவன் ஒருபோதும் கோபம் கொள்ளப் போவதுமில்லை . கொலை செய்யுமாறு எனக்கு ஆணையிடப்படாமலேயே நான் ஒரு மனித உயிரைக் கொலை செய்துவிட்டிருக்கிறேன் . நான் என்னையே காப்பாற்றிக்கொள்ள வேண்டியுள்ளது ! நான் என்னையே காப்பாற்றிக்கொள்ள வேண்டியுள்ளது ! நான் என்னையே காப்பாற்றிக் கொள்ளவேண்டி யுள்ளது . ( ஆகவே ,) வேறெவரிடமாவது நீங்கள் செல்லுங்கள் . ( இறைத்தூதர் ) ஈஸாவிடம் செல்லுங்கள் ` என்று கூறுவார்கள் . அவ்வாறே மக்கள் ஈஸா அலைஹிஸ்ஸலாம் அவர்களிடம் சென்று , " ஈஸாவே ! நீங்கள் அல்லாஹ்வின் தூதராக இருக்கிறீர்கள் . மர்யமிடம் இறைவனிட்ட அவனது வார்த்தையும் அவன் ( ஊதிய ) உயிரும் ஆவீர்கள் . நீங்கள் தொட்டிலில் சிறுவராய் இருந்தபோதே மனிதர்களிடம் பேசினீர்கள் . ( ஆகவே ,) எங்களுக்காக உங்கள் இறைவனிடம் பரிந்து பேசுங்கள் . நாங்கள் ( சிக்கிக்கொண்டு ) இருக்கும் ( அவல ) நிலையை நீங்கள் கவனிக்கவில்லையா ?` என்று கேட்பார்கள் . அதற்கு ஈஸா அலைஹிஸ்ஸலாம் , " என் இறைவன் இன்று ( என்மீது கடும் ) கோபம் கொண்டுள்ளான் . இதற்குமுன் அவன் இதைப்போல் கோபம் கொண்டதில்லை . இதற்குப் பிறகும் இதைப் போல் அவன் ஒருபோதும் கோபம் கொள்ளப்போவதுமில்லை .- ( தாம் புரிந்துவிட்டதாக ) எந்தப் பாவத்தையும் அவர்கள் குறிப்பிடாமல் - நான் என்னையே காப்பாற்றிக் கொள்ள வேண்டியுள்ளது ! நான் என்னையே காப்பாற்றிக்கொள்ள வேண்டியுள்ளது ! நான் என்னையே காப்பாற்றிக்கொள்ள வேண்டியுள்ளது ! ( ஆகவே ,) நீங்கள் வேறெவரிடமாவது செல்லுங்கள் ; நீங்கள் முஹம்மதிடம் செல்லுங்கள் ` என்று கூறுவார்கள் . அப்போது மக்கள் என்னிடம் வந்து " முஹம்மதே ! நீங்கள் அல்லாஹ்வின் தூதர் . இறைத்தூதர்களுள் இறுதியானவர் . உங்களது முன் பின் பாவங்களை இறைவன் மன்னித்து விட்டான் . எங்களுக்காக உங்கள் இறைவனிடம் பரிந்து பேசுங்கள் . நாங்கள் ( சிக்கிக்கொண்டு ) இருக்கும் ( அவல ) நிலையை நீங்கள் கவனிக்கவில்லையா ?` என்று கூறுவர் . அப்போது நான் நடந்து இறைவனின் அரியாசனத்திற்குக் கீழே சென்று , என் இறைவனுக்கு ( பணிந்து ) சஜ்தாவில் விழுவேன் . பிறகு இறைவன் எனக்கு முன் வேறெவருக்கும் ( உள்ளத்தில் ) உதிக்கச் செய்திராத இறைப் புகழ் மாலைகளையும் அழகிய தோத்திரங்களையும் எனக்கு உதிக்கச் செய்வான் . பிறகு " முஹம்மதே ! உங்கள் தலையை உயர்த்துங்கள் ! கேளுங்கள் ; அது உங்களுக்குத் தரப்படும் . பரிந்துரையுங்கள் ; உங்கள் பரிந்துரை ஏற்கப்படும் `` என்று சொல்லப்படும் . அப்போது நான் என் தலையை உயர்த்தி " இறைவா ! என் சமுதாயம் . இறைவா ! என் சமுதாயம் ` என்பேன் . அதற்கு " முஹம்மதே ! சொர்க்கத்தின் . வாசல்களில் வலப்பக்க வாசல் வழியாக எந்த விதக் கேள்வி கணக்கும் இல்லாமல் உங்கள் சமுதாயத்தார் சிலரை நுழையச் செய்யுங்கள் ; அவர்கள் மற்ற வாசல்களிலும் மக்களுடன் இணைந்து நுழைந்து கொள்ளலாம் ` என்று கூறப்படும் . என் உயிர் எவன் கையில் உள்ளதோ அவன் மீது சத்தியமாக ! சொர்க்க வாசலின் இரு பக்கங்களுக்கிடையேயான தூரம் " மக்காவிற்கும் ( யமனிலுள்ள ) " ஹிம்யர் ` எனும் ஊருக்கும் இடையிலுள்ள ` அல்லது " மக்காவிற்கும் ( ஷாமிலுள்ள ) புஸ்ரா எனும் ஊருக்கும் இடையிலுள்ள ` தூரமாகும் `` என்று கூறினார்கள் .

நபி ஸல்லல்லாஹு அலைஹி வஸல்லம் கூறியதாக அனஸ் பின் மாலிக் ரளியல்லாஹு அன்ஹு அறிவிப்பதாவது : என்னுடைய பரிந்துரை என் சமுதாயத்தில் பெரும் பாவம் செய்தவர்களுக்குத்தான் .

அவ்ஃப் பின் மாலிக் அல்அஷ்ஜஈ ரளியல்லாஹு அன்ஹு அறிவிப்பதாவது : “ என் இறைவன் இன்றிரவு எனக்கு எதைத் தேர்ந்தெடுத்துக் கொள்ளச் சொன்னான் என்று உங்களுக்குத் தெரியுமா ?” என அல்லாஹ்வின் தூதர் ஸல்லல்லாஹு அலைஹி வஸல்லம் வினவினார்கள் . அதற்கு நாங்கள் , “ அல்லாஹ்வும் அவனுடைய தூதருமே நன்கறிவர் ” என்றுரைத்தோம் . அப்போது அவர்கள் , “ திண்ணமாக அவன் என் சமுதாயத்தில் பாதிப்பேரைச் சொர்க்கத்தில் நுழைய வைத்தலுக்கும் பரிந்துரைக்கும் இடையே ( எதையேனும் ஒன்றைத் ) தேர்ந்தெடுத்துக் கொள்ளுமாறு வாய்ப்புக் கொடுத்தான் . அப்போது நான் பரிந்துரை செய்யும் உரிமையைத் தேர்ந்தெடுத்துக் கொண்டேன் ” என்று கூறினார்கள் . “ அல்லாஹ்வின் தூதரே , அதற்குத் தகுதியானவர்களாக நாங்கள் ஆகுவதற்காகத் தாங்கள் பிரார்த்தனை செய்யுங்கள் ” என்று நாங்கள் கூறினோம் . “ அது ஒவ்வொரு முஸ்லிமுக்கும் உரியது ” என்றுரைத்தார்கள் .

அல்லாஹ்வின் தூதர் ஸல்லல்லாஹு அலைஹி வஸல்லம் கூறியதாக அபூசயீத் அல்குத்ரீ ரளியல்லாஹு அன்ஹு அறிவிப்பதாவது : ( மறுமை நாளில் ) அல்லாஹ் ( ஆதி மனிதரை நோக்கி ) " ஆதமே !` என்று அழைப்பான் . அதற்கு அவர்கள் “( இறைவா !) இதோ கீழ்ப்படியக் காத்திருக்கிறேன் . ( கட்டளையிடு .) நலம் அனைத்தும் உன் கரங்களில்தான் `` என்று கூறுவார்கள் . அப்போது அல்லாஹ் "( உங்கள் சந்ததிகளில் ) நரகத்திற்குச் செல்லவிருப்பவர்களை ( மற்றவர்களிலிருந்து ) தனியாகப் பிரித்திடுங்கள் `` என்று கூறுவான் . ஆதம் அலைஹிஸ்ஸலாம் “ எத்தனை நரகவாசிகளை ?`` என்று கேட்பார்கள் . அதற்கு அவன் “ ஓவ்வோர் ஆயிரம் பேரிலிருந்தும் தொள்ளாயிரத்துத் தொண்ணூற்றொன்பது பேரை ( த் தனியாகப் பிரித்திடுங்கள் )`` என்று பதிலளிப்பான் . ( அப்போதுள்ள பயங்கரமான சூழ்நிலையின் காரணத்தால் ) பாலகன்கூட நரைத்து ( மூப்படைந்து ) விடுகின்ற , கர்ப்பம் கொண்ட ஒவ்வொரு பெண்ணும் கர்ப்பத்தை ( ப் பீதியின் காரணத்தால் அரைகுறையாக ) ப் பிரசவித்து விடுகின்ற நேரம் இதுதான் . மக்களை ( அச்சத்தால் ) போதையுற்றவர்களாக நீங்கள் காண்பீர்கள் . ஆனால் , அவர்கள் ( உண்மையிலேயே மதுவால் ) போதையுற்றிருக்கமாட்டார்கள் . மாறாக , அல்லாஹ்வின் வேதனை கடுமையானதாகும் . இவ்வாறு நபியவர்கள் கூறியது மக்களுக்குச் சிரமமாக இருந்தது . எனவே , அவர்கள் " அல்லாஹ்வின் தூதரே ! ( ஒவ்வோர் ஆயிரத்திலும் நரகத்திற்குச் செல்லாமல் எஞ்சியிருக்கும் ) அந்த ஒரு நபர் எங்களுள் யார் ?`` என்று கேட்டார்கள் . நபி ஸல்லல்லாஹு அலைஹி வஸல்லம் , “( பயப்படாதீர்கள் ;) நற்செய்தி பெறுங்கள் . யஃஜூஜ் மஃஜூஜ் கூட்டத்தாரில் ஆயிரம் பேர் என்றால் , உங்களுள் ஒருவர் ( நரகத்திற்குச் செல்ல தனியாகப் பிரிக்கப்பட்டோரில் ) இருப்பார் `` என்று கூறிவிட்டுப் பிறகு , “ என் உயிர் எவன் கையிலுள்ளதோ அவன் மீதாணையாக ! நீங்கள் சொர்க்கவாசிகளில் மூன்றில் ஒரு பங்கினராக இருக்க வேண்டும் என்று நான் பேராவல் கொள்கின்றேன் `` எனக் கூறினார்கள் . உடனே நாங்கள் அல்லாஹ்வைப் புகழ்ந்து தக்பீர் ( அல்லாஹு அக்பர் ) முழக்கமிட்டோம் . பிறகு , நபி ஸல்லல்லாஹு அலைஹி வஸல்லம் “ என் உயிர் எவன் கையிலுள்ளதோ அவன் மீதாணையாக ! நீங்கள் சொர்க்கவாசிகளில் பாதிப் பேராக இருக்க வேண்டுமென நான் பேராவல் கொள்கின்றேன் . மற்ற சமுதாயங்களோடு ஒப்பிடுகையில் நீங்கள் கறுப்புக் காளை மாட்டின் தோலிலுள்ள வெள்ளை முடியைப் போன்று , அல்லது கழுதையின் காலிலுள்ள வெள்ளைச் சொட்டையைப் போன்று இருக்கிறீர்கள் `` என்று சொன்னார்கள் .

அல்லாஹ்வின் தூதர் ஸல்லல்லாஹு அலைஹி வஸல்லம் கூறியதாக அபூமூசா அல்அஷ்அரீ ரளியல்லாஹு அன்ஹு அறிவிப்பதாவது : வல்லமையும் மாண்பும் மிக்க அல்லாஹ் மறுமை நாளில் ஒவ்வொரு முஸ்லிமிடமும் ஒரு யூதரை அல்லது கிறிஸ்தவரை ஒப்படைத்து , " இவன்தான் உன்னை நரகத்திலிருந்து விடுவித்தான் `` என்று சொல்வான் .

அல்லாஹ்வின் தூதர் ஸல்லல்லாஹு அலைஹி வஸல்லம் கூறியதாக அனஸ் பின் மாலிக் ரளியல்லாஹு அன்ஹு அறிவிப்பதாவது : திண்ணமாக இந்தச் சமுதாயம் அருள்புரியப்பட்ட சமுதாயம் . ( இவ்வுலகில் ) அதனுடைய வேதனை அதன் கைகளில் உள்ளது . மறுமை நாளில் , ஒவ்வொரு முஸ்லிமுக்கும் இணைவைப்பாளர்களிலிருந்து ஓர் ஆள் கொடுக்கப்படும் . இவன்தான் நரகத்திலிருந்து உனக்கான பிணை என்று கூறப்படும் .

ஸஃப்வான் பின் முஹ்ரிஸ் அல் மாஸினீ ரஹிமஹுல்லாஹ் கூறியதாவது : நான் இப்னு உமர் ரளியல்லாஹு அன்ஹு அவர்களுடன் , அவர்களுடைய கையைப் பிடித்தபடி சென்று கொண்டிருந்த போது ஒரு மனிதர் குறுக்கிட்டு , "( மறுமை நாளில் அல்லாஹ்வுக்கும் அவனது அடியார்களுக்குமிடையே நடைபெறும் ) இரகசியப் பேச்சு பற்றி அல்லாஹ்வின் தூதரிடமிருந்து என்ன செவியுற்றீர்கள் ?`` என்று கேட்டார் . அதற்கு இப்னு உமர் ரளியல்லாஹு அன்ஹு , “ அல்லாஹு தஆலா முஃமினைத் தன் பக்கம் நெருங்கச் செய்து , அவன்மீது தன் திரையைப் போட்டு அவனை மறைத்து விடுவான் . பிறகு அவனை நோக்கி , " நீ செய்த இன்ன பாவம் உனக்கு நினைவிருக்கிறதா ? நீ செய்த இன்ன பாவம் உனக்கு நினைவிருக்கிறதா ?` என்று கேட்பான் . அதற்கு அவன் , " ஆம் , என் இறைவா !` என்று கூறுவான் . ( இப்படி ஒவ்வொரு பாவமாக எடுத்துக் கூறி ) அவன் ( தான் செய்த ) எல்லாப் பாவங்களையும் ஒப்புக் கொள்ளச் செய்வான் . அந்த முஃமின் , " நாம் இத்தோடு ஒழிந்தோம் ` என்று தன்னைப் பற்றிக் கருதிக் கொண்டிருக்கும்போது இறைவன் , " இவற்றையெல்லாம் உலகில் நான் பிறருக்குத் தெரியாமல் மறைத்து வைத்திருந்தேன் . இன்று உனக்கு அவற்றை மன்னித்து விடுகிறேன் ` என்று கூறுவான் . அப்போது அவனது நற்செயல்களின் பதிவேடு அவனிடம் கொடுக்கப்படும் . நிராகரிப்பாளர்களையும் , நயவஞ்சகர்களையும் நோக்கி சாட்சியாளர்கள் , " இவர்கள்தாம் , தம் இறைவன்மீது பொய்யைப் புனைந்துரைத்தவர்கள் . எச்சரிக்கை ! இத்தகைய அக்கிரமக்காரர்கள்மீது இறைவனின் சாபம் உண்டாகும் ` என்பார்கள் ` (11: 18) என நபி ஸல்லல்லாஹு அலைஹி வஸல்லம் கூற நான் கேட்டிருக்கிறேன் `` என்று கூறினார்கள் .

அல்லாஹ்வின் தூதர் ஸல்லல்லாஹு அலைஹி வஸல்லம் கூறியதாக அபூசஈத் அல்குத்ரீ ரளியல்லாஹு அன்ஹு அறிவிப்பதாவது : முஃமின்கள் நரகத்திலிருந்து தப்பி வரும்போது , சொர்க்கத்திற்கும் நரகத்திற்கும் இடையிலுள்ள ஒரு பாலத்தில் தடுத்து நிறுத்தப்படுவார்கள் . அப்போது உலகில் ( வாழ்ந்தபோது ) அவர்களுக்கிடையே நடந்த அநீதிகளுக்கு அந்தப் பாலத்திலேயே ஒருவருக்கொருவர் கணக்குத் தீர்த்துக் கொள்வார்கள் . இறுதியில் , அவர்கள் பாவங்களிலிருந்து நீங்கித் தூய்மையாகிவிடும்போது சொர்க்கத்தில் நுழைய அவர்களுக்கு அனுமதி வழங்கப்படும் . முஹம்மதின் உயிரைத் தன் கையில் வைத்திருப்பவன்மீது சத்தியமாக ! அவர்கள் சொர்க்கத்தில் உள்ள தம் வசிப்பிடத்தை , உலகில் அவர்களுக்கிருந்த இல்லத்தைவிட எளிதாக அடையாளம் கண்டு கொள்வார்கள் .

