பாடம்: 13. செல்வம் பெருகிக் கொழித்தலும் அரபு நிலம் பசுமையாதலும்

அல்லாஹ்வின் தூதர் ஸல்லல்லாஹு அலைஹி வஸல்லம் கூறியதாக அபூஹுரைரா ரளியல்லாஹு அன்ஹு அறிவிப்பதாவது : உங்களிடையே செல்வம் பெருகிக் கொழிக்காத வரை மறுமை நாள் ஏற்படாது . எந்தளவுக்கெனில் அந்நாளில் பொருளுடையவர் தமது தர்மத்தை யார்தாம் வாங்கப் போகிறார் என்று கவலை கொள்வார் . மேலும் யாரிடமாவது அதைக் கொடுக்க முனைந்தால் அவர் எனக்குத் தேவையில்லை என்று கூறுவார் .

அல்லாஹ்வின் தூதர் ஸல்லல்லாஹு அலைஹி வஸல்லம் கூறியதாக அபூஹுரைரா ரளியல்லாஹு அன்ஹு அறிவிப்பதாவது : அரபு மண் மேய்ச்சல் நிலங்களாகவும் ( கரை புரண்டோடும் ) வாய்க்கால்களாகவும் மாறாத வரை ( யுகமுடிவு நாள் நிகழாது ). இராக்கிற்கும் மக்காவிற்கும் இடையே பயணிக்கக்கூடிய ஒரு பயணி வழிப்பறிக் கொள்ளையைத் தவிர எதையும் கண்டு அஞ்சமாட்டார் . ஹர்ஜ் அதிகமாகி விடுகிற வரை ( உலக முடிவு நாள் நிகழாது ). “ அல்லாஹ்வின் தூதரே ! ஹர்ஜ் என்றால் என்ன ?” என்று கேட்டனர் . அதற்கு அவர்கள் , “ கொலை ” என்று பதிலளித்தார்கள் .