பாடம்: 19. குர்ஆனின் கூலியை உலகத்திலேயே தேடுபவர்கள்

ஜாபிர் பின் அப்தில்லாஹ் ரளியல்லாஹு அன்ஹு அறிவிப்பதாவது : நாங்கள் குர்ஆன் ஓதிக்கொண்டிருக்கும்போது அல்லாஹ்வின் தூதர் ஸல்லல்லாஹு அலைஹி வஸல்லம் எங்களிடம் வந்தார்கள் . எங்களில் அரபியர்களும் அரபியர்கள் அல்லாதோரும் இருந்தனர் . நீங்கள் ஓதுங்கள் , அனைத்தும் அழகாகத்தான் இருக்கின்றது . அம்பைச் சீர்செய்வதைப் போன்று குர்ஆனைச் சீராக ஓதக்கூடிய கூட்டங்கள் பின்னால் தோன்றும் . அவர்கள் இதன்மூலம் ( உலகத்திலேயே கூலியை ) விரைவாக எதிர்பார்ப்பார்கள் . ( அதன் கூலியை மறுமையில் பெறுவதற்காகக் ) காத்திருக்க மாட்டார்கள் என்று நபி ஸல்லல்லாஹு அலைஹி வஸல்லம் கூறினார்கள் .

அல்லாஹ்வின் தூதர் ஸல்லல்லாஹு அலைஹி வஸல்லம் அவர்களிடமிருந்து தாம் செவியுற்றதாக அப்துர் ரஹ்மான் பின் ஷிப்ல் ரளியல்லாஹு அன்ஹு அறிவிப்பதாவது : குர்ஆனை ஓதுங்கள் ; அதில் வரம்பு மீறாதீர்கள் ; அதைப் புறக்கணிக்காதீர்கள் ; அதை வைத்துக்கொண்டு ( ஆதாயம் தேடிச் ) சாப்பிடாதீர்கள் ; அதைக் கொண்டு ( பொருளாதாரத்தை ) அதிகப்படுத்திக் கொள்ளாதீர்கள் .