அபூஹுரைரா ரளியல்லாஹு அன்ஹு கூறியதாவது : ( ஒரு முறை ) அல்லாஹ்வின் தூதர் ஸல்லல்லாஹு அலைஹி வஸல்லம் ( மக்களிடம் ), “ திவாலாகிப் போனவன் என்றால் யார் என்று உங்களுக்குத் தெரியுமா ?`` என்று கேட்டார்கள் . மக்கள் , “ யாரிடம் வெள்ளிக் காசோ ( திர்ஹம் ) பொருட்களோ இல்லையோ அவர்தாம் எங்களைப் பொருத்தவரை திவாலானவர் `` என்று பதிலளித்தார்கள் . அல்லாஹ்வின் தூதர் ஸல்லல்லாஹு அலைஹி வஸல்லம் , “ என் சமுதாயத்தாரில் திவாலாகிப்போனவர் ஒருவராவார் . அவர் மறுமை நாளில் தொழுகை , நோன்பு , ஸகாத் ஆகியவற்றுடன் வருவார் . ( அதே நேரத்தில் ) அவர் ஒருவரைத் திட்டியிருப்பார் . ஒருவர் மீது அவதூறு சொல்லியிருப்பார் . ஒருவரது பொருளை ( முறைகேடாக ) ப் புசித்திருப்பார் . ஒருவரது இரத்தத்தைச் சிந்தியிருப்பார் . ஒருவரை அடித்திருப்பார் . ஆகவே , அவருடைய நன்மைகளிலிருந்து சில இவருக்குக் கொடுக்கப்படும் ; இன்னும் சில அவருக்குக் கொடுக்கப்படும் . அவருடைய நன்மைகளிலிருந்து எடுத்துக் கொடுப்பதற்குமுன் நன்மைகள் தீர்ந்துவிட்டால் , ( அவரால் பாதிக்கப்பட்ட ) மக்களின் பாவங்களிலிருந்து சில எடுக்கப்பட்டு , இவர் மீது போடப்படும் . பிறகு அவர் நரக நெருப்பில் தூக்கியெறியப்படுவார் ( அவரே திவாலாகிப் போனவர் )`` என்று கூறினார்கள் .

அல்லாஹ்வின் தூதர் ஸல்லல்லாஹு அலைஹி வஸல்லம் கூறியதாக அபூஹுரைரா ரளியல்லாஹு அன்ஹு அறிவிப்பதாவது : மறுமை நாளில் உரிமைகளை உரியவர்களிடம் நிச்சயமாக நீங்கள் ஒப்படைப்பீர்கள் . எந்த அளவுக்கென்றால் , கொம்பில்லாத ஆட்டுக்காக ( அதை முட்டிய ) கொம்புள்ள ஆட்டிடம் பழிவாங்கப்படும் .

அனஸ் பின் மாலிக் ரளியல்லாஹு அன்ஹு கூறியதாவது : ( ஒரு முறை ) நாங்கள் அல்லாஹ்வின் தூதர் ஸல்லல்லாஹு அலைஹி வஸல்லம் அருகில் இருந்தோம் . அப்போது அவர்கள் சிரித்துவிட்டு , “ நான் சிரித்ததற்குக் காரணம் என்னவென்று உங்களுக்குத் தெரியுமா ?`` என்று கேட்டார்கள் . நாங்கள் “ அல்லாஹ்வும் அவனுடைய தூதருமே நன்கறிந்தவர்கள் `` என்று சொன்னோம் . அல்லாஹ்வின் தூதர் ஸல்லல்லாஹு அலைஹி வஸல்லம் , “ ஓர் அடியான் தன் இறைவனுடன் ( மறுமை நாளில் ) உரையாடுவது குறித் ( து நினைத் ) தே ( சிரித்தேன் )`` என்று கூறிவிட்டுப் பின்வருமாறு சொன்னார்கள் : அடியான் ( தன் இறைவனிடம் ), “ என் இறைவா ! நீ எனக்கு அநீதியிழைப்பதிலிருந்து பாதுகாப்பு வழங்குவாய் என உறுதியளிப்பாய் அல்லவா ?`` என்று கேட்பான் . அதற்கு இறைவன் , ` ஆம் ` என்பான் . அடியான் , “ அவ்வாறாயின் , எனக்கெதிராக ( சாட்சியம் கூற ) என்னிலிருந்து தவிர வேறெந்தச் சாட்சியத்தையும் நான் அனுமதிக்கமாட்டேன் `` என்று கூறுவான் . அதற்கு இறைவன் , “ இன்றைய தினம் உனக்கெதிராகச் சாட்சியமளிக்க நீயும் கண்ணியமிக்க எழுத்தர் ( களான வானவர் ) களுமே போதும் `` என்பான் . பிறகு அவனது வாய்க்கு முத்திரையிடப்படும் . அவனுடைய உறுப்புகளிடம் , “ பேசுங்கள் `` என்று சொல்லப்படும் . உடனே அவை அந்த அடியான் செய்த செயல்களைப் பற்றி எடுத்துரைக்கும் . பிறகு அந்த அடியானும் உறுப்புகளும் தனியாகப் பேசுவதற்கு அனுமதியளிக்கப்படும் . அப்போது அந்த அடியான் , “ உங்களுக்கு நாசமுண்டாகட்டும் ! தொலைந்து போங்கள் . உங்களுக்காகத்தானே நான் ( இவ்வளவு நேரம் இறைவனிடம் ) வழக்காடினேன் `` என்று ( தன் உறுப்புகளிடம் ) சொல்வான் .

அல்லாஹ்வின் தூதர் ஸல்லல்லாஹு அலைஹி வஸல்லம் கூறியதாக அபூபர்ஸா அல்அஸ்லமீ ரளியல்லாஹு அன்ஹு அறிவிப்பதாவது : மறுமை நாளில் ஓர் அடியானிடம் ( பின்வரும் விஷயங்கள் குறித்து ) விசாரணை செய்யப்படுவதற்கு முன் அவனுடைய பாதங்கள் ( நின்ற இடத்திலிருந்து ) நகர முடியாது . 1. அவன் வாழ்நாள்-அதை எவ்வாறு கழித்தான் ? 2. அவன் கற்ற கல்வி-அதைக் கொண்டு எவ்விதம் செயல்பட்டான் ? 3. அவன் பொருளாதாரம்-அதை எங்கிருந்து திரட்டினான் ? 4. அ( ப்பொருளாதாரத் ) தை எவ்வாறு செலவிட்டான் ? 5. அவன் உடல் - அதை எதில் ஈடுபடுத்தினான் ?

நபி ஸல்லல்லாஹு அலைஹி வஸல்லம் கூறியதாக அனஸ் ரளியல்லாஹு அன்ஹு அறிவிப்பதாவது : யார் ( துருவித் துருவி ) கணக்கு கேட்கப்பட்டானோ அவன் வேதனை செய்யப்படுவான் .

ஆயிஷா ரளியல்லாஹு அன்ஹா அறிவிப்பதாவது : அல்லாஹ்வின் தூதர் ஸல்லல்லாஹு அலைஹி வஸல்லம் அவர்களிடம் , எளிமையான முறையில் கேள்வி கணக்கு கேட்கப்படுவது குறித்துக் கேட்டேன் . “ அல்லாஹ்வின் தூதரே ! எளிமையான முறையில் கேள்வி கணக்கு கேட்கப்படுதல் என்றால் என்ன ?” என்று கேட்டேன் . அதற்கு அவர்கள் , “ ஒரு மனிதனிடம் அவனது பாவங்களெல்லாம் எடுத்துக் காட்டப்படும் . பிறகு அவனுக்கு அவனுடைய பாவங்கள் மன்னிக்கப்படும் . நிச்சயமாக எவன் துருவித் துருவிக் கேட்கப்பட்டானோ அவன் அழிந்தான் . ஒரு மனிதருக்கு முள்ளோ அதற்கு மேலோ ( ஏதேனும் பொருள் ) தொல்லை கொடுத்தால் அதன் காரணமாக அல்லாஹ் அவருடைய பாவங்களுக்கு அதைப் பரிகாரமாக ஆக்காமல் இருப்பதில்லை ” என்று கூறினார்கள் .

அபூஹுரைரா ரளியல்லாஹு அன்ஹு கூறியதாவது : மக்களுள் சிலர் “ அல்லாஹ்வின் தூதரே ! மறுமையில் நாங்கள் எங்கள் இறைவனைக் காண்போமா ?`` என்று நபி ஸல்லல்லாஹு அலைஹி வஸல்லம் அவர்களிடம் கேட்டார்கள் . அப்போது நபி அவர்கள் “ மேகம் மறைக்காத சூரியனைக் காண்பதில் உங்களுக்குச் சிரமம் உண்டா ?`` என்று கேட்டார்கள் . மக்கள் “ இல்லை ; அல்லாஹ்வின் தூதரே !`` என்று பதிலளித்தார்கள் . நபி ஸல்லல்லாஹு அலைஹி வஸல்லம் “ பௌர்ணமி இரவில் மேகம் மறைக்காத முழு நிலவைக் காண்பதில் உங்களுக்குச் சிரமம் உண்டா ?`` என்று கேட்டார்கள் . மக்கள் “( சிரமம் ) இல்லை ; அல்லாஹ்வின் தூதரே !`` என்று பதிலளித்தார்கள் . நபி ஸல்லல்லாஹு அலைஹி வஸல்லம் கூறினார்கள் : இவ்வாறுதான் மறுமை நாளில் உங்கள் இறைவனை நீங்கள் காண்பீர்கள் . அல்லாஹ் மனிதர்களை ( மறுமை மன்றத்தில் ) ஒன்று கூட்டி “( உலகத்தில் ) யார் எதை வணங்கிக் கொண்டிருந்தார்களோ அதைப் பின் தொடர்ந்து செல்லட்டும் `` என்பான் . ஆகவே , சூரியனை வணங்கிக் கொண்டிருந்தவர்கள் ( சூரியனைப் ) பின்தொடர்ந்து செல்வார்கள் . சந்திரனை வணங்கிக் கொண்டிருந்தவர்கள் ( அதைப் ) பின்தொடர்ந்து செல்வார்கள் . ஷைத்தான்களை வணங்கிக் கொண்டிருந்தவர்கள் ( அவற்றைப் ) பின்பற்றிச் செல்வார்கள் . இறுதியில் இந்தச் சமுதாயத்தார் மட்டும் எஞ்சியிருப்பார்கள் . அவர்களிடையே நயவஞ்சகர்களும் இருப்பார்கள் . அப்போது இறைவன் , அவர்கள் அறிந்து கொள்ள முடியாத தோற்றத்தில் அவர்களிடம் வந்து “ நான்தான் உங்கள் இறைவன் `` என்பான் . உடனே அவர்கள் “ உன்னிடமிருந்து அல்லாஹ்விடம் நாங்கள் பாதுகாப்புக் கோருகிறோம் . எங்கள் இறைவன் எங்களிடம் வரும் வரை நாங்கள் இங்கேயே இருப்போம் . எங்கள் இறைவன் எங்களிடம் வந்தால் அவனை நாங்கள் அறிந்து கொள்வோம் `` என்பர் . அப்போது இறைவன் அவர்கள் அறிந்து கொள்ளும் விதத்திலான தோற்றத்தில் அவர்களிடம் வந்து “ நானே உங்கள் இறைவன் `` என்பான் . அதற்கு அவர்கள் “ நீயே எங்கள் இறைவன் `` என்று கூறிவிட்டு அவனைப் பின்தொடர்ந்து செல்வார்கள் . அங்கு நரகத்தின் மீது பாலம் அமைக்கப்படும் . அல்லாஹ்வின் தூதர் ஸல்லல்லாஹு அலைஹி வஸல்லம் கூறினார்கள் : நானே ( அந்தப் பாலத்தைக் ) கடப்பவர்களுள் முதல் ஆளாக இருப்பேன் . அப்போதைய நிலையில் இறைத்தூதர்கள் . அனைவரின் பிரார்த்தனையும் “ அல்லாஹ்வே ! காப்பாற்று காப்பாற்று ” என்பதாகவே இருக்கும் . அந்தப் பாலத்தில் கொக்கிகள் மாட்டப்பட்டிருக்கும் . அவை கருவேல மரத்தின் முற்களைப் போன்றிருக்கும் . “ கருவேல மர முள்ளை நீங்கள் பார்த்த தில்லையா ?`` என்று கேட்டார்கள் . மக்கள் “ ஆம் ( பார்த்திருக்கிறோம் ) அல்லாஹ்வின் தூதரே !`` என்று பதிலளித்தார்கள் . ( தொடர்ந்து ) அல்லாஹ்வின் தூதர் ஸல்லல்லாஹு அலைஹி வஸல்லம் கூறினார்கள் : அந்தக் கொக்கிகள் கருவேல மரத்தின் முள்ளைப் போன்று இருக்கும் . ஆயினும் , அதன் பருமனை அல்லாஹ்வைத் தவிர வேறெவரும் அறியமாட்டார்கள் . அப்போது அந்தக் கொக்கிகள் மக்களை அவர்களின் செயல்களுக்கேற்பக் கவ்விப் பிடிக்கும் . அவர்களுள் ( இறைமறுப்பு உள்ளிட்ட ) தன் ( தீய ) செயல்களால் அழிந்துபோனவரும் இருப்பார் . ( இறைநம்பிக்கை இருந்தாலும் பாவம் செய்த காரணத்தால் ) மூர்ச்சையாகிப் பிறகு பிழைத்துக் கொள்பவரும் இருப்பார் . இறுதியாக இறைவன் , தன் அடியார்களிடையே தீர்ப்பு வழங்கி முடித்தபின் , வணக்கத்திற்குரியவர் அல்லாஹ்வைத் தவிர வேறெவருமில்லை என்று உறுதி கூறியவர்களில் தான் நாடிய சிலரை நரகத்திலிருந்து வெளியேற்ற விரும்புவான் . அப்போது அவர்களை வெளியேற்றுமாறு வானவர்களுக்கு ஆணையிடுவான் . வானவர்கள் அவர்களை சஜ்தாவின் ( சிரவணக்கத்தின் ) அடையாளங்களை வைத்து இனம் கண்டுகொள்வார்கள் . ( ஏனெனில் ,) அல்லாஹ் நரகத்திற்கு , மனிதனை அவனிலுள்ள சஜ்தாவின் அடையாளத்தில் தீண்டக் கூடாதெனத் தடை விதித்துள்ளான் . ஆகவே , வானவர்கள் அவர்களை ( நரகத்திலிருந்து ) வெளியேற்றுவார்கள் . அப்போது அவர்கள் ( நரக நெருப்பில் ) கரிக்கப்பட்டிருப்பார்கள் . எனவே , அவர்கள் மீது " மாஉல் ஹயாத் ` எனப்படும் ( ஜீவ ) நீர் ஊற்றப்படும் . உடனே அவர்கள் சேற்று வெள்ளத்தில் விதைபயிர் முளைப்பதைப் போன்று ( புதுப் பொலிவுடன் ) நிறம் மாறி விடுவார்கள் . அவர்களுள் தமது முகத்தால் நரகத்தை முன்னோக்கிக் கொண்டிருக்கும் ஒரு மனிதர் மட்டும் எஞ்சுவார் . அவர் “ என் இறைவா ! நரகத்தின் ( வெப்பக் ) காற்றால் எனக்கு மூச்சடைக்கிறது . அதன் ஜுவாலை என்னைக் கரித்துவிட்டது . ஆகவே , நரகத்தை விட்டு என் முகத்தை ( வேறு பக்கம் ) திருப்பி விடுவாயாக !`` என்று அல்லாஹ்விடம் பிரார்த்தித்துக் கொண்டேயிருப்பார் . அப்போது அல்லாஹ் “( உன் கோரிக்கையை ஏற்று ) இதை நான் உனக்கு வழங்கிவிட்டால் வேறொரு கோரிக்கையையும் நீ முன்வைக்கலாம் அல்லவா ?`` என்று கேட்பான் . அதற்கு அவர் “ இல்லை ; உன் கண்ணியத்தின் மீதாணையாக ! வேறெதையும் உன்னிடம் நான் கேட்க மாட்டேன் `` என்பார் . ஆகவே , இறைவன் அவரது முகத்தை நரகத்தைவிட்டு ( வேறு பக்கம் ) திருப்பிவிடுவான் . அதற்குப் பிறகு “ என் இறைவா ! சொர்க்கத்தின் வாசல் அருகே என்னைக் கொண்டு செல்வாயாக !`` என்பார் அவர் . அதற்கு இறைவன் “ வேறெதையும் உன்னிடம் கேட்கமாட்டேன் என்று நீ கூறவில்லையா ? மனிதா ! உனக்குக் கேடுதான் . உன்னுடைய ஏமாற்று வேலைதான் என்ன !`` என்பான் . ஆனால் , அவர் தொடர்ந்து வேண்டிக்கொண்டே இருப்பார் . அப்போது இறைவன் “ நீ கேட்டதை உனக்கு நான் கொடுத்தால் இன்னொன்றையும் நீ என்னிடம் கேட்கக்கூடும் `` என்பான் . அதற்கு அவர் “ இல்லை ; உன் கண்ணியத்தின் மீதாணையாக ! இதுவல்லாத வேறெதையும் உன்னிடம் கேட்கமாட்டேன் `` என்று சொல்லிவிட்டு , வாக்குறுதிகளையும் உறுதிமொழிகளையும் அவர் இறைவனிடம் வழங்குவார் . இதையடுத்து இறைவன் அவரைச் சொர்க்கத்தின் வாசல் அருகே கொண்டு செல்வான் . சொர்க்கத்திற்குள் இருப்பவற்றைக் காணும்போது அல்லாஹ் நாடிய நேரம் வரை மௌனமாக இருப்பார் . பிறகு “ இறைவா ! என்னைச் சொர்க்கத்திற்கு அனுப்புவாயாக !`` என்று கூறுவார் . பின்னர் இறைவன் “ வேறெதையும் உன்னிடம் கேட்கமாட்டேன் என்று நீ சொல்லவில்லையா ? மனிதா ! உனக்குக் கேடுதான் . உனது ஏமாற்று வேலைதான் என்ன !`` என்று கேட்பான் . அதற்கு “ என் இறைவா ! என்னை உன் படைப்புகளிலேயே நற்கதியற்றவனாக ஆக்கிவிடாதே !`` என்று இறைவன் சிரிக்கும் வரை பிரார்த்தனை செய்துகொண்டே இருப்பார் . அவரைக் கண்டு இறைவன் சிரித்துவிடும்போது சொர்க்கத்தில் நுழைய அவருக்கு இறைவன் அனுமதி வழங்கிடுவான் . சொர்க்கத்திற்குள் அவர் நுழைந்த பின் , “ நீ ( விரும்பிய ) இன்னதை ஆசைப்படலாம் `` என்று சொல்லப்படும் . அவ்வாறே அவரும் ஆசைப்படுவார் . பிறகு ( மீண்டும் ) “ நீ ( விரும்பிய ) இன்னதை ஆசைப்படலாம் `` என்று சொல்லப்படும் . அவ்வாறே அவரும் ஆசைகள் முழுதும் முற்றுப் பெறும்வரை ஆசைப்பட்டு ( தன் விருப்பங்களைத் தெரிவித்து ) க்கொண்டே இருப்பார் . அப்போது இறைவன் “ இது உனக்குக் கிடைக்கும் ; இதைப் போன்று இன்னொரு மடங்கும் உனக்குக் கிடைக்கும் `` என்பான் . அறிவிப்பாளர் அபூஹுரைரா ரளியல்லாஹு அன்ஹு கூறினார்கள் : இந்த மனிதர்தாம் சொர்க்கத்தில் நுழையும் இறுதி மனிதராவார் . அதாஉ பின் யஸீத் ரஹிமஹுல்லாஹ் கூறியதாவது : ( மேற்கண்ட ஹதீஸை ) அபூஹுரைரா ரளியல்லாஹு அன்ஹு ( அறிவித்தபோது , அவர்கள் ) உடன் அபூசயீத் அல்குத்ரீ ரளியல்லாஹு அன்ஹு அவர்களும் அமர்ந்திருந்தார்கள் . அன்னார் இந்த ஹதீஸ் தொடர்பாக எந்த மாற்றத்தையும் தெரிவிக்கவில்லை . ஆனால் , “ இது உனக்குக் கிடைக்கும் ; இதைப் போன்று இன்னொரு மடங்கும் உனக்குக் கிடைக்கும் `` என்று கூறியபோதுதான் , அபூசயீத் ரளியல்லாஹு அன்ஹு , “ இதுவும் இதைப் போன்று பத்து மடங்கும் உனக்குக் கிடைக்கும் `` என்று அல்லாஹ்வின் தூதர் ஸல்லல்லாஹு அலைஹி வஸல்லம் கூறக் கேட்டேன் `` என்றார்கள் . அபூஹுரைரா ரளியல்லாஹு அன்ஹு , “ இதைப் போன்று இன்னொரு மடங்கு `` என்றே நான் மனனமிட்டுள்ளேன் என்று கூறினார்கள் .

அனஸ் பின் மாலிக் ரளியல்லாஹு அன்ஹு கூறியதாவது : நான் நபி ஸல்லல்லாஹு அலைஹி வஸல்லம் அவர்களிடம் , “ மறுமை நாளில் எனக்காக நீங்கள் பரிந்துரை செய்வீர்களா ?” என்று கேட்டேன் . அதற்கு நபி ஸல் அவர்கள் , “ அவ்வாறே செய்கிறேன் ” என்று கூறினார்கள் . “ அல்லாஹ்வின் தூதரே ! அப்போது உங்களை நான் எங்கே தேடுவேன் ?” என்று வினவினேன் . அதற்கு நபி ஸல்லல்லாஹு அலைஹி வஸல்லம் “ என்னை நீ தேடுவதிலேயே முதலாவதாக அஸ்ஸிராத் பாலத்தின்மீது தேடு ” என்றார்கள் . “ அந்தப் பாலத்தின்மீது தங்களை நான் சந்திக்க முடியாவிட்டால் ?” என்று கேட்டேன் . “ அப்போது ( மனிதர்களின் நன்மை தீமைகள் நிறுக்கப்படும் ) தராசு அருகில் தேடு ” என்றார்கள் . “ தராசின் அருகிலும் நான் தங்களைச் சந்திக்க முடியாவிட்டால் ?” என்று கேட்டேன் . அதற்கு அவர்கள் , “ அப்போது என்னை நீ ( அல்கவ்ஸர் எனும் ) தடாகத்தின் அருகில் தேடு ; ஏனெனில் இம்மூன்று இடங்களில் ( ஒன்றிலிருந்து ) நான் தவறிப்போக மாட்டேன் ” என்று கூறினார்கள் .

அல்லாஹ்வின் தூதர் ஸல்லல்லாஹு அலைஹி வஸல்லம் கூறியதாக அபூசஈத் ரளியல்லாஹு அன்ஹு அறிவிப்பதாவது : ஸிராத் ( கடக்கும் பாதை ) சஅதான் மர முள்களைப் போன்ற முள்கள்மீது , நரகத்தின் இருபுறங்களுக்கிடையே அமைக்கப்படும் . பின்னர் மக்கள் அதைக் கடந்து செல்வார்கள் . ( அப்போது அவர்களுள் சிலர் ) நல்ல முறையில் கடந்து சென்றுவிடுவார்கள் . பின்னர் ( அவர்களுள் சிலர் ) கடந்து சென்று இடையில் நிற்பார்கள் . ( அவர்களுள் சிலர் அதனுள் ) தலைகீழாக விழுவார்கள் .

அபூதர் ரளியல்லாஹு அன்ஹு அறிவிப்பதாவது : என்னுடைய உற்ற தோழர் ஸல்லல்லாஹு அலைஹி வஸல்லம் என்னிடம் உறுதி கூறினார்கள் . நிச்சயமாக நரகத்தின் பாலத்தையன்றி ( வேறு ஒரு ) பாதை உள்ளது . அது வழுக்குப் பாதையாகும் . நிச்சயமாக நாம் - நம்முடைய சுமைகளில் நடுநிலையாக உள்ள நிலையில் - அதன்மீது வருவோம் . ( மற்றோர் அறிவிப்பில் , “ நம்முடைய சுமைகள் மென்மையாக உள்ள நிலையில் ” என்று உள்ளது ) நாம் கண்ணியவான்களாக உள்ள நிலையில் , அதன்மீது வருவதிலிருந்து தப்பிக்க நான் அதிகமாக முயற்சி செய்வேன் .

அப்துல்லாஹ் பின் மஸ்ஊத் ரளியல்லாஹு அன்ஹு அறிவிப்பதாவது : அவர்களுடைய ஒளி அவர்களின் முன்னிலையில் ஓடும் . (57: 12) எனும் இறைவசனத்தை ஓதிவிட்டுச் சொன்னார்கள் : அவர்கள் தத்தம் நல்லறங்களுக்கு ஏற்ப ஒளி கொடுக்கப்படுவார்கள் . அவர்களுள் ஒருவருக்கு மலையளவு ஒளி இருக்கும் . அவர்களுள் மிகக் குறைவான ஒளியைப் பெறுபவருடைய ஒளி கட்டைவிரல் அளவு இருக்கும் . அது ஒரு தடவை அணையும் ; மறு தடவை ஒளிரும் .

நபி ஸல்லல்லாஹு அலைஹி வஸல்லம் கூறியதாக அப்துல்லாஹ் பின் அம்ர் ரளியல்லாஹு அன்ஹு அறிவிப்பதாவது : (" அல்கவ்ஸர் ` எனும் ) என் தடாகம் ஒரு மாத காலப் பயணத் தொலைதூரம் ( பரப்பளவு ) கொண்டதாகும் . அதன் நீர் பாலைவிட வெண்மையானது . அதன் மணம் கஸ்தூரியைவிட நறுமணம் வாய்ந்தது . அதன் கூஜாக்கள் விண்மீன்கள் போன்றவை . யார் அதன் நீரை அருந்துகின்றார்களோ அவர்கள் ஒருபோதும் தாகமடையமாட்டார்கள் .

நபி ஸல்லல்லாஹு அலைஹி வஸல்லம் கூறியதாக அஸ்மா பின்த் அபீபக்ர் ரளியல்லாஹு அன்ஹா அறிவிப்பதாவது : நான் (" அல்கவ்ஸர் `) தடாகத்தின் அருகில் இருந்தவாறு உங்களுள் யார் என்னிடம் வருகிறார்கள் என்பதை உற்றுப்பார்த்துக் கொண்டிருப்பேன் . அப்போது என்னை நெருங்கவிடாமல் சிலர் பிடிக்கப்படுவார்கள் . உடனே நான் " இறைவா ! ( இவர்கள் ) என்னைச் சேர்ந்தவர்கள் ; என் சமுதாயத்தைச் சேர்ந்தவர்கள் `` என்பேன் . அதற்கு “ உங்களுக்குப் பின்னால் இவர்கள் செய்ததை நீங்கள் அறிவீர்களா ? அல்லாஹ்வின் மீதாணையாக ! இவர்கள் தங்கள் குதிகால்கள் மீது ( தம் பழைய மதத்திற்கே ) திரும்பச் சென்று கெண்டேயிருந்தார்கள் `` என்று கூறப்படும் .

ஆயிஷா ரளியல்லாஹு அன்ஹா கூறியதாவது : அல்லாஹ்வின் தூதர் ஸல்லல்லாஹு அலைஹி வஸல்லம் தம் தோழர்கள் முன்னிலையில் இருந்தபடி கூறினார்கள் : நான் எனது (" அல்கவ்ஸர் ` எனும் ) தடாகத்தினருகில் உங்களில் என்னிடம் வருபவர் யார் என்று எதிர்பார்த்துக் காத்திருப்பேன் . அல்லாஹ்வின் மீதாணையாக ! உங்களில் சிலர் என்னிடம் நெருங்க விடாமல் தடுக்கப்படுவர் . அப்போது நான் “ இறைவா ! ( இவர்கள் ) என்னைச் சேர்ந்தவர்கள் ; என் சமுதாயத்தைச் சேர்ந்தவர்கள் `` என்று கூறுவேன் . அதற்கு இறைவன் , “ இவர்கள் உமக்குப் பின்னால் செய்ததை நீர் அறியமாட்டீர் . இவர்கள் தம் குதிகால்கள்மீது ( தம் பழைய மதத்திற்கே ) திரும்பிச் சென்றுகொண்டேயிருந்தனர் `` என்று கூறுவான் .

அபூதர் ரளியல்லாஹு அன்ஹு கூறியதாவது : நான் ( நபியவர்களிடம் ), “ அல்லாஹ்வின் தூதரே ! ( அல்கவ்ஸர் எனும் ) அத்தடாகத்தின் கோப்பைகள் என்ன ?`` என்று கேட்டேன் . அதற்கு அவர்கள் , “ முஹம்மதின் உயிர் எவன் கையிலுள்ளதோ அவன்மீது சத்தியமாக ! அதன் கோப்பைகள் ( எண்ணிக்கையானது ), மேகமோ நிலவோ இல்லாத இரவில் காட்சியளிக்கும் விண்மீன்களின் எண்ணிக்கையைவிட அதிகமானதாகும் . அவையே சொர்க்கத்தின் கோப்பைகளாகும் . யார் அ( த்தடாகத் ) தில் அருந்துகிறாரோ அவருக்கு இறுதிவரை தாகமே ஏற்படாது . அதில் சொர்க்கத்திலிருந்து இரு வடிகுழாய்கள் வழியாக நீர் வந்துசேருகிறது . அதில் அருந்துபவருக்குத் தாகமே ஏற்படாது . அத்தடாகத்தின் அகலம் அதன் நீளத்தைப் போன்று ( சம அளவில் ) இருக்கும் . அதன் தொலைதூரம் ( அன்றைய ஷாம் நாட்டிலிருந்த ) " அம்மானு`க்கும் " அய்லா`வுக்கும் இடையேயுள்ள தொலை தூரத்தைக் கொண்டதாகும் . அதன் நீர் பாலைவிட வெண்மையானது ; தேனைவிட மதுரமானது `` என்று கூறினார்கள் .

அல்லாஹ்வின் தூதர் ஸல்லல்லாஹு அலைஹி வஸல்லம் கூறியதாக அபூஹுரைரா ரளியல்லாஹு அன்ஹு அறிவிப்பதாவது : மறுமை நாளில் மக்கள் ( அல்லாஹ்வின் முன்னால் ) மூன்று ( தடவைகள் ) கட்டங்களில் முன்னிலைப் படுத்தப்படுவார்கள் . இரண்டு கட்டங்களில் முன்னிலைப்படுத்தப்படும்போது வாதங்களும் சாக்குப்போக்குகளுமாக இருக்கும் . மூன்றாவது தடவை முன்னிலைப்படுத்தப்படும்போது ( ஒவ்வொருவரின் ) வினைச்சுவடிகள் அவர்களின் கைகளை நோக்கிப் பறந்துவரும் . அதை ( ச் சிலர் ) வலக்கையால் எடுப்பர் . ( வேறு சிலர் ) இடக்கையால் எடுப்பர் .

அல்லாஹ்வின் தூதர் ஸல்லல்லாஹு அலைஹி வஸல்லம் கூறியதாக அப்துல்லாஹ் பின் அம்ர் ரளியல்லாஹு அன்ஹு அறிவிப்பதாவது : மறுமை நாளில் என் சமுதாயத்திலிருந்து ஒரு மனிதரை அனைத்துப் படைப்பினங்களுக்கு முன்னிலையில் ( பெயர் கூறி ) கூவி அழைக்கப்படும் . அவருக்குத் தொண்ணூற்று ஒன்பது ஆவணங்கள் விரிக்கப்படும் . ஒவ்வோர் ஆவணமும் கண்ணுக்கு எட்டிய தூரம் வரை ( இருக்கும் ). பின்னர் மகத்துவமும் வல்லமையும் கொண்ட அல்லாஹ் , “ இதிலிருந்து எதையேனும் நீ மறுக்கின்றாயா ?” என்று வினவுவான் . “ இல்லை , என் இறைவா ” என்று கூறுவான் . “ என்னுடைய கண்காணிப்பு எழுத்தர்கள் உனக்கு அநியாயம் செய்து விட்டார்களா ?” என்று கேட்டுவிட்டு , பின்னர் , “ இவை தவிர உனக்கு நன்மை ஏதும் உள்ளதா ?” என்று கேட்பான் . அந்த மனிதன் பயந்துபோய் , “ இல்லை ” என்று கூறுவான் . அதற்கு அல்லாஹ் , “ ஆம் , உனக்காக நம்மிடம் நன்மைகள் உள்ளன . திண்ணமாக இன்றைய நாளில் உமக்கு எந்த அநியாயமும் இல்லை ” என்று கூறுவான் . ( பின்னர் ) அவனுக்காக ஓர் ஏடு வெளிக்கொணரப்படும் . அதில் , அஷ்ஹது அல்லாயிலாஹ இல்லல்லாஹ் வ அன்ன முஹம்மதன் அப்துஹு வரசூலுஹு ( பொருள் : வணக்கத்திற்குரியவன் அல்லாஹ்வைத் தவிர வேறு யாருமில்லை என்றும் திண்ணமாக முஹம்மத் அவனுடைய அடியாராகவும் அவனுடைய தூதராகவும் இருக்கின்றார்கள் என்றும் நான் சாட்சி கூறுகிறேன் ) என்று ( எழுதப்பட்டு ) இருக்கும் . அப்போது அவன் , “ என் இறைவா , இந்த ஆவணங்களோடு இது என்ன ஏடு ( வேறு )?” என்று வினவுவான் . அப்போது அல்லாஹ் , “ திண்ணமாக நீ அநியாயம் செய்யப்படமாட்டாய் ” என்று கூறுவான் . பிறகு அந்த ஆவணங்கள் ஒரு தட்டிலும் அந்த ஏடு ஒரு தட்டிலும் வைக்கப்படும் . அப்போது அந்த ஆவணங்கள் ( வலுவிழந்து ) மேலே சென்றுவிடும் . அந்த ஏடு ( கனத்தால் ) தாழும் .

நபி ஸல்லல்லாஹு அலைஹி வஸல்லம் கூறியதாக இப்னு அப்பாஸ் ரளியல்லாஹு அன்ஹு அறிவிப்பதாவது : நாம் கடைசிச் சமுதாயத்தினர் ஆவோம் . விசாரணை செய்யப்படுவோருள் முதன்மை ஆவோம் . “ உம்மி சமுதாயமும் அதன் நபியும் எங்கே ?“ என்று வினவப்படும் . எனவே நாம்தாம் கடைசியானவர்கள் ( அதே நேரத்தில் விசாரணையில் ) முதன்மையானவர்கள் .

நபி ஸல்லல்லாஹு அலைஹி வஸல்லம் கூறியதாக அஸ்வத் பின் சரீஉ ரளியல்லாஹு அன்ஹு அறிவிப்பதாவது : நான்கு பேர் மறுமை நாளில் விசாரிக்கப்படுவர் . 1. செவிடன்-எதையும் செவியுறாதவன் . 2. ( நல்லது எது , கெட்டது எது என அறிய முடியாத ) முட்டாள் , 3. ( எதற்கும் இயலாத ) தள்ளாடும் பருவத்தில் உள்ள முதியவர் , 4. ( எந்த இறைத்தூதரும் வராத ) இடைவெளிக் காலத்தில் வாழ்ந்தவர் . செவிடர் சொல்வார் : என் இறைவா ! நான் எதையும் செவியுற முடியாத நிலையில் இருந்தபோது இஸ்லாமிய மார்க்கம் வந்தது . முட்டாள் சொல்வார் : என் இறைவா ! என்னைச் சிறுவர்கள் ( கேலி செய்து ) விட்டையால் அடித்துக் கொண்டிருந்த நிலையில் இஸ்லாம் வந்தது . தள்ளாடும் பருவத்தில் உள்ள முதியவர் கூறுவார் : “ என் இறைவா ! நான் எதையும் அறிந்து கொள்ள முடியாத நிலையில் இஸ்லாம் வந்தது .” ( எந்த இறைத்தூதரும் வராத ) இடைவெளிக் காலத்தில் வாழ்ந்தவர் சொல்வார் : “ என் இறைவா ! உன்னிடமிருந்து எந்தத் தூதரும் வரவில்லை .” ( அதன்பின் ) அவர்களுடைய வாக்குறுதிகளை எடுத்துக்கொள்வான் . அவர்கள் அவனுக்குப் பணிகின்றார்களா என்று சோதிப்பதற்காக , அவர்களிடம் “ நரகத்தில் நுழையுங்கள் ” என்று தூது அனுப்புவான் . முஹம்மதின் ஆன்மா எவன் கையில் உள்ளதோ அவன்மீது சத்தியமாக ! அதில் அவர்கள் நுழைந்தால் அது அவர்களுக்கு இதம் தரும் குளிர்ச்சியாக இருக்கும் .

அல்லாஹ்வின் தூதர் ஸல்லல்லாஹு அலைஹி வஸல்லம் கூறியதாக அபூஹுரைரா ரளியல்லாஹு அன்ஹு அறிவிப்பதாவது : மன இச்சைகளால் நரகம் மூடப்பட்டுள்ளது . சிரமங்களால் சொர்க்கம் மூடப்பட்டுள்ளது .

அல்லாஹ்வின் தூதர் ஸல்லல்லாஹு அலைஹி வஸல்லம் கூறியதாக அனஸ் பின் மாலிக் ரளியல்லாஹு அன்ஹு அறிவிப்பதாவது : சிரமங்களால் சொர்க்கம் சூழப்பெற்றுள்ளது . மன இச்சைகளால் நரகம் சூழப்பெற்றுள்ளது .

அல்லாஹ்வின் தூதர் ஸல்லல்லாஹு அலைஹி வஸல்லம் கூறியதாக அபூஹுரைரா ரளியல்லாஹு அன்ஹு அறிவிப்பதாவது : அல்லாஹ் சொர்க்கத்தையும் நரகத்தையும் படைத்துவிட்டு ( வானவர் ) ஜிப்ரீல் அலைஹிஸ்ஸலாம் அவர்களைச் சொர்க்கத்திற்கு அனுப்பி , " அதையும் அதில் சொர்க்கவாசிகளுக்காக நான் தயார் செய்து வைத்துள்ள ( கொடைகள் , இன்பங்கள் ஆகிய ) வற்றையும் பார்வையிடுவீராக !" என்று சொன்னான் . அவ்வாறே ஜிப்ரீல் அலைஹிஸ்ஸலாம் சென்று சொர்க்கத்தையும் அதில் சொர்க்கவாசிகளுக்காக அல்லாஹ் தயாரித்து வைத்துள்ளவற்றையும் பார்வையிட்டுவிட்டுத் திரும்பி வந்து , "( இறைவா !) உன் வல்லமையின் மீதாணையாக ! இதைப் பற்றிக் கேள்விப்படும் யாரும் இதனுள் நுழைய ( முயலா ) மல் இருக்க மாட்டார்கள் " என்று கூறினார் . அப்போது அல்லாஹ் சிரமங்களால் சொர்க்கத்தைச் சூழச் செய்யுமாறு உத்தரவிட அவ்வாறே செய்யப்பட்டது . பிறகு ஜிப்ரீல் அலைஹிஸ்ஸலாம் அவர்களிடம் " நீர் மீண்டும் சொர்க்கத்திற்குச் சென்று அதில் சொர்க்கவாசிகளுக்காக நான் தயாரித்து வைத்துள்ளவற்றைப் பார்வையிடுவீராக !" என்று கூறினான் . அவ்வாறே ஜிப்ரீல் அலைஹிஸ்ஸலாம் திரும்பிச் சென்றபோது சொர்க்கம் சிரமங்களால் சூழப்பெற்றிருந்தது . உடனே அவர்கள் அல்லாஹ்விடம் வந்து , "( இறைவா !) உன் வல்லமையின் மீதாணையாக ! இதில் யாரும் நுழையமாட்டார்கள் என நான் அஞ்சுகிறேன் " என்று சொன்னார்கள் . பிறகு அல்லாஹ் ஜிப்ரீல் அலைஹிஸ்ஸலாம் அவர்களிடம் , " நீர் நரகத்திற்குச் சென்று , நரகத்தையும் அதில் நரகவாசிகளுக்காக நான் தயாரித்துள்ள ( வேதனைகள் தண்டனைகள் ஆகிய ) வற்றையும் பார்வையிடுவீராக !" என்று கூறினான் . ( ஜிப்ரீல் அலைஹிஸ்ஸலாம் சென்று பார்த்தபோது ) நரகத்தின் ஒரு பகுதி மற்றொரு பகுதியின் மீது ஏறிப் பயணித்துக் கொண்டிருந்தது . உடனே அங்கிருந்து திரும்பிய ஜிப்ரீல் அலைஹிஸ்ஸலாம் , "( இறைவா !) உன் வல்லமையின் மீதாணையாக ! இதைப் பற்றிக் கேள்விப்படும் யாரும் இதில் நுழையா ( மல் இருக்க முயற்சி செய்யாமல் இருக்க ) மாட்டார்கள் " என்று கூறினார்கள் . பிறகு அல்லாஹ் உத்தரவிட , மன இச்சைகளால் நரகம் சூழச் செய்யப்பட்டது . பிறகு அல்லாஹ் ஜிப்ரீல் அலைஹிஸ்ஸலாம் அவர்களிடம் , “ நீர் மறுபடியும் செல்வீராக ! ( அதைப் பார்வையிடுவீராக !)" என்று கூறினான் . அவ்வாறே ஜிப்ரீல் அலைஹிஸ்ஸலாம் திரும்பி ( ச் சென்று பார்த்துவிட்டு ) வந்து , "( இறைவா !) உன் வல்லமையின் மீதாணையாக ! இதில் நுழையாமல் யாரும் தப்பிக்கப் போவதில்லை என நான் அஞ்சுகிறேன் " என்று கூறினார்கள் .

நபி ஸல்லல்லாஹு அலைஹி வஸல்லம் கூறியதாக அபூஹுரைரா ரளியல்லாஹு அன்ஹு அறிவிப்பதாவது : ( சொர்க்கவாசிகளுள் ) எவரும் , ( உலக வாழ்வில் ) தாம் பாவம் புரிந்திருந்தால் நரகத்தில் தமது இருப்பிடம் எதுவாக இருந்திருக்கும் என்று காட்டப்படாமல் சொர்க்கத்தில் நுழையமாட்டார் . அவர் அதிகமாக ( மகிழ்ச்சியடைந்து இறைவனுக்கு ) நன்றி செலுத்துவதற்காகவே ( இவ்வாறு காட்டப்படும் ). ( நரகவாசிகளுள் ) எவரும் , ( உலக வாழ்வில் ) தாம் நன்மை புரிந்திருந்தால் சொர்க்கத்தில் தமது இருப்பிடம் எதுவாக இருந்திருக்கும் என்று காட்டப்படாமல் நரகத்தில் நுழையமாட்டார் . இது அவருக்கு ( பெரும் ) துயரமாக அமைய வேண்டும் என்பதற்காகவே ( காட்டப்படுகிறது ).

நபி ஸல்லல்லாஹு அலைஹி வஸல்லம் கூறியதாக அப்துல்லாஹ் பின் மஸ்ஊத் ரளியல்லாஹு அன்ஹு அறிவிப்பதாவது : சொர்க்கம் உங்களின் செருப்பு வாரைவிட உங்களுக்கு மிக அருகில் உள்ளது . நரகமும் அதைப் போன்றே ( மிக அருகில் உள்ளது ).

அல்லாஹ்வின் தூதர் ஸல்லல்லாஹு அலைஹி வஸல்லம் கூறியதாக அபூஹுரைரா ரளியல்லாஹு அன்ஹு அறிவிப்பதாவது : நான் நரக நெருப்பைப் போன்று ( கடுமையான ) எதையும் கண்டதில்லை . அதிலிருந்து வெருண்டோட வேண்டியவன் உறங்கிக் கிடக்கிறான் . நான் சொர்க்கத்தைப் போன்று ( இன்பமான ) எதையும் கண்டதில்லை . அதைத் தேட வேண்டியவனும் உறங்கிக் கிடக்கிறான் .

நபி ஸல்லல்லாஹு அலைஹி வஸல்லம் கூறியதாக அபூஹுரைரா ரளியல்லாஹு அன்ஹு அறிவிப்பதாவது : சொர்க்கமும் நரகமும் வாக்குவாதம் செய்து கொண்டன . அப்போது நரகம் , “" பெருமையடிப்பவர்களுக்காகவும் அக்கிரமக்காரர்களுக்காகவும் நான் சொந்தமாக்கப்பட்டுள்ளேன் `` என்று சொன்னது . சொர்க்கம் , “ எனக்கு என்ன நேர்ந்ததோ ! மக்களுள் பலவீனர்களும் அவர்களுள் கீழ்நிலையினருமே ( அதிகமாக ) என்னுள் நுழைவார்கள் `` என்று கூறியது . அல்லாஹ் சொர்க்கத்திடம் , “ நீ எனது அருள் . உன் மூலமே என் அடியார்களுள் நான் நாடிய சிலருக்கு அருள் புரிகின்றேன் `` என்று கூறினான் . நரகத்திடம் “ நீ வேதனை ( க்காகத் ) தான் . உன் மூலமே என் அடியார்களுள் நான் நாடிய சிலருக்கு வேதனை கொடுக்கிறேன் `` என்று கூறினான் . அந்த இரண்டில் ஒவ்வொன்றுக்கும் வயிறு நிரம்பத் தரப்படும் . ஆனால் , நரகமோ இறைவன் தனது காலை அதன் மீது வைக்கும் வரை வயிறு நிரம்பாது . இறைவன் காலை வைக்கும்போது நரகம் “ போதும் ! போதும் !`` என்று கூறும் . அப்போதுதான் அதற்கு வயிறு நிரம்பும் . மேலும் , ( நரகத்திற்கெனப் புதிதாக யாரையும் அல்லாஹ் படைப்பதில்லை ; மாறாக ,) அதில் ஒரு பகுதி மற்றொரு பகுதியுடன் இணைக்கப்படும் . அல்லாஹ் தன்னுடைய படைப்புகளுள் யாருக்கும் அநியாயம் செய்யமாட்டான் . ஆனால் , வல்லவனும் மாண்புடையோனுமான அல்லாஹ் , சொர்க்கத்திற்கென்றே ( புதிதாகச் ) சிலரைப் படை ( த்து அதை நிறை ) ப்பான் .

நபி ஸல்லல்லாஹு அலைஹி வஸல்லம் கூறியதாக உசாமா ரளியல்லாஹு அன்ஹு அறிவிப்பதாவது : நான் சொர்க்கத்தின் வாசலில் நின்று கொண்டிருந்தேன் . அதில் நுழைவோருள் பெரும்பாலானோர் ஏழைகளாகவே இருந்தனர் . செல்வர்கள் ( சொர்க்கத்தின் வாசலில் விசாரணைக்காகத் ) தடுத்து நிறுத்தப்பட்டிருந்தனர் . எனினும் , ( அவர்களுள் ) நரகவாசிகள் ( எனத் தீர்மானிக்கப்பட்டோர் ஏற்கெனவே ) நரகத்திற்கு அனுப்பப்பட்டு விட்டனர் . நான் நரகத்தின் வாசலில் நின்று கொண்டிருந்தேன் . அதில் நுழைவோருள் பெரும்பாலானோர் பெண்களாகவே இருந்தனர் .

நபி ஸல்லல்லாஹு அலைஹி வஸல்லம் கூறியதாக இம்ரான் பின் ஹுஸைன் ரளியல்லாஹு அன்ஹு அறிவிப்பதாவது : நான் ( மிஅராஜ்-விண்ணுலகப் பயணத்தின் போது ) சொர்க்கத்தை எட்டிப் பார்த்தேன் . அங்கு குடியிருப்போரில் அதிகமானவர்களாக ஏழைகளையே கண்டேன் . நரகத்தையும் எட்டிப் பார்த்தேன் . அதில் குடியிருப்போரில் அதிகமானவர்களாகப் பெண்களைக் கண்டேன் .

இயாள் பின் ஹிமார் அல்முஜாஷிஈ ரளியல்லாஹு அன்ஹு கூறியதாவது : அல்லாஹ்வின் தூதர் ஸல்லல்லாஹு அலைஹி வஸல்லம் ஒரு நாள் உரையாற்றியபோது பின்வருமாறு கூறினார்கள் : அறிந்து கொள்ளுங்கள் : என் இறைவன் இன்றைய நாள் எனக்குக் கற்றுத் தந்தவற்றிலிருந்து நீங்கள் அறியாதவற்றை உங்களுக்குக் கற்றுத்தருமாறு எனக்குக் கட்டளையிட்டான் . ( இறைவன் கூறினான் :) நான் ஓர் அடியானுக்கு வெகுமதியாக வழங்கியுள்ள அனைத்துப் பொருட்களும் அவனுக்கு அனுமதிக்கப்பட்டவையே ஆகும் . நான் என் அடியார்கள் அனைவரையும் ( இயற்கையிலேயே ) உண்மை வழி நின்றவர்களாகவே படைத்தேன் . ( ஆயினும் ) அவர்களிடம் ஷைத்தான் வந்து அவர்களது இயற்கை நெறியிலிருந்து அவர்களைப் பிறழச் செய்துவிட்டான் . நான் அவர்களுக்கு அனுமதித்துள்ளவற்றைத் தடை செய்யப்பட்டவையாக ஆக்கிவிட்டான் ; நான் எனக்கு இணை கற்பிப்பதற்கு எந்தச் சான்றையும் இறக்காத நிலையில் எனக்கு இணை கற்பிக்குமாறு அவர்களுக்குக் கட்டளையிட்டுவிட்டான் . அல்லாஹ் பூமியில் வசித்துக்கொண்டிருப்போரைப் பார்த்து , அவர்களில் அரபியர் , அரபியரல்லாதோர் அனைவர்மீதும் ( அவர்கள் இணை கற்பித்துக்கொண்டிருந்ததால் ) கடுங்கோபம் கொண்டான் ; வேதக்காரர்களில் ( இணைவைக்காமல் ) எஞ்சியிருந்தோரைத் தவிர ! மேலும் ( என்னிடம் ) இறைவன் , நான் உம்மைச் சோதிப்பதற்கும் உம்மைக் கொண்டு ( பிறரைச் ) சோதிப்பதற்குமே உம்மை நான் அனுப்பினேன் . ( வெள்ள ) நீரில் அழிந்துபோய் விடாத வேதத்தையும் உமக்கு நான் அருளினேன் . அதை உறங்கும்போதும் விழித்திருக்கும் நிலையிலும் நீர் ஓதுகின்றீர் `` என்று கூறினான் . மேலும் , என் இறைவன் குரைஷியரை எரித்துவிடுமாறு எனக்குக் கட்டளையிட்டான் . அப்போது நான் “ என் இறைவா ! அவர்கள் என் தலையை நொறுக்கி ஒரு ரொட்டியைப் போன்று ஆக்கிவிடுவார்களே ?`` என்று கூறினேன் . இறைவன் , “ உம்மை ( உமது பிறந்தகத்திலிருந்து ) அவர்கள் வெளியேற்றியதைப் போன்று அவர்களை நீர் வெளியேற்றி விடுவீராக . அவர்களிடம் அறப்போர் புரிவீராக . உமக்கு நாம் உதவுவோம் . ( நல்வழியில் ) நீர் செலவிடுவீராக . உமக்கு நாம் செலவிடுவோம் . ( அவர்களை நோக்கி ) ஒரு படையை அனுப்புவீராக . அதைப் போன்று ஐந்து மடங்கு படையை நாம் அனுப்புவோம் . உமக்குக் கீழ்ப்படிபவர்களுடன் சேர்ந்து உமக்கு மாறு செய்வோருடன் நீர் போரிடுவீராக `` என்று கூறினான் . மேலும் , சொர்க்கவாசிகள் மூவர் ஆவர் . ஒருவர் , நீதிநெறி வழுவாமல் வாரி வழங்கி நல்லறம் புரிய வாய்ப்பளிக்கப்படும் அரசர் . இரண்டாமவர் உறவினர்களிடமும் மற்ற முஸ்லிம்களிடமும் அன்புடனும் இரக்கத்துடனும் நடந்து கொள்பவர் . மூன்றாமவர் குழந்தை குட்டிகள் இருந்தும் ( தவறான வழியில் பொருளீட்டிவிடாமல் ) தன்மானத்துடனும் சுயமரியாதையுடனும் வாழ்கின்ற மனிதர் . நரகவாசிகள் ஐவர் ஆவர் . முதலாமவர் , புத்தி சாதுர்யம் இல்லாத பலவீனர் . அவர் ( சுய காலில் நிற்காமல் ) உங்களையே பின்தொடர்வார் . தமக்கெனக் குடும்பத்தையோ செல்வத்தையோ தேடிக்கொள்ள மாட்டார் . இரண்டாமவர் , எந்த ஆசையையும் விட்டுவைக்காத மோசடிக்காரர் . அற்பமானதே ஆனாலும் மோசடி செய் ( தாவது அதை அடை ) யாமல் விடமாட்டார் . மூன்றாமவர் , காலையிலும் மாலையிலும் உம்முடைய வீட்டார் விஷயத்திலும் உமது செல்வம் விஷயத்திலும் உமக்குத் துரோகமிழைப்பவர் . ( நரகவாசிகளின் குணங்களில் நான்காவதாகக் ) கருமித்தனத்தை அல்லது பொய்யைக் கூறினார்கள் . ஐந்தாமவன் , “ அதிகமாக அருவருப்பாகப் பேசுகின்ற ஒழுங்கீனன் `` என்று குறிப்பிட்டார்கள் . மற்றோர் அறிவிப்பாளர் தொடரில் கூடுதலாக இடம்பெற்றுள்ளதாவது : “ பணிவாக நடந்துகொள்ளுங்கள் . உங்களுள் ஒருவர் மற்றவரிடம் பெருமையடிக்க வேண்டாம் . ஒருவர் மற்றவரிடம் எல்லை மீற வேண்டாம் `` என்று இறைவன் எனக்கு அறிவித்தான் என நபி ஸல்லல்லாஹு அலைஹி வஸல்லம் கூறினார்கள் .

அல்லாஹ்வின் தூதர் ஸல்லல்லாஹு அலைஹி வஸல்லம் கூறியதாக அனஸ் பின் மாலிக் ரளியல்லாஹு அன்ஹு அறிவிப்பதாவது : இவ்வுலகில் செல்வச் செழிப்புடன் வாழ்ந்த நரகவாசிகளுள் ஒருவர் மறுமை நாளில் கொண்டு வரப்பட்டு , நரகத்தில் ஒரு முறை அழுத்தி எடுக்கப்படுவார் . பிறகு அவரிடம் , “ ஆதமின் மகனே ( மனிதா )! எப்போதேனும் ( உலக வாழ்வில் ) நல்லதைப் பார்த்தாயா ? எப்போதேனும் அருட்கொடை ( இன்பம் ) ஏதும் உனக்குக் கிடைத்ததா ?`` என்று கேட்கப்படும் . அதற்கு அவர் , “ அல்லாஹ்வின் மீதாணையாக , இல்லை என் இறைவா !`` என்று பதிலளிப்பார் . அவ்வாறே , இவ்வுலகில் கடுமையான துன்பத்தில் வாழ்ந்த சொர்க்கவாசிகளுள் ஒருவர் மறுமை நாளில் கொண்டுவரப்பட்டு , சிறிது நேரம் சொர்க்கத்திற்குள் செல்ல அனுமதிக்கப்படுவார் . பிறகு அவரிடம் , “ ஆதமின் மகனே ! ( உலகில் ) எப்போதேனும் சிரமத்தைக் கண்டாயா ? எப்போதேனும் துன்பம் ஏதும் உமக்கு ஏற்பட்டதா ?`` என்று கேட்கப்படும் . அதற்கு அவர் “ அல்லாஹ்வின் மீதாணையாக ! இல்லை , என் இறைவா ! ஒருபோதும் எனக்கு எந்தத் துன்பமும் ஏற்பட்டதில்லை . ஒருபோதும் நான் சிரமத்தைக் கண்டதுமில்லை `` என்று கூறுவார் .

அல்லாஹ்வின் தூதர் ஸல்லல்லாஹு அலைஹி வஸல்லம் கூறியதாக அபூசஈத் அல்குத்ரீ ரளியல்லாஹு அன்ஹு அறிவிப்பதாவது : ( மறுமை நாளில் ) கருமை கலந்த வெண்ணிற ஆடு ஒன்றின் தோற்றத்தில் மரணம் கொண்டு வரப்படும் . அப்போது அறிவிப்புச் செய்யும் ( வானவர்களுள் ) ஒருவர் , “ சொர்க்கவாசிகளே !` என்று அழைப்பார் . அவர்கள் தலையை நீட்டிப் பார்ப்பார்கள் . அறிவிப்புச் செய்பவர் , “ இதை ( இந்த ஆட்டை ) நீங்கள் அறிவீர்களா ?`` என்று கேட்பார் . அவர்கள் , “ ஆம் ! இதுதான் மரணம் `` என்று பதிலளிப்பார்கள் . அவர்கள் அனைவரும் அதை ( முன்பே ) பார்த்திருக்கிறார்கள் . பிறகு அவர் நரகவாசிகளை நோக்கி : “ நரகவாசிகளே !` என்று அழைப்பார் . அவர்கள் தலையை நீட்டிப் பார்ப்பார்கள் . அவர் “ இதை நீங்கள் அறிவீர்களா ?`` என்று கேட்பார் . அவர்கள் , “ ஆம் ( அறிவோம் ); இதுதான் மரணம் `` என்று பதில் சொல்வார்கள் . அவர்கள் அனைவரும் அதை ( முன்பே ) பார்த்துள்ளனர் . உடனே அது ( ஆட்டின் உருவத்திலுள்ள மரணம் ) அறுக்கப்பட்டுவிடும் . பிறகு அவர் , “ சொர்க்கவாசிகளே ! நிரந்தரம் ; இனி மரணமே இல்லை . நரகவாசிகளே ! நிரந்தரம் ; இனி மரணம் என்பதே இல்லை `` என்று கூறுவார் . இதை அறிவித்த அபூசஈத் அல்குத்ரீ ரளியல்லாஹு அன்ஹு கூறுகிறார்கள் : இதைக் கூறிவிட்டு நபி ஸல்லல்லாஹு அலைஹி வஸல்லம் , “( நபியே !) நியாயத் தீர்ப்பளிக்கப்படும் துக்கம் நிறைந்த அந்நாளைப் பற்றி நீங்கள் அவர்களை எச்சரியுங்கள் ! எனினும் , ( இன்று உலக வாழ்வில் ) இவர்கள் கவலையற்றிருக்கின்றனர் . ஆதலால் இவர்கள் நம்பிக்கை கொள்ளவே மாட்டார்கள் `` எனும் (19:39ஆம்) இறைவசனத்தை ஓதினார்கள் . மேலும் , “ இன்று உலகில் வசிக்கும் இவர்கள் கவலையற்று , அசட்டையாக உள்ளனர் . ஆகவே இவர்கள் நம்பிக்கைகொள்ள மாட்டார்கள் `` என்றும் சொன்னார்கள் .

அல்லாஹ்வின் தூதர் ஸல்லல்லாஹு அலைஹி வஸல்லம் கூறியதாக அபூஹுரைரா ரளியல்லாஹு அன்ஹு அறிவிப்பதாவது : உங்களுள் ஒவ்வொருவருக்கும் இரண்டு வீடுகள் இல்லாமலில்லை . சொர்க்கத்தில் ஒரு வீடு ; நரகத்தில் ஒரு வீடு . ஒருவன் இறந்து நரகத்தில் நுழைந்துவிட்டால் , அவனுடைய வீட்டைச் சொர்க்கவாசி வாரிசாகப் பெற்றுக்கொள்வார் . அதைத்தான் அல்லாஹ் கூறுகிறான் : “ அவர்கள்தாம் வாரிசுதாரர்கள் .” (23: 10)

அபூஹுரைரா ரளியல்லாஹு அன்ஹு கூறியதாவது : அல்லாஹ்வின் தூதர் ஸல்லல்லாஹு அலைஹி வஸல்லம் , “ உங்கள் ( உலக ) நெருப்பு , நரக நெருப்பின் எழுபது பாகங்களிலிருந்து ஒரு பாகமேயாகும் `` என்று கூறினார்கள் . உடனே , “ அல்லாஹ்வின் தூதரே ! இந்த ( உலக ) நெருப்பே ( பாவம் செய்தவர்களை எரித்து வேதனைப்படுத்தப் ) போதுமானதாயிற்றே `` என்று கேட்கப்பட்டது . நபி ஸல்லல்லாஹு அலைஹி வஸல்லம் , “( அப்படியல்ல .) உலக நெருப்பைவிட நரக நெருப்பு அறுபத்தொன்பது பாகங்கள் அதிகப்படுத்தப்பட்டுள்ளது . இவற்றில் ஒவ்வொரு பாகமும் உலக நெருப்பின் வெப்பத்திற்குச் சமமானதாகும் `` என்று சொன்னார்கள் .

அல்லாஹ்வின் தூதர் ஸல்லல்லாஹு அலைஹி வஸல்லம் கூறியதாக அப்துல்லாஹ் பின் மஸ்ஊத் ரளியல்லாஹு அன்ஹு அறிவிப்பதாவது : அன்றைய நாளில் நரகம் எழுபதாயிரம் சங்கிலிகளால் பிணைக்கப்பட்டுக் கொண்டு வரப்படும் . ஒவ்வொரு சங்கிலியுடனும் எழுபதாயிரம் வானவர்கள் இருந்து , இழுத்து வருவார்கள் .

அபூஹுரைரா ரளியல்லாஹு அன்ஹு கூறியதாவது : ( ஒரு முறை ) நாங்கள் அல்லாஹ்வின் தூதர் ஸல்லல்லாஹு அலைஹி வஸல்லம் அவர்களுடன் இருந்தோம் . அப்போது , ஏதோ விழுந்த சத்தத்தை அவர்கள் கேட்டார்கள் . ( நாங்களும் கேட்டோம் .) அப்போது அல்லாஹ்வின் தூதர் ஸல்லல்லாஹு அலைஹி வஸல்லம் , “ இது என்ன ( சத்தம் ) என்று உங்களுக்குத் தெரியுமா ?`` என்று கேட்டார்கள் . நாங்கள் , “ அல்லாஹ்வும் அவனுடைய தூதருமே நன்கறிந்தவர்கள் `` என்று சொன்னோம் . நபி ஸல்லல்லாஹு அலைஹி வஸல்லம் , “ இது எழுபது ஆண்டுகளுக்கு முன்னர் நரகத்திற்குள் தூக்கியெறியப்பட்ட ஒரு கல்லாகும் . அது இந்த நேரம் வரை நரகத்திற்குள் சென்று இப்போதுதான் அதன் ஆழத்தை எட்டியது `` என்று சொன்னார்கள் .

நபி ஸல்லல்லாஹு அலைஹி வஸல்லம் கூறியதாக அனஸ் பின் மாலிக் ரளியல்லாஹு அன்ஹு அறிவிப்பதாவது : ( நரகவாசிகள் நரகத்தில் போடப்படுவார்கள் . நரகம் வயிறு நிரம்பாத காரணத்தால் ) “ இன்னும் இருக்கிறதா ?`` என்று கேட்டுக்கொண்டேயிருக்கும் . இறுதியில் கண்ணியத்தின் அதிபதி ( யான இறைவன் ) தமது பாதத்தை அதில் வைப்பான் . அப்போது அது “ போதும் ! போதும் ! உன் கண்ணியத்தின் மீதாணையாக !`` என்று கூறும் . நரகத்தின் ஒரு பகுதி மற்றொரு பகுதியுடன் இணைக்கப்படும் .

அல்லாஹ்வின் தூதர் ஸல்லல்லாஹு அலைஹி வஸல்லம் கூறியதாக அபூஹுரைரா ரளியல்லாஹு அன்ஹு அறிவிப்பதாவது : ( நரகத்தில் ) இறைமறுப்பாளனின் " கடைவாய்ப் பல் ` அல்லது " கோரைப் பல் ` உஹுத் மலையைப் போன்றிருக்கும் . அவனது தோலின் பருமன் மூன்று நாள் பயணத் தொலைவுடையதாக இருக்கும் .

நபி ஸல்லல்லாஹு அலைஹி வஸல்லம் கூறியதைத் தாம் செவியுற்றதாக நுஅமான் பின் பஷீர் ரளியல்லாஹு அன்ஹு அறிவிப்பதாவது : மறுமை நாளில் நரகவாசிகளிலேயே மிகவும் இலேசாக வேதனை செய்யப்படுபவர் ஒரு மனிதராவார் . அவருடைய உள்ளங்கால்களின் நடுவில் ( நரக ) நெருப்புக் கங்கு வைக்கப்படும் . அதனால் அவரது மூளை கொதிக்கும் .

நபி ஸல்லல்லாஹு அலைஹி வஸல்லம் கூறியதாக அனஸ் பின் மாலிக் ரளியல்லாஹு அன்ஹு அறிவிப்பதாவது : மறுமை நாளில் நரகவாசிகளிலேயே மிக இலேசான வேதனை அளிக்கப்படுபவரிடம் “ பூமியிலிருக்கும் பொருள்களெல்லாம் உனக்கே சொந்தம் என்றிருந்தால் நீ அவற்றை பிணைத் தொகையாகத் தர ( வும் அதன் மூலம் இந்த வேதனையிலிருந்து விடுதலை பெறவும் ) நீ முன்வருவாய் அல்லவா ?`` என்று அல்லாஹ் கேட்பான் . அதற்கு அவர் " ஆம் ` என்று பதிலளிப்பார் . அப்போது அல்லாஹ் “ நீ ( மனிதர்களின் தந்தை ) ஆதமின் முதுகந்தண்டில் ( அணுவாக ) இருந்தபோது இதைவிட இலேசான ஒன்றை-எனக்கு எதையும் இணை கற்பிக்கலாகாது என்பதைத்தான் உன்னிடமிருந்து எதிர்பார்த்தேன் . ஆனால் ( பூமிக்கு உன்னை அனுப்பியபோது ) எனக்கு இணை கற்பிப்பதைத் தவிர வேறெதற்கும் நீ ஒப்புக்கொள்ளவில்லையே !`` என்று கூறுவான் .

நபி ஸல்லல்லாஹு அலைஹி வஸல்லம் கூறியதாக அபூஹுரைரா ரளியல்லாஹு அன்ஹு அறிவிப்பதாவது : நான் உறங்கிக் கொண்டிருந்தேன் . அப்போது ( கனவில் ) நான் ( அல்கவ்ஸர் தடாகத்தினருகில் ) நின்று கொண்டிருக்கிறேன் . அப்போது ஒரு குழுவினரை நான் அடையாளம் கண்டுகொள்கிறேன் . எனக்கும் அவர்களுக்குமிடையே ஒரு ( வான ) வர் தோன்றி ( அந்தக் குழுவினரை நோக்கி ) " வாருங்கள் ` என்று அழைக்கிறார் . உடனே நான் ( அவரிடம் ) “ எங்கே ( இவர்களை அழைக்கிறீர்கள் )?`` என்றேன் . அவர் “ அல்லாஹ்வின் மீதாணையாக ! நரகத்திற்கு `` என்றார் . நான் “ இவர்கள் என்ன செய்தார்கள் ?`` என்றேன் . அவர் “ உங்களுக்குப் பின்னால் இவர்கள் திரும்பிப் பார்க்காமல் வந்த வழியே மதம் மாறிச் சென்று விட்டார்கள் `` என்றார் . பிறகு மற்றொரு குழுவினரையும் நான் அடையாளம் கண்டுகொள்கிறேன் . எனக்கும் அவர்களுக்கு மிடையே ஒரு ( வான ) வர் தோன்றி , " வாருங்கள் ` என ( அவர்களிடம் ) கூறுகிறார் . நான் “( இவர்களை ) எங்கே ( அழைக்கிறீர்கள் )?`` என்றேன் . அவர் “ அல்லாஹ்வின் மீதாணையாக ! நரகத்திற்குத்தான் `` என்றார் . நான் “ இவர்கள் என்ன செய்தார்கள் ?`` என்று கேட்டேன் . அவர் " இவர்கள் உங்களுக்குப் பின்னால் திரும்பிப் பார்க்காமல் வந்த வழியே மதம் மாறிப் போய்விட்டார்கள் `` என்று பதிலளித்தார் . அவர்களில் காணாமல் போன ஒட்டகத்தைப் போன்று ஒரு சிலரைத் தவிர வேறெவரும் தப்பித்துக் கொள்வார்கள் என நான் கருதவில்லை .

அல்லாஹ்வின் தூதர் ஸல்லல்லாஹு அலைஹி வஸல்லம் கூறியதைத் தாம் செவியுற்றதாக நுஅமான் பின் பஷீர் ரளியல்லாஹு அன்ஹு அறிவிப்பதாவது : நான் உங்களுக்கு நரகத்தை எச்சரிக்கிறேன் ; நான் உங்களுக்கு நரகத்தை எச்சரிக்கிறேன் ; நான் உங்களுக்கு நரகத்தை எச்சரிக்கிறேன் என்று கூறிக்கொண்டே இருந்தார்கள் . ( இப்போது நான் நிற்கிற ) இந்த இடத்தில் அவர்கள் இருந் ( து கூறியிரு ) திருந்தால் அதைச் சந்தையிலுள்ளோர் செவியுற்றிருப்பர் . ( அதைச் சொன்னபோது ) அவர்கள் மீதிருந்த போர்வை அவர்களுடைய காலடியில் விழுந்துவிட்டது .

அல்லாஹ்வின் தூதர் ஸல்லல்லாஹு அலைஹி வஸல்லம் கூறியதாக அனஸ் பின் மாலிக் ரளியல்லாஹு அன்ஹு அறிவிப்பதாவது : நானே மறுமை நாளில் இறைத்தூதர்களிலேயே அதிகமான மக்களால் பின்பற்றப்படுபவன் ஆவேன் ; நானே சொர்க்கத்தின் வாசலை முதன் முதலில் தட்டுபவன் ஆவேன் .

அபூஹுரைரா ரளியல்லாஹு அன்ஹு அறிவிப்பதாவது : நபி ஸல்லல்லாஹு அலைஹி வஸல்லம் , “ உயர்வான அல்லாஹ் , " என் நல்லடியார்களின் சேமிப்பாக எந்தக் கண்ணும் பார்த்திராத , எந்தக் காதும் கேட்டிராத , எந்த மனிதரின் மனத்திலும் தோன்றியிராத இன்பங்களை நான் சொர்க்கத்தில் தயார்படுத்தி வைத்துள்ளேன் . ( சொர்க்கத்தின் இன்பங்கள் குறித்து ) உங்களுக்கு அறிவிக்கப்பட்டுள்ளவை , ( அங்கே கிடைக்கவிருக்கும் இன்பங்களுக்கு முன்னே ) சொற்பமானவையே ஆகும் ` எனக் கூறுகின்றான் `` என்று சொல்லிவிட்டு , பிறகு , “ அவர்கள் செய்துகொண்டிருந்த ( நற் ) செயல்களின் பலனாகக் கண்களைக் குளிரச் செய்யும் எத்தகைய இன்பங்கள் அவர்களுக்காக மறைத்து வைக்கப்பட்டுள்ளன என்பதை யாரும் அறிய மாட்டார்கள் `` எனும் (32:17ஆம்) இறைவசனத்தை ஓதினார்கள் .

அல்லாஹ்வின் தூதர் ஸல்லல்லாஹு அலைஹி வஸல்லம் கூறியதாக சஹ்ல் பின் சஅத் ரளியல்லாஹு அன்ஹு அறிவிப்பதாவது : சொர்க்கத்தில் ஒரு மரம் உள்ளது . அதன் நிழலில் பயணிப்பவர் நூறு வருடங்கள் பயணித்தாலும் அதைக் கடந்து செல்ல முடியாது .

அல்லாஹ்வின் தூதர் ஸல்லல்லாஹு அலைஹி வஸல்லம் கூறியதாக அனஸ் பின் மாலிக் ரளியல்லாஹு அன்ஹு அறிவிப்பதாவது : சொர்க்கத்தில் ( மக்கள் ஒன்றுகூடும் ) சந்தை ஒன்று உண்டு . அங்கு ஒவ்வொரு வெள்ளிக்கிழமையும் சொர்க்கவாசிகள் வருவார்கள் . அப்போது வட பருவக் காற்று வீசி அவர்களுடைய முகங்களிலும் ஆடையிலும் ( கஸ்தூரி மண்ணை ) வாரிப் போடும் . உடனே அவர்கள் மேன்மேலும் அழகும் பொலிவும் பெறுவார்கள் . பிறகு அழகும் பொலிவும் அதிகமாகப் பெற்ற நிலையில் அவர்கள் தங்கள் துணைவியரிடம் திரும்பிச் செல்வார்கள் . அப்போது அவர்களிடம் அவர்களுடைய துணைவியர் , “ எங்களிடமிருந்து சென்ற பின்னர் கூடுதலான அழகும் பொலிவும் பெற்றுவிட்டீர்களே !`` என்று கூறுவர் . அதற்கு அவர்கள் , “ அல்லாஹ்வின் மீதாணையாக ! நாங்கள் சென்ற பிறகு நீங்களும்தாம் கூடுதலான அழகும் பொலிவும் பெற்றிருக்கிறீர்கள் `` என்று கூறுவர் .

நபி ஸல்லல்லாஹு அலைஹி வஸல்லம் கூறியதாக அபூமூஸா அல்அஷ்அரீ ரளியல்லாஹு அன்ஹு அறிவிப்பதாவது : நடுவில் துளையுள்ள முத்தாலான ஒரு கூடாரம் சொர்க்கத்தில் உள்ளது . அதன் அகலம் அறுபது மைல்களாகும் . அதன் ஒவ்வொரு மூலையிலும் ( இறைநம்பிக்கையாளருக்கு ) துணைவியர் இருப்பார்கள் . ஒரு மூலையிலுள்ள துணைவியை மற்ற மூலையிலுள்ள துணைவி பார்க்க முடியாது . இறைநம்பிக்கையாளர்கள் அவர்களைச் சுற்றிவருவர் . மேலும் , இரு சொர்க்கங்கள் உள்ளன . அவற்றின் பாத்திரங்களும் இதரப் பொருட்களும் வெள்ளியால் ஆனவை . ( வேறு ) இரு சொர்க்கங்கள் உள்ளன . அவற்றின் பாத்திரங்களும் இதரப் பொருட்களும் தங்கத்தினால் ஆனவை . " அத்ன் ` எனும் சொர்க்கத்தில் இருப்பவர்கள் , தங்கள் இறைவனைக் காண்பதற்கு , அவன் மீதுள்ள " பெருமை ` எனும் மேலாடை தவிர வேறெந்தத் தடையும் இராது .

அல்லாஹ்வின் தூதர் ஸல்லல்லாஹு அலைஹி வஸல்லம் கூறியதாக அபூஹுரைரா ரளியல்லாஹு அன்ஹு அறிவிப்பதாவது : சைஹான் , ஜைஹான் , ஃபுராத் , நீல் ( நைல் ) ஆகியவை சொர்க்க நதிகளில் உள்ளவையாகும் .

தாம் அழைத்துச் செல்லப்பட்ட விண்ணுலகப் பயணம் குறித்து நபி ஸல்லல்லாஹு அலைஹி வஸல்லம் கூறியதை அனஸ் ரளியல்லாஹு அன்ஹு அறிவிப்பதாவது : நான் ஓர் ஆற்றின் அருகே சென்றேன் . அதன் இரு மருங்கிலும் துளையுள்ள முத்துக் கலசங்கள் காணப்பட்டன . அப்போது நான் , “ ஜிப்ரீலே , இது என்ன ?`` என்று கேட்டேன் . “ இது அல்கவ்ஸர் `` என்று ஜிப்ரீல் அலைஹிஸ்ஸலாம் பதிலளித்தார்கள் .

அபூஹுரைரா ரளியல்லாஹு அன்ஹு கூறியதாவது : ஒருவர் அல்லாஹ்வின் பாதையில் ஒரு ஜோடிப் பொருட்களைச் செலவு செய்தால் அவர் சொர்க்கத்தின் வாசல்களிலிலிருந்து , “ அல்லாஹ்வின் அடியாரே ! இது ( பெரும் ) நன்மையாகும் ! ( இதன் வழியாக நுழையுங்கள் !)” என்று அழைக்கப்படுவார் . ( தமது உலக வாழ்வின் போது ) தொழுகையாளிகளாய் இருந்தவர்கள் தொழுகையின் வாசல் வழியாக அழைக்கப்படுவர் ; அறப்போர் புரிந்தவர்கள் " ஜிஹாத் ` எனும் வாசல் வழியாக அழைக்கப்படுவர் ; நோன்பாளிகளாய் இருந்தவர்கள் " ரய்யான் ` எனும் வாசல் வழியாக அழைக்கப்படுவர் ; தர்மம் செய்தவர்கள் " ஸதகா ` எனும் வாசல் வழியாக அழைக்கப்படுவர் !`` என்று நபி ஸல்லல்லாஹு அலைஹி வஸல்லம் கூறினார்கள் . அப்போது அபூபக்ர் ரளியல்லாஹு அன்ஹு “ அல்லாஹ்வின் தூதரே ! என் தந்தையும் தாயும் தங்களுக்கு அர்ப்பணமாகட்டும் ! இந்த வாசல்கள் அனைத்திலிருந்தும் அழைக்கப்படும் ஒருவருக்கு எந்தத் துயரும் இல்லையே ! எனவே , எவரேனும் அனைத்து வாசல்கள் வழியாகவும் அழைக்கப்படுவாரா ?`` என்று கேட்டார்கள் . நபி ஸல்லல்லாஹு அலைஹி வஸல்லம் “ ஆம் ! நீரும் அவர்களுள் ஒருவராவீர் என்று நான் நம்புகிறேன் !`` என்றார்கள் .

அபூஹுரைரா ரளியல்லாஹு அன்ஹு கூறியதாவது : ஒரு முறை நபி ஸல்லல்லாஹு அலைஹி வஸல்லம் , கிராமவாசி ஒருவர் தம்மிடம் அமர்ந் திருக்க ( பின்வரும் நிகழ்ச்சியை ) எடுத்துரைத்துக் கொண்டிருந்தார்கள் : சொர்க்கவாசிகளுள் ஒரு மனிதர் , தம் இறைவனிடம் விவசாயம் செய்ய அனுமதி கேட்பார் . அதற்கு இறைவன் அவரிடம் , “ நீ விரும்பிய ( இன்பமான ) நிலையில் ( இப்போது ) நீ வாழ்ந்து கொண்டிருக்கவில்லையா ?`` என்று கேட்பான் . அதற்கு அவர் , “ ஆம் . ( நான் விரும்பியபடியே இன்பமான நிலையில்தான் வாழ்ந்து கொண்டிருக்கின்றேன் .) ஆனால் , நான் நிலத்தை உழுது பயிரிட விரும்புகிறேன் `` என்று கூறுவார் . ( இறைவனும் அவருக்கு அனுமதியளிப்பான் .) அந்த மனிதர் விதை தூவி விடுவார் . கண் இமைக்கும் நேரத்திற்குள் அந்தப் பயிர் வளர்ந்து முதிர்ந்து அறுவடைக்குத் தயாராகி விடும் ; மலைகளைப் போல் விளைந்து குவிந்து போய் விடும் . அப்போது இறைவன் , “ எடுத்துக் கொள் , ஆதமின் மகனே ! உன்னை எதுவுமே திருப்திப்படுத்தாது `` என்று கூறுவான் . ( நபி ஸல்லல்லாஹு அலைஹி வஸல்லம் அவர்களிடமிருந்து இதைச் செவியுற்ற ) அந்தக் கிராமவாசி , “ அல்லாஹ்வின் மீதாணையாக ! அந்த மனிதர் குறைஷியாகவோ ( மக்கா வாசியாகவோ ) அன்ஸாரியாகவோ ( மதீனாவாசியாகவோ ) தான் இருக்க முடியும் . அவர்கள் தாம் விவசாயிகள் . நாங்களோ விவசாயிகள் அல்லர் `` என்று கூறினார் . இதனைக் கேட்ட நபி ஸல்லல்லாஹு அலைஹி வஸல்லம் சிரித்து விட்டார்கள் .

அல்லாஹ்வின் தூதர் ஸல்லல்லாஹு அலைஹி வஸல்லம் கூறியதாக அபூஹுரைரா ரளியல்லாஹு அன்ஹு அறிவிப்பதாவது : சொர்க்கத்தில் நுழையும் முதல் அணியினர் பௌர்ணமி இரவில் ( ஒளி வீசும் ) சந்திரனைப் போன்று ( பிரகாசமாகவும் அழகாகவும் ) தோற்றமளிப்பார்கள் . பிறகு , அவர்களுக்கு அடுத்து வருபவர்கள் விண்ணில் நன்கு பிரகாசிக்கும் நட்சத்திரத்தைப் போன்று தோற்றமளிப்பார்கள் . அவர்கள் மலஜலம் கழிக்கவும் மாட்டார்கள் ; எச்சில் துப்பவும் மாட்டார்கள் ; மூக்குச் சிந்தவும் மாட்டார்கள் . அவர்களுடைய சீப்புகள் தங்கத்தாலானவை . அவர்களுடைய வியர்வை கஸ்தூரி மணம் கமழும் . அவர்களுடைய ( நறுமணப் புகை போடும் ) தூபக் கலசங்கள் அகிலால் எரிக்கப் படும் . அகில் என்பது நறுமணக் குச்சியாகும் . அவர்களுடைய மனைவிமார்கள் அகன்ற விழிகளையுடைய கன்னியராவர் . ( சொர்க்கவாசிகளான ) அவர்கள் ஒரே மனிதனின் அமைப்பில் படைக்கப்பட்டிருப்பார்கள் . அவர்கள் தங்களுடைய தந்தை ஆதம் அலைஹிஸ்ஸலாம் அவர்களின் தோற்றத்தில் வானத்தில் ( முட்டும் விதத்தில் ) அறுபது முழம் உயரமிருப்பார்கள் .

அபூஹுரைரா ரளியல்லாஹு அன்ஹு அறிவிப்பதாவது : அல்லாஹ்வின் தூதர் ஸல்லல்லாஹு அலைஹி வஸல்லம் “ என் சமுதாயத்தாரில் எழுபதாயிரம் பேர் கொண்ட ஒரு கூட்டம் , பௌர்ணமி இரவில் சந்திரன் பிரகாசிப்பதைப் போன்று முகங்கள் பிரகாசித்தபடி ( விசாரணையின்றிச் சொர்க்கத்துக்குள் ) நுழைவார்கள் `` என்று கூறினார்கள் . உடனே உக்காஷா பின் மிஹ்ஸன் அல்அசதீ ரளியல்லாஹு அன்ஹு தம் மீதிருந்த கோடுபோட்ட சால்வையை உயர்த்தியவாறு எழுந்து “ அல்லாஹ்வின் தூதரே ! அவர்களுள் ஒருவனாக என்னையும் ஆக்கும்படி அல்லாஹ்விடம் பிரார்த்தியுங்கள் `` என்று சொன்னார் . நபி ஸல்லல்லாஹு அலைஹி வஸல்லம் , “ அல்லாஹ்வே ! இவரையும் அவர்களுள் ஒருவராக ஆக்குவாயாக !`` என்று பிரார்த்தனை செய்தார்கள் . பிறகு அன்ஸாரிகளுள் ஒருவர் எழுந்து “ அல்லாஹ்வின் தூதரே ! அவர்களுள் ஒருவனாக என்னையும் ஆக்கும்படி அல்லாஹ்விடம் பிரார்த்தியுங்கள் `` என்று சொன்னார் . அதற்கு நபி ஸல்லல்லாஹு அலைஹி வஸல்லம் “ இந்த விஷயத்தில் உக்காஷா உம்மை முந்திவிட்டார் `` என்று சொன்னார்கள் .

இம்ரான் பின் ஹுஸைன் ரளியல்லாஹு அன்ஹு கூறியதாவது : அல்லாஹ்வின் தூதர் ஸல்லல்லாஹு அலைஹி வஸல்லம் , “ என் சமுதாயத்தாரில் எழுபதாயிரம் பேர் விசாரணையின்றிச் சொர்க்கத்தில் நுழைவார்கள் `` என்று கூறினார்கள் . மக்கள் , “ அவர்கள் யார் , அல்லாஹ்வின் தூதரே ?`` என்று கேட்டார்கள் . அல்லாஹ்வின் தூதர் ஸல்லல்லாஹு அலைஹி வஸல்லம் , “ அவர்கள் எத்தகையவர்கள் எனில் , ஓதிப்பார்க்க மாட்டார்கள் ; பறவை சகுனம் பார்க்க மாட்டார்கள் ; ( நோய்க்காகச் ) சூடிட்டுக்கொள்ள மாட்டார்கள் ; தங்கள் இறைவன் மீதே முழு நம்பிக்கை வைப்பார்கள் `` என்று கூறினார்கள் .

அப்துல்லாஹ் பின் மஸ்ஊத் ரளியல்லாஹு அன்ஹு கூறியதாவது : நாங்கள் ( சுமார் நாற்பது பேர் ) நபி ஸல்லல்லாஹு அலைஹி வஸல்லம் அவர்களுடன் ஒரு ( தோல் ) கூடாரத்தினுள் இருந்து கொண்டிருந்தோம் . அப்போது அவர்கள் " சொர்க்கவாசிகளுள் நான்கில் ஒரு பகுதியினராக இருக்க நீங்கள் விரும்புகின்றீர்களா ?`` என்று கேட்டார்கள் . நாங்கள் " ஆம் ` என்று சொன்னோம் . நபி ஸல்லல்லாஹு அலைஹி வஸல்லம் , " சொர்க்கவாசிகளுள் மூன்றில் ஒரு பகுதியினராக நீங்கள் இருக்க வேண்டுமென விரும்புகின்றீர்களா ?`` என்று கேட்டார்கள் . நாங்கள் " ஆம் ` என்று சொன்னோம் . அவர்கள் “ சொர்க்கவாசிகளுள் பாதிப் பேராக நீங்கள் இருக்க வேண்டும் என்று விரும்புகின்றீர்களா ?`` என்று கேட்டார்கள் . நாங்கள் " ஆம் ` என்று சொன்னோம் . நபி ஸல்லல்லாஹு அலைஹி வஸல்லம் , “ முஹம்மதின் உயிர் எவனது கையிலுள்ளதோ அவன் மீது சத்தியமாக ! சொர்க்கவாசிகளுள் பாதிப் பேராக ( என் சமுதாயத்தாரான ) நீங்கள் இருக்க வேண்டும் என நான் எதிர்பார்க்கிறேன் . அதற்குக் காரணம் , சொர்க்கத்தில் முஸ்லிமானவரைத் தவிர வேறெவரும் நுழைய முடியாது . இணை வைப்பவர்களை ஒப்பிடும்போது நீங்கள் கறுப்புக் காளை மாட்டின் தோலில் உள்ள வெள்ளை முடியைப் போன்றுதான் ; அல்லது செவலைக் காளை மாட்டிலுள்ள கறுப்பு முடியைப் போன்றுதான் இருக்கிறீர்கள் `` என்று சொன்னார்கள் .

அபூசயீத் அல்குத்ரீ ரளியல்லாஹு அன்ஹு கூறியதாவது : " சொர்க்கவாசிகள் தங்களுக்கு மேலேயுள்ள சிறப்பு அறைகளில் வசிப்பவர்களை , அடிவானில் கிழக்கிலிருந்தோ மேற்கிலிருந்தோ பயணிக்கின்ற ஒளியுமிழும் நட்சத்திரத்தைப் பார்ப்பதைப் போன்று ( ஆர்வத்துடன் ) பார்ப்பார்கள் . ( அந்தஸ்தில் ) தமக்கும் அவர்களுக்குமிடையேயுள்ள ஏற்றத் தாழ்வைக் கண்டு ( ஏக்கம் கொண்டுதான் ) அப்படிப் பார்ப்பார்கள் `` என்று நபி ஸல்லல்லாஹு அலைஹி வஸல்லம் கூறினார்கள் . ( இதைக் கேட்ட ) நபித்தோழர்கள் , “ அல்லாஹ்வின் தூதரே ! அவை நபிமார்கள் தங்குமிடங்கள்தாமே ? அவற்றை மற்றவர்கள் அடைய முடியாதல்லவா ?`` என்று கேட்டனர் . நபி ஸல்லல்லாஹு அலைஹி வஸல்லம் , “ இல்லை . என் உயிரைத் தன் கையில் வைத்திருப்பவன் மீதாணையாக ! அ( ங்கே தங்குப ) வர்கள் அல்லாஹ்வின் மீது ( உறுதியான ) நம்பிக்கை கொண்டு இறைத்தூதர்களை உண்மையாளர்கள் என ஏற்றுக்கொண்டவர்களே ஆவர் `` என்று பதிலளித்தார்கள் .

அப்துல்லா ‎ ஹ் பின் அம்ர் ரளியல்லாஹு அன்ஹு கூறியதாவது : “ திண்ணமாகச் சொர்க்கத்தில் ஓர் அறை உண்டு . அதன் வெளிப்புறம் உட்புறத்திலிருந்து காணப்படும் . அதன் உட்புறம் வெளிப்புறத்திலிருந்து காணப்படும் ” என்று அல்லாஹ்வின் ஸல்லல்லாஹு அலைஹி வஸல்லம் கூறினார்கள் . அப்போது அபூமூஸா அல்அஷ்அரீ ரளியல்லாஹு அன்ஹு , “ அது யாருக்கு அல்லாஹ்வின் தூதரே !” என்று கேட்டார்கள் . “ யார் மென்மையாகப் பேசி , ( பசித்தவருக்கு உணவு கொடுத்து , மக்கள் தூங்கும் வேளையில் அல்லாஹ்வுக்காக நின்று வழிபட்டாரோ அவருக்குரியது ” என்று கூறினார்கள் .

அல்லாஹ்வின் தூதர் ஸல்லல்லாஹு அலைஹி வஸல்லம் கூறியதாக ஜாபிர் ரளியல்லாஹு அன்ஹு அறிவிப்பதாவது : சொர்க்கவாசிகள் சொர்க்கத்தில் உண்பார்கள் ; பருகுவார்கள் . மலம் கழிக்கமாட்டார்கள் . மூக்குச் சிந்தவுமாட்டார்கள் . சிறுநீர் கழிக்கவு மாட்டார்கள் . அவர்கள் உண்ணும் உணவு கஸ்தூரி மணம் கமழும் வியர்வை போன்று ஏப்பமாக வெளியேறும் . மூச்சு விடுமாறு அகத் தூண்டல் ஏற்படுவதைப் போன்று இயல்பாகவே இறைவனைத் துதித்துக்கொண்டும் போற்றிக்கொண்டும் இருக்குமாறு அவர்களுக்கு அகத்தூண்டல் ஏற்படும் .

நபி ஸல்லல்லாஹு அலைஹி வஸல்லம் கூறியதாக அபூசஈத் அல்குத்ரீ , அபூஹுரைரா ரளியல்லாஹு அன்ஹுமா அறிவிப்பதாவது : ( சொர்க்கவாசிகள் சொர்க்கத்தில் நுழைந்த பின்னர் ) பொது அறிவிப்பாளர் ஒருவர் , “( இனி ) நீங்கள் ஆரோக்கியத்துடனேயே இருப்பீர்கள் ; ஒருபோதும் நோய் காணமாட்டீர்கள் . நீங்கள் உயிருடன்தான் இருப்பீர்கள் ; ஒருபோதும் இறந்துபோய் விடமாட்டீர்கள் . இளமையோடுதான் இருப்பீர்கள் ; ஒருபோதும் முதுமையடைய மாட்டீர்கள் . நீங்கள் இன்பத்தோடுதான் இருப்பீர்கள் ; ஒருபோதும் துன்பம் காணமாட்டீர்கள் `` என்று அறிவிப்புச் செய்வார் . இதையே வல்லமையும் மாண்பும் மிக்க அல்லாஹ் , “ இதுதான் சொர்க்கம் ; நீங்கள் ( உலகில் ) நற்செயல் புரிந்து கொண்டிருந்ததற்காக இது உங்களுக்கு உடைமையாக்கப்பட்டுள்ளது என்று அவர்களிடம் எடுத்துச் சொல்லப்படும் `` (7:43) எனக் கூறுகின்றான் .

நபி ஸல்லல்லாஹு அலைஹி வஸல்லம் கூறியதாக அபூஹுரைரா ரளியல்லாஹு அன்ஹு அறிவிப்பதாவது : சொர்க்கத்தில் மக்கள் சிலர் நுழைவார்கள் . அவர்களுடைய உள்ளங்கள் பறவைகளின் உள்ளத்தைப் போன்றிருக்கும் .

நபி ஸல்லல்லாஹு அலைஹி வஸல்லம் கூறியதாக இம்ரான் பின் ஹுஸைன் ரளியல்லாஹு அன்ஹு அறிவிப்பதாவது : ( இந்த ) முஹம்மதின் பரிந்துரையால் ஒரு கூட்டம் நரகத்திலிருந்து வெளியேறிச் சொர்க்கம் செல்வார்கள் . அவர்கள் " ஜஹன்னமிய்யூன் ` ( நரக விடுதலை பெற்றோர் ) என்று அழைக்கப்படுவார்கள் .

நபி ஸல்லல்லாஹு அலைஹி வஸல்லம் கூறியதாக அபூசயீத் அல்குத்ரீ ரளியல்லாஹு அன்ஹு அறிவிப்பதாவது : ( மறுமை நாளில் விசாரணை முடிந்தபின் ) சொர்க்கவாசிகள் சொர்க்கத்திலும் நரகவாசிகள் நரகத்திலும் நுழைந்துவிட்ட பின் அல்லாஹ் “ எவரது உள்ளத்தில் கடுகளவு ஈமான் ( இறைநம்பிக்கை ) உள்ளதோ அவரை ( நரகத்திலிருந்து ) வெறியேற்றி விடுங்கள் `` என்று கூறுவான் . உடனே அவர்கள் கருகிய நிலையில் வெளியேறுவார்கள் . அப்போது அவர்கள் கரிக் கட்டைகளாகக் காட்சியளிப்பார்கள் . பின்னர் அவர்கள் " நஹ்ருல் ஹயாத் ` எனும் ( ஜீவ ) நதியில் போடப்படுவார்கள் . உடனே அவர்கள் " சேற்று வெள்ளத்தில் ` அல்லது " வெள்ளத்தின் கருப்புக் களி மண்ணில் ` விதை முளைப்பதைப் போன்று ( புதுப் பொலிவுடன் ) நிறம் மாறிவிடுவார்கள் . அந்த வித்து ( விலிருந்து வரும் புற்பூண்டுகள் ) மஞ்சள் நிறத்தில் ( பார்ப்பதற்கு அழகாகவும் , காற்றில் ) அசைந்தாடியதாக ( வும் ) முளைப்பதை நீங்கள் கண்டதில்லையா ?

அல்லாஹ்வின் தூதர் ஸல்லல்லாஹு அலைஹி வஸல்லம் கூறியதாக அபூசயீத் அல்குத்ரீ ரளியல்லாஹு அன்ஹு அறிவிப்பதாவது : மறுமை நாளில் இறைநம்பிக்கையாளர்கள் நரக நெருப்பிலிருந்து காப்பாற்றப்பட்டுப் பாதுகாப்பாக இருந்தால் , இந்த உலகில் சத்தியத்தின் மீதிருந்து நரகத்தில் நுழைந்துவிட்ட தங்கள் சகோதரர்களின் நன்மையை வலியுறுத்தி இறைவனிடம் மிகவும் மன்றாடி வேண்டுபவர்கள் இறைநம்பிக்கையாளர்களைவிட வேறெவருமில்லை . அவர்கள் ( பின்வருமாறு ) கூறுவார்கள் : “ எங்கள் இறைவா ! எங்கள் சகோதரர்கள் எங்களுடன் தொழுதார்கள் , எங்களுடன் நோன்பு நோற்று , எங்களுடன் ஹஜ் செய்தார்கள் , ( அப்படியிருக்கையில் ) நீ ( எவ்வாறு ) அவர்களை நரகத்தில் நுழையச் செய்தாய் ?” அப்போது அவன் சொல்வான் : “ நீங்கள் சென்று உங்களுக்குத் தெரிந்தவர்களை வெளியே அழைத்துச் செல்லுங்கள் ,” அவர்கள் அவர்களிடம் வந்து அவர்களின் தோற்றங்களை அடையாளம் கண்டுகொள்வார்கள் , அவர்களின் தோற்றங்களை நெருப்பு எரிக்காது , அவர்களுள் சிலரை நரக நெருப்பு அவர்களின் கெண்டைக்கால்கள் வரை உண்டிருக்கும் . அவர்களுள் சிலரை அவர்கள்தம் கணுக்கால்கள் வரை உண்டிருக்கும் . எனவே அவர்கள் அவர்களை வெளியே எடுத்து வைத்துக்கொண்டு , “ எங்கள் இறைவா ! நீ எங்களுக்குக் கட்டளையிட்டிருந்தவர்களை நாங்கள் வெளியேற்றி விட்டோம் ” என்று சொல்வார்கள் . பின்னர் அவன் கூறுவான் : “ எவரது உள்ளத்தில் தீனார் எடை அளவு ஈமான் இருக்கிறதோ அவர்களை வெளியே எடுங்கள் . பின்னர் யாருடைய உள்ளத்தில் அரை தீனாரின் எடை அளவுக்கு ஈமான் உள்ளதோ ( அவர்களை வெளியே எடுங்கள் ).” இறுதியில் “ எவரது உள்ளத்தில் அணுவின் எடை அளவு ( ஈமான் உள்ளதோ அவர்களை வெளியே எடுங்கள் )” என்று கூறுவான் . அபூசயீத் ரளியல்லாஹு அன்ஹு கூறினார்கள் : இதை நம்பாதவர் ( பின்வரும் ) இந்த வசனத்தைப் படிக்கட்டும் : திண்ணமாக அல்லாஹ் அணுவின் எடை அளவுக்கும் அநீதி இழைக்க மாட்டான் , மேலும் ஒரு நல்ல செயல் இருந்தால் , அவன் அதை இரட்டிப்பாக்கிவிடுவான் . அவன் தன்னிடமிருந்து மகத்தான கூலியைக் கொடுக்கிறான் . (4: 40) அறிவிப்பாளர் கூறினார் : “ எங்கள் இறைவா ! நீ எங்களுக்குக் கட்டளையிட்டிருந்தவர்களை நாங்கள் வெளியேற்றி விட்டோம் ; சிறிதளவு நன்மை உள்ள எவரும் நரகத்தில் இல்லை ” என்று சொல்வார்கள் . பின்னர் அல்லாஹ் : “ வானவர்கள் பரிந்துரை செய்தார்கள் ; நபிமார்கள் பரிந்துரை செய்தார்கள் ; இறைநம்பிக்கையாளர்கள் பரிந்துரை செய்தார்கள் ; இரக்கமுள்ளவர்களில் மிகவும் இரக்கமுள்ளவன் ( ஆகிய நான் ) எஞ்சியிருக்கிறேன் என்று கூறியவாறு , நரக நெருப்பிலிருந்து ஒரு கைப்பிடி ( அல்லது இரண்டு கைப்பிடி ) தொகையினரை எடுத்துக்கொள்வான் . அவர்கள் இறைவனுக்காகச் சிறிதளவும் ஒருபோதும் நன்மை செய்யாதவர்கள் , அவர்கள் கரிக்கட்டைகளாக மாறிப்போயிருப்பார்கள் . ஜீவநீர் என்று அழைக்கப்படுகிற தண்ணீருக்கு அவர்கள் கொண்டு வரப்படுவார்கள் , அது அவர்கள்மீது ஊற்றப்படும் . அவர்கள் வெள்ளச் சேற்றில் முளைத்துவிடும் தானிய வித்தைப் போன்று வளர்வார்கள் , அவை முத்துக்கள் போல அவர்களின் உடலிலிருந்து வெளியேறும் , மேலும் அவர்களின் கழுத்தில் ஒரு மோதிரம் இருக்கும் : அவர்கள்தாம் அல்லாஹ்வால் விடுதலை செய்யப்பட்டவர்கள் , மேலும் அறிவிப்பாளர் கூறினார் : “ சொர்க்கத்தில் நுழையுங்கள் ” என்று அவர்களிடம் கூறப்படும் , அப்போது “ நீங்கள் எதை விரும்புகிறீர்களோ அல்லது பார்த்தீர்களோ , அது இதைவிட உங்களுக்குச் சிறந்தது ” என்று அல்லாஹ் கூறுவான் . அதற்கு அவர்கள் , “ எங்கள் இறைவா , இதைவிடச் சிறந்தது என்ன ?” என்று கேட்பார்கள் : “ நான் உங்கள்மீது திருப்தி அடைகிறேன் ; நான் ஒருபோதும் உங்கள்மீது கோபப்பட மாட்டேன் ” என்று அல்லாஹ் கூறுவான் .

அப்துல்லாஹ் பின் மஸ்ஊத் ரளியல்லாஹு அன்ஹு கூறியதாவது : நபி ஸல்லல்லாஹு அலைஹி வஸல்லம் ( சொர்க்கவாசிகள் மற்றும் நரகவாசிகளின் நிலை குறித்துப் பின்வருமாறு ) கூறினார்கள் : நரகவாசிகளுள் இறுதியாக நரகத்திலிருந்து வெளியேறுபவர் யார் என்பதையும் , சொர்க்கவாசிகளுள் இறுதியாகச் சொர்க்கத்தில் நுழைபவர் யார் என்பதையும் நான் நன்கறிவேன் . நரகத்திலிருந்து தவழ்ந்தபடி வெளியேறுகின்ற ஒரு மனிதரே அவர் . அவரிடம் அல்லாஹ் “ நீ போய் சொர்க்கத்தில் நுழைந்துகொள் `` என்பான் . அவர் சொர்க்கத்திற்குச் செல்வார் . அது நிரம்பியிருப்பதைப் போன்று அவருக்குத் தோன்றும் . உடனே அவர் திரும்பி வந்து , “ என் இறைவா ! அது நிரம்பியிருக்கக் கண்டேன் `` என்று கூறுவார் . அதற்கு அல்லாஹ் “ நீ சென்று சொர்க்கத்தில் நுழைந்துகொள் `` என்று ( மீண்டும் ) சொல்வான் . அவர் சொர்க்கத்திற்குச் செல்வார் . அது நிரம்பியிருப்பதைப் போன்று அவருக்குத் தோன்றும் . ஆகவே , அவர் திரும்பிவந்து , “ என் இறைவா ! அது நிரம்பியிருக்கக் கண்டேன் `` என்று கூறுவார் . அதற்கு அவன் “ நீ சென்று சொர்க்கத்தில் நுழைந்துகொள் . ஏனெனில் , " உலகம் மற்றும் அதைப் போன்ற பத்து மடங்கு ` அல்லது " உலகத்தைப் போன்று பத்து மடங்கு ` ( இடம் சொர்க்கத்தில் ) உனக்கு உண்டு `` என்று சொல்வான் . அதற்கு அவர் " அரசனாகிய நீ என்னைப் " பரிகாசம் செய்கிறாயா ?` அல்லது " என்னை நகைக்கின்றாயா ?` என்று கேட்பார் . ( இதைக் கூறியபோது ) அல்லாஹ்வின் தூதர் ஸல்லல்லாஹு அலைஹி வஸல்லம் தம் கடைவாய்ப்பற்கள் தெரியச் சிரித்ததை நான் பார்த்தேன் . அறிவிப்பாளர்களுள் ஒருவர் கூறுகிறார் : இவரே சொர்க்கவாசிகளுள் குறைந்த அந்தஸ்து உடையவர் ஆவார் என்று கூறப்பட்டு வந்தது .

அல்லாஹ்வின் தூதர் ஸல்லல்லாஹு அலைஹி வஸல்லம் கூறினார்கள் : அனஸ் பின் மாலிக் ரளியல்லாஹு அன்ஹு அறிவிப்பதாவது : ( இறுதிக் கட்டத்தில் ) நான்கு பேர் ( நரக ) நெருப்பிலிருந்து வெளியேறுவார்கள் . அந்நால்வரும் அல்லாஹ்வின்முன் நிறுத்தப்படுவார்கள் . அப்போது அவர்களுள் ஒருவர் ( நரகத்தை நோக்கித் ) திரும்பி , “ இறைவா ! இ( ந்தக் கொடிய நரகத் ) திலிருந்து என்னை நீ வெளியேற்றிய பின் மீண்டும் அதற்குள் என்னை அனுப்பிவிடாதே !`` என்று கூறுவார் . அதையடுத்து அல்லாஹ் அதிலிருந்து அவரைக் காப்பாற்றுவான் .

அல்லாஹ்வின் தூதர் ஸல்லல்லாஹு அலைஹி வஸல்லம் கூறியதாக அபூசயீத் அல்குத்ரீ ரளியல்லாஹு அன்ஹு அறிவிப்பதாவது : அல்லாஹ் ( மறுமையில் ) சொர்க்கவாசிகளை நோக்கி , “ சொர்க்கவாசிகளே !` என்று அழைப்பான் . அதற்கு அவர்கள் “ எங்கள் அதிபதியே ! இதோ கீழ்ப்படியக் காத்திருக்கிறோம் `` என்று பதிலளிப்பார்கள் . அப்போது அல்லாஹ் " திருப்தி அடைந்தீர்களா ?`` என்று கேட்பான் . அதற்கு அவர்கள் “ உன் படைப்புகளுள் யாருக்கும் நீ வழங்கியிராத ( அருட்செல்வங்கள் , இன்பங்கள் ஆகிய ) வற்றை எங்களுக்கு நீ வழங்கியுள்ளபோது நாங்கள் திருப்தி அடையாமல் இருப்போமா ?`` என்று கூறுவார்கள் . அப்போது அல்லாஹ் “ அதைவிடச் சிறந்த ஒன்றை உங்களுக்கு நான் வழங்கப்போகிறேன் `` என்பான் . அவர்கள் “ அதிபதியே ! அதைவிடச் சிறந்தது எது ?`` என்று கேட்பார்கள் . அதற்கு அல்லாஹ் “ உங்கள்மீது என் திருப்தியை அருளுகிறேன் . இனி ஒருபோதும் உங்கள்மீது கோபப்பட மாட்டேன் `` என்று கூறுவான் .

நபி ஸல்லல்லாஹு அலைஹி வஸல்லம் கூறியதாக ஹுஹைப் ரளியல்லாஹு அன்ஹு அறிவிப்பதாவது : சொர்க்கவாசிகள் சொர்க்கத்தில் நுழைந்துவிடும்போது ( அவர்களிடம் ) அல்லாஹ் , “ உங்களுக்கு நான் இன்னும் கூடுதலாக ஏதேனும் வழங்க வேண்டுமென நீங்கள் விரும்புகின்றீர்களா ?`` என்று கேட்பான் . அதற்கு அவர்கள் “( இறைவா !) நீ எங்கள் முகங்களை வெண்மையாக்கவில்லையா ? எங்களை நரகத்திலிருந்து காப்பாற்றி சொர்க்கத்திற்குள் நுழையச் செய்யவில்லையா ( இதைவிடக் கூடுதலாக எங்களுக்கு வேறென்ன வேண்டும் )?`` என்று கேட்பார்கள் . அப்போது அல்லாஹ் , ( தன்னைச் சுற்றிலும் இருக்கும் ) திரையை விலக்கி ( அவர்களுக்கு தரிசனம் தந்தி ) டுவான் . அப்போது தம் இறைவனைக் ( காணும் அவர்களுக்கு அவனைக் ) காண்பதைவிட மிகவும் விருப்பமானது வேறெதுவும் வழங்கப்பட்டிராது .

அல்லாஹ்வின் தூதர் ஸல்லல்லாஹு அலைஹி வஸல்லம் கூறியதாக அபூஹுரைரா ரளியல்லாஹு அன்ஹு அறிவிப்பதாவது : சொர்க்கத்தில் நூறு படித்தரங்கள் ( தரஜா ) உள்ளன . ஒவ்வொரு படித்தரத்திற்கும் இடையே நூறாண்டுகள் ( தொலைதூரம் ) உள்ளது .

அல்லாஹ்வின் தூதர் ஸல்லல்லாஹு அலைஹி வஸல்லம் கூறியதாக உபாதா பின் அஸ்ஸாமித் ரளியல்லாஹு அன்ஹு அறிவிப்பதாவது : சொர்க்கத்தில் நூறு படித்தரங்கள் உள்ளன . ( அவற்றில் ) ஒவ்வோர் இரண்டு படித்தரங்களுக்கு இடையேயும் பூமிக்கும் வானுக்கும் இடையிலுள்ளதைப் போன்ற தொலைதூரம் உள்ளது . ஃபிர்தவ்ஸ் என்பது ( சொர்க்கத்தின் படித்தரங்களில் ) மிக உயர்ந்த படித்தரமாகும் . அதிலிருந்தே நான்கு சொர்க்க ஆறுகள் பாய்கின்றன ; அதற்கு மேலேதான் அர்ஷ் ( இறையாசனம் ) இருக்கிறது . எனவே , நீங்கள் அல்லாஹ்விடம் கோரினால் , அவனிடம் ஃபிர்தவ்ஸ் எனும் அந்தச் சொர்க்கத்தையே கோருங்கள் .

நபி ஸல்லல்லாஹு அலைஹி வஸல்லம் கூறியதாக சஅத் பின் அபீவக்காஸ் ரளியல்லாஹு அன்ஹு அறிவிப்பதாவது : சொர்க்கத்திலுள்ள அருட்கொடைகளில் ஒரு நகம் சுமக்கும் அளவிலான ( மிகச் சிறிய ) ஒன்று ( இவ்வுலகில் ) வெளிப்பட்டால்கூட , அதனால் வானங்களுக்கும் பூமிக்கும் இடையிலுள்ள பகுதிகள் எழிலாகிவிடும் . ( அவ்வாறே ,) சொர்க்கவாசிகளுள் ஒருவர் ( பூமியை ) எட்டிப்பார்க்க , அவருடைய அணிகலன்கள் தென்படுமானால் , விண்மீன்களின் ஒளியைச் சூரியன் மங்கச்செய்வதைப் போன்று . சூரிய ஒளியையே அவை மங்கச் செய்துவிடும் .

அல்லாஹ்வின் தூதர் ஸல்லல்லாஹு அலைஹி வஸல்லம் கூறியதாக சஹ்ல் பின் சஅத் ரளியல்லாஹு அன்ஹு அறிவிப்பதாவது : சொர்க்கத்தில் ஒரு சாட்டையின் அளவு இடம் ( கிடைத்துவிட்டால் ) அது இந்தப் பூமியையும் அதில் உள்ளவற்றையும்விடச் சிறந்தது .

அல்லாஹ்வின் தூதர் ஸல்லல்லாஹு அலைஹி வஸல்லம் கூறியதாக அனஸ் பின் மாலிக் ரளியல்லாஹு அன்ஹு அறிவிப்பதாவது : சொர்க்கவாசிகள் ஆதமின் தோற்றத்தில் எழுப்பப்படுவார்கள் . அவர்கள் தம் உடலில் உரோமங்களற்ற , கண்களில் அஞ்சனம் தீட்டப்பெற்ற , முப்பத்து மூன்று வயதுடைய இளவல்களாகச் சொர்க்கத்திற்குள் நுழைவார்கள் . பிறகு அவர்கள் சொர்க்கத்தில் உள்ள ஒரு மரத்தை நோக்கி அழைத்துச் செல்லப்படுவார்கள் . அங்கே “ அவர்களுடைய ஆடைகள் இற்றுப்போகா ; அவர்களுடைய இளமைப்பருவம் முடிந்துபோகாது ” என்று எழுதப்படும் .

அல்லாஹ்வின் தூதர் ஸல்லல்லாஹு அலைஹி வஸல்லம் கூறியதாக ஜாபிர் பின் அப்தில்லாஹ் ரளியல்லாஹு அன்ஹு அறிவிப்பதாவது : அவர்கள் நன்மையும் தீமையும் விதியின் படியே நடக்கின்றன என்று நம்பாத வரை ஓர் அடியார் இறைநம்பிக்கை கொண்டவராக மாட்டார் . எந்த அளவுக்கென்றால் , தமக்குக் கிடைத்த ஒன்று , கிடைத்திருக்கக் கூடாதது அல்ல என்றும் , தமக்குக் கிடைக்காத ஒன்று கிடைத்திருக்க வேண்டியது அல்ல என்றும் அவர் அறிந்துகொள்ள வேண்டும் . ( அதாவது கிடைக்கக் கூடியதுதான் கிடைத்திருக்கிறது ; கிடைக்கக் கூடாததுதான் கிடைக்காமல் போயிருக்கிறது என்று அறிதல் வேண்டும் .